«Hasiyätlik Qazaqstan: Yättisuniŋ hasiyätlik җayliri»

0
71 ret oqıldı

«Vätänpärvärlikniŋ äŋ ilğar ülgisi – tuğulğan yärniŋ tarihini mäktäptä oqutuştin başlisa nahayiti yahşi bolidu. Tuğulğan yärniŋ härbir seyi vä idirliri, tağliri bilän däriyaliri tarihtin uçur beridu. Һärbir yär nami toğriliq talay rivayätlär vä hekayilär bar… Tuğulğan yärgä bolğan muhäbbät tuğulğan älgä –Qazaqstanğa degän vätänpärvärlik his-tuyğuğa ulişidu».
(N.Ä. Nazarbaevniŋ «Keläçäkkä nişan:
mäniviy yeŋiliniş» särlävhilik maqalisidin).

Raşidäm RÄҺMANOVA,
«Uyğur avazi»
Dšlät rähbiri N.Nazarbaevniŋ «Keläçäkkä nişan: mäniviy yeŋiliniş» maqalisida җämiyätlik aŋ-sezimni täräqqiy ätküzidiğan altä layihä qaraşturulğan. Şularniŋ biri – «Qazaqstanniŋ hasiyätlik yärliriniŋ geografiyasi» layihisi. Uşbu layihä dairisidä yeqinda Almuta vilayätlik maarip başqarmisiniŋ «Vilayätlik maaripni täräqqiy ätküzüşniŋ oquş-metodologiyalik märkiziniŋ» uyuşturuşi bilän Ämgäkçiqazaq nahiyäsidä «Hasiyätlik Qazaqstan: Yättisuniŋ hasiyätlik җayliri» җumhuriyätlik forumi bolup štti. Uniŋğa «Ruhani jaŋğıru» layihisiniŋ regionliq keŋişi, aliy oquş orunliri, tarih-šlkitonuş mirasgahliri, täntärbiyä, sport, däsläpki härbiy täyyarliq vä qoşumçä bilim beriş ilmiy-täҗribä märkiziniŋ väkilliri vä Qazaqstanniŋ җay-җayliridin kälgän ustazlar qatnaşti.
Forum «Öz šlkäŋni tonup-biliş – mäniviy yeŋilinişniŋ asasi» mavzusida uyuşturulğan kšrgäzmini ziyarät qiliştin başlandi. Uni Almuta vilayätlik maaripni täräqqiy ätküzüşniŋ oquş-metodologiyalik märkiziniŋ rähbiri Alua Qabdulova açti. Şuniŋdin keyin vilayätlik maarip başqarmisi ottura bilim, oqutuşniŋ yeŋi tehnologiyasi bilän innovatsiya bšlüminiŋ baş hadimi Ruslan Arslanov doklad oqup, layihä dairisidä vilayättä ämälgä aşuruluvatqan işlarğa tohtaldi. Natiqniŋ täkitlişiçä, noyabr' eyida «Almatıkitap» näşriyati täripidin 5 – 7-sinip oquğuçiliri üçün «Ölkitonuş» kitavi yoruq kšrdi. Bu pän mäktäp programmisiğa kirgüzüp, pän tarih, geografiya, qazaq ädäbiyati, muzıka därisliri elementlirini šz içigä alidiğan bolidu. Andin sšzgä çiqqan İ.Jansügirov namidiki Jetisu dšlät universitetiniŋ professorı Erkin Toqpanov Almuta vilayiti hasiyätlik җayliriniŋ häritisini quraşturuşqa vä uniŋ šlkilik turizmni täräqqiy ätküzüştiki ähmiyitigä tohtaldi.
Umumän, forum davamidiki plenarliq uçrişişlar bilän sektsiya işlirida 50tin oşuq doklad oqulup, Qazaqstanniŋ hasiyätlik yärliriniŋ mädäniy-geografiyalik bälbeğini quruş vä elimizniŋ härbir grajdiniğa milliy birtutaşliqniŋ asasi boyiçä süpätlik bilim beriş, layihini ämälgä aşuruş mäsililiri muhakimä qilindi.
Forumniŋ ikkinçi küni uniŋ iştrakçiliri «Hasiyätlik җaylar» layihisi dairisidä «Altın adam» mirasgahini, İli-Alitağ milliy parki Türgän şšbisidiki Türgün çatqalliqlirini ziyarät qildi.
«Hasiyätlik Qazaqstan: Yättisuniŋ hasiyätlik җayliri» forumida uniŋğa qatnaşqan ustazlar yaş ävlatni vätänpärvärlikkä tärbiyiläştiki täҗribiliri bilän bšlüşti. Çarä-tädbir davamida asasiy şiarğa aylanğan «Öz yeriŋni tonup-bil» täşäbbusi bilim beriş mähkimiliridiki mäktäp turizmini yeŋilaşqa asas bolidiğanliği eniq.
Ämgäkçiqazaq nahiyäsi.

Bälüşüş

Javap qalduruŋ