Behätärlik vä himayä täminlinişi keräk

0
258 ret oqıldı

Düşänbä küni Dšlät rähbiriniŋ räisligidä içki işlar organliriniŋ paaliyitini yeŋilaş mäsililiri boyiçä keŋäşmä bolup štti.
Qazaqstan Prezidenti keŋäşmini eçip, hoquq-tärtipni täminläş vä җinayätçilikkä qarşi kürişiş mäsililiriniŋ šziniŋ alahidä nazaritidä boluvatqanliğini täkitlidi.
Nursultan Nazarbaev keyinki üç jilda içki işlar organliriniŋ küç çiqirişi tüpäyli mämlikättä җinayätçilik däriҗisiniŋ 17,5 payiz qisqarğanliğini atap kšrsätti.
– Adämlär җinayätçiliktin qoğdiniş üçün birinçi novättä politsiyagä muraҗiät qilidu. Mustäqillik jillirida 779 hadim qaza boldi, ikki yerim miŋğa yeqin hadim җarahätländi. Mana moşuni ästä tutuş keräk. Şuniŋ bilän bir vaqitta içki işlar organliriniŋ hazirqi ähvali җämiyät täläplirigä toluq җavap bärmäydu, – dedi Dšlät rähbiri.
Prezident politsiya hadimliriniŋ grajdanlar bilän bolğan šzara munasivätliriniŋ moҗut ülgiliriniŋ koniriğanliğini vä hazirqi ähvalni hesapqa almaydiğanliğini täkitlidi.
– İçki işlar organliri sistemisiniŋ paaliyiti җämiyät işänçisini aqlimaydu, grajdanlarniŋ şikayitini päyda qilivatidu. Adämlär šzlirini behätär his qilmaydu. Buniŋsiz biz šzimizniŋ asasiy nişanimiz bolğan qazaqstanliqlar turmuşiniŋ juquri süpitini täminlälmäymiz. Şuŋlaşqimu biz politsiyani keçiktürmäy islahat qilişqa kirişişimiz keräk, – dedi Nursultan Nazarbaev.
Dšlät rähbiri biyilqi Mäktüp yšnilişlirigä muvapiq içki işlar sahasida mäzmunluq häm süpätlik šzgirişlärni ämälgä aşuruşniŋ zšrür ekänligini atap kšrsätti.
Kün tärtivigä muvapiq keŋäşmä davamida Qazaqstan Җumhuriyiti Prezidenti Mämuriyitiniŋ rähbiri Äset İsekeşev bilän içki işlar ministri Qalmuhanbet Qasımovniŋ dokladliri tiŋşaldi.
Qazaqstan Prezidenti berilgän ähbaratni diqqät-etivarğa elip, barliq planlanğan çarä-tädbirlärni puhta işläşniŋ zšrür ekänligini täkitlidi.
Dšlät rähbiri yeŋilaşniŋ muhim ekänligini täkitläp, içki işlar organliriniŋ qurulumini vä ştatlirini qisqartişni, şundaqla ularğa has ämäs väzipilärni elip taşlaşni tapşurdi.
– Oşuq bolğan barliq närsilärdin qutulup, җinayätçilikkä qarşi kürişişkä vä hoquq-tärtipni qoğdaşqa diqqät ağduruş keräk. Zvenolar qisqirap, uniŋ nätiҗisidä bir rähbärgä üç ämäs, bälki bäş hadim toğra kelidu. Ştat sani on payiz qisqiraydu. Mundaq çarilär politsiya hadimliri saniniŋ, ahaliniŋ җan beşiğa çeqip hesapliğanda, 100 miŋ grajdanğa 471din 424kiçä qisqirişiğa elip kelidu, bu ottura evropiliq däriҗigä muvapiq. Buniŋda 16 millirad täŋgä ihtisat qilinidu, – dedi Nursultan Nazarbaev.
Äynä şuniŋğa bağliq Prezident boşiğan mäbläğni hadimlarğa iş häqqini tšläş sistemisini yahşilaşqa vä iҗtimaiy himayä qilişqa särip qilişni tapşurdi. Nursultan Nazarbaev şundaqla qoşumçä içki rezervlarni izdäş vä nätiҗidarsiz mämuriy hiraҗätlärni elip taşlaş boyiçä sistemiliq iş jürgüzüşniŋ zšrür ekänligini täkitlidi.
– Politsiya hadimliriniŋ iş häqqini aşuruş üçün qoşumçä 21,4 milliard täŋgä bšlünidu. Moşuniŋ hämmisi – häliq ahçisi. Biz seliq tšligüçilär mäbliği hesaviğa häm politsiyani, häm armiyani, häm sotlarni tutuvatimiz. Şuŋlaşqa grajdanlar hoquq qoğdaş organliriniŋ šz väzipisini lazimliq däriҗidä orunlinişini täläp qilidu, – dedi Dšlät rähbiri.
Prezident şundaqla bevasitä җinayätçilikkä qarşi küräş vä җämiyät tärtivini qoğdaş bilän bänt boluvatqan hadimlarniŋ turuşluq šy problemisini häl qiliş boyiçä kšrülüvatqan çarilärgä tohtaldi. Bu çarilär politsiya işiniŋ helä muhim uçastkiliriğa yeŋi kvalifikatsiyalik kadrlarni җälip qiliş vä hoquq-tärtipni qoğdaş häm җinayätçilikkä qarşi kürişiş väzipisini štävatqan bšlünmilärni küçäytiş imkaniyitini beridu.
Dšlät rähbiri ävätilgän kamçiliği üçün içki işlar organliridiki hizmättin boşitilğan politsiya hadimliriniŋ barliq imtiyazlardin ayrilidiğanliğini täkitlidi.
– Bizgä yeŋi formatsiyadiki politsiya hadimliri täläp qilinivatidu. Kadrlarni tallaveliş, täyyarlaş vä ilgirilitiş sistemisi qayta qarilidu. İdarä bilim beriş sistemisi çoŋ šzgirişlärgä uçraydu. Bizgä zamaniviy politsiya akademiyaliri keräk, ularda täyyarlaş süpiti duniyaviy ülgilärgä muvapiq kelişi şärt, – dedi Nursultan Nazarbaev.
Prezident İçki işlar ministrliginiŋ 12 oquş ornidin äŋ yahşi 5 oquş orni qaldurulup, ularğa äŋ kvalifikatsiyalik oqutquçilar tallavelinidiğanliğini, ularniŋmu iş häqqiniŋ aşurulidiğanliğini täkitlidi.
– İşlävatqan politsiya hadimlirini novättin taşqiri attestatsiya kütüvatidu. Zamaniviy ülgilärgä җavap beridiğanlarla qalidu. Moşu emtihandin štälmigän hadimlarniŋ orniğa äŋ munasiplarni tallaş keräk. Qazaqstanda süpätlik tallaveliş imkaniyiti bar – här jili aliy oquş orunlirimiz 20 miŋdin oşuq yurist çiqirivatidu, – dedi Nursultan Nazarbaev.
Qazaqstan Prezidenti şuniŋ bilän birqatarda içki işlar organliridin işniŋ hizmät kšrsitiş usuliğa kšçüşni täläp qildi.
– Һär jili 4,5 milliondin oşuq grajdan politsiyagä muraҗiät qilidu, biraq ularni qobul qiliş üçün şarait yaritilmiğan. Adäm šz muämmasi bilän saŋa käldimu, demäk, sän uni çapsan vä huşmuamililik bilän qobul qilişiŋ keräk. Biraq bu – işniŋ yerimi. Uniŋ problemisi bevasitä çapsan häm qanunğa muvapiq birtäräp qilinişi lazim. Ahali bilän işläşniŋ zamaniviy şäkli äynä şuniŋdin ibarät, – dedi Dšlät rähbiri.
Nursultan Nazarbaev qolayliq iş grafigi tüzülgän vä tehnikiliq җähättin yahşi täminlängän front-idarilärni quruşni tapşurdi.
– Hadimlarniŋ muamilisidä qopalliq häm bepärvaliq bolmasliği şärt. Grajdan җinayätçilikniŋ qurviniğa aylansa yaki şundaqla hovup tuğulsa, u himayigä egä bolmiğiçä, hatirҗäm yaşalmaydu vä işlälmäydu, – dedi Prezident.
Nursultan Nazarbaev şundaqla politsiya paaliyitini bahalaşniŋ yeŋi šlçämlirini җariy qilişni tapşurdi.
– Ölçämlär ob°ektiv boluşi, täkşürülüşi vä politsiyaniŋ väzipilärni orunlaş süpitini häm ahaliniŋ moşu işniŋ nätiҗidarliğini bahalişini äkis ättürüşi keräk. Buniŋ üçün häm dšlät organliriniŋ statistikiliq mälumatliri, häm sotsiologiyalik tätqiqatlar paydilinilidu. Grajdanlarniŋ işänçisi, ularniŋ hatirҗämligi vä behätärligi politsiyaniŋ nätiҗidarliğini bahalaş üçün asas bolidu. Һesavatlar kšrsätküçlirigä hirismän boluş štmüştä qelişi keräk, – dedi Prezident.
Dšlät rähbiri җämiyätlik tärtipni täminläş boyiçä işqa räqämlik tehnologiyalärni җariy qilişniŋ muhim ekänligigä diqqät ağdurdi.
– Һämmä җayda içki işlar organliriniŋ işiğa räqämlik tehnologiyalärni җariy qiliş zšrür. Mäktüptä atap kšrsitilgändäk, Qazaqstanniŋ barliq şähärliri җämiyätlik behätärlikni monitoring qiliş sistemiliri bilän täminlinidu. Onlayn-tärtiptä ahali bilän äkis alaqini yahşilaş imkaniyitini beridiğan hizmätlär җariy qilinidu. Zamaniviy tehnologiyalär politsiya paaliyitiniŋ barliq sahalirini šz içigä alidu, – dedi Nursultan Nazarbaev.
Prezident räqämläştürüşniŋ korruptsiyani qisqartişqa, şundaqla başquruş halqilirini vä ştat sanini tehimu optimallaşturuşqa yardäm qilidiğanliğini täkitlidi.
Dšlät rähbiri şundaqla päqät politsiya hizmitinila ämäs, bälki İçki işlar ministrliginiŋ başqa qurulumlirinimu islahat qilişniŋ zšrür ekänliginimu atap kšrsätti.
– Җinaiy-iҗraiy sistemisida muhim šzgirişlär jürgüzülidu. Zorluq-zombiliq bilän җinayätni ämälgä aşurğanlarni başqa sotlanğanlardin ayrim tutuş täminlinidu, – dedi Prezident.
Nursultan Nazarbaev koçilarda vä başqa җämiyätlik җaylarda җinayätçilikni toluq qisqartiş çarilirini kšrüşni tapşurdi.
– Adämlär šz keläçigi üçün hatirҗäm, behätärligigä vä dšlät täräptin himayä qilinidiğanliğiğa işäşlik boluşi keräk. Grajdanlarniŋ şähsiy häm mülük behätärligi çoŋ ähmiyätkä egä. Politsiya işiniŋ nätiҗidarliğiniŋ asasiy šlçimi äynä şuniŋdin ibarät, – däp hulasilidi Dšlät rähbiri.

Bälüşüş

Javap qalduruŋ