Gornıygigantliq yaşlar: “Çoŋlar mäslihitini bärsun, işni biz qilayli”

0
99 ret oqıldı

Erşat ÄSMÄTOV,
«Uyğur avazi»

Dšlät rähbiri N.Ä. Nazarbaev Qazaqstan hälqigä yolliğan “Qazaqstanliqlarniŋ paravänliginiŋ šsüşi: tapavätniŋ vä turmuş süpitiniŋ yahşilinişi” Mäktübidä yaşlarğa alahidä kšŋül bšlgänligi, җümlidin 2019-jilniŋ “Yaşlar jili” däp atalğanliği hämmimizgä mälum. Äynä şuniŋğa munasivätlik yeqinda җumhuriyätlik Uyğur etnomädäniyät märkizi Almuta şähärlik şšbisiniŋ vä Gornıy Gigant mähällisi jut-җamaätçiliginiŋ uyuşturuşi bilän yaşlarniŋ baş qoşuş jiğini bolup štti. Uniŋğa җumhuriyätlik Uyğur etnomädäniyät märkiziniŋ başqarma äzaliri, җämiyätlik täşkilatlarniŋ väkilliri, jigitbaşliri vä başqimu mehmanlar qatnaşti.
— Bügünki baş qoşuşimizniŋ mähsiti – Dšlät rähbiriniŋ Mäktübidä alğa sürülgän väzipilärni ämälgä aşuruş, җümlidin yaşlirimizniŋ җämiyätlik işlardiki paaliyätçanliğini aşuruştin, şundaqla “Uyğur avazi” gezitiğa muştiri toplaş işini җanlanduruştin ibarät, – dedi jiğinni kirişmä sšz bilän açqan ҖUEM Almuta şähärlik şšbisi räisiniŋ orunbasari – Jigitbaşliri keŋişiniŋ räisi Sabit haҗim Yüsüpov. – Bu hildiki mäsililärgä Gornıy Gigant mähällisiniŋ sabiq jigitbaşliri, heli märhum Җamaldin Qämirdinov bilän Abdureşit Mähsütov yetärlik däriҗidä kšŋül bšlüp kälgän bolsa, hazir ularniŋ işini inimiz Tarim Tayirov işäşlik davamlaşturuvatidu. Şuniŋ nätiҗisidä jut yaşliri elini, millitini sšyidiğan, täräqqiypärvär insanlardin bolup yetilmäktä.
Şuniŋdin keyin sšz novitini alğan ҖUEM yenidiki Jigitbaşliri keŋişi räisiniŋ orunbasari İnämҗan Hudaybärdiev yaşlar arisida milliy urpi-adät vä än°änilirimizni täşviq qilişniŋ muhim ähmiyätkä egä ekänligini eytti. “Turan duniyasi” җämiyätlik fondiniŋ räisi Karlin Mähpirov Qazaqstanda yaritilivatqan barliq imkaniyätlärdin paydilinip, barçä qädriyätlirimizni saqlap qelişimiz, hälqimizniŋ päqät yahşi täräplirini kšrsitişimiz, bolupmu bu җähättin yaşlirimizniŋ aldinqi säptä boluşi lazimliğini qäyt qildi. Talğir nahiyälik Uyğur etnomädäniyät märkizi yenidiki Jigitbaşliri keŋişiniŋ räisi Oktyabr' Qurbanniyazov İnternet, bolupmu vatsap mäsilisigä çoŋ-kiçiklirimizniŋ җiddiy vä ehtiyatçanliq bilän munasivät qilişini, ularda päqät uyğurlarniŋ “yahşiliğini aşurup, yamanliğini yoşuridiğan” uçurlarniŋ orun elişiniŋ muhimliğini täkitlidi. Türksib nahiyälik Uyğur etnomädäniyät märkizi yenidiki Jigitbaşliri keŋişiniŋ räisi Nazim Niyazov yaşlarni ana tilimizni qädirläşkä çaqirsa, Bostandıq nahiyälik Uyğur mädäniyät märkiziniŋ räisi – baş jigitbeşi Abdumeҗit İminov, «ägär biz milliy mäktäplirimizni, teatrimizni, näşirlirimizni saqlap qalalmisaq, mälum vaqit štkändin keyin şähsiy guvanamimizdiki “uyğur” degän sšzdin başqa heçnärsimiz qalmaydiğanliğini» eçinişliq bilän eytti. Kšktšbä mähällisiniŋ jigitbeşi Tursunmähämmät Nurdinov šz jutida yaşlarniŋ beşini qoşup, bir-biri bilän yeqindin tonuşturğanliğini, ularğa җämiyätlik hizmät-väzipilärniŋ bšlüp berilgänligini, umumän, yaşlarniŋ sağlam hayat täriziniŋ yolğa qoyulğanliğini qäyt qildi. “Duman” mikrorayoniniŋ jigitbeşi Tavakäl Qämirdinov miŋbir җapalar bilän qurulğan jutida yaşlarniŋ işini җanlanduruşqa kirişkänligini eytti.
Başqoşuşniŋ sahiphani – Gornıy Gigant mähällisiniŋ baş jigitbeşi Tarim Tayirovniŋ sšzidin bu juttiki yaşlarniŋ alahidä aktivliğiğa kšzümiz yätti. Uniŋğa bir misal, yaşlar bügünki küngä qädär “Uyğur avazi” gezitiğa 200 ailiniŋ (bultuqidin 40 danä oşuq – E.Ä.) yezilişini qolğa kältürüp, bu işni yänimu davamlaşturuş niyitidä ekän. Biz härbir jutta yaş ävlatniŋ näq moşundaq paaliyätçanliq kšrsitişini haliğan bolar eduq.
Jiğin җäriyanida yaşlarmu nutuq sšzläp, šz pikir-hahişlirini izhar qildi. Mäsilän, Yarmähämät Noruzov mähällisidä yaşlar baş qoşup, paydiliq mädäniy çarilärni uyuşturidiğan mähsus orunniŋ yoqluğiğa eçinidiğanliğini eytsa, İliyas Yüsüpov gezit betidä din, ädäp-ählaq mäsililiriniŋ kšpiräk yezilişi keräkligini izhar qildi. İl'şat Suleyman bolsa, Uyğur teatrida milliy saz äsvaplirini çelişqa ügitidiğan šmäklärniŋ iş elip berişini, yaşlar, šsmürlär häm gšdäklärgä layiq qoyulumlarniŋ sähniläştürülüşini halaydiğanliğini bildürdi. Niҗat Qaraev ata-anilarniŋ šz pärzäntliriniŋ tärbiyisigä җiddiy kšŋül bšlüp, ularni җämiyätkä paydiliq işlarğa dävät qilişi lazimliğiğa, bu mäsiligä bevasitä jigitbaşliriniŋ näzär ağduruşi haҗätligigä tohtaldi.
Baş qoşuş ahirini Sabit haҗim Yüsüpov yäkünläp, bu hildiki jiğinlarni başqa jutlardimu štküzüşniŋ muhimliğini eytti vä jiğin qatnaşquçiliriğa R.Kärimova, N.Kärimi vä A.Kamalovniŋ “İnayät” assotsiatsiyasiniŋ hamiyliğida uyğur häm rus tillirida yoruq kšrgän “Ottuz oğul iҗtimaiy instituti: tarih vä bügün. Sotsial'nıy institut ottuz-ogul: istoriya i sovremennost'” kitavini soğa qildi.

Mäşür SASİQOV çüşärgän sürät.

Bälüşüş

Javap qalduruŋ