Ustaz şäni

0
167 ret oqıldı

Bu maqalämdä män elimizniŋ iҗtimaiy-mädäniy täräqqiyatiğa šziniŋ salmaqliq hässisini qoşuvatqan, 30 jil mabaynida Azat ottura mäktiviniŋ mudiri bolup işlävatqan käsipdişim, Ämgäkçiqazaq nahiyäsiniŋ Pähriy grajdini, Altınsarin medaliniŋ sahibi İvrayim İsmäkov toğrisida yezişni toğra kšrdüm.
İvrayim İsmäkov 1972-jili mäktäpni tamamlap, Ämgäkçiqazaq nahiyäsi Aqbastav mäktividä täntärbiyä päni boyiçä muällim bolup işläydu. Andin hazirqi Bäydibek yezisidiki Ostrovskiy namidiki mäktäptä işläp jürüp, Almuta şähiridiki Abay namidiki Qazaq pedagogika institutiniŋ rus tili vä ädäbiyati fakul'tetiğa oquşqa çüşüp, uni 1980-jili tamamlap, yänä şu Aqbastav mäktivigä mudirniŋ tärbiyäviy işliri boyiçä orunbasari, ändi 1988-jili bolsa, Azat mäktivigä mudir bolup ävätilidu.
İvrayimniŋ ottuz jilliq ämgäk paaliyitidä qolğa kältürgän alahidä utuği, u härbir muällimniŋ işläş qabiliyitini kšzdä tutqan halda, sistemiliq türdä paaliyät elip berişida boldi. Şu tüpäyli muällimlär kollektiviniŋ inaqliği eşip, utuq-muvappäqiyätliri kündin-küngä šsti. İvrayimniŋ qäyt qilişiçä, härqandaq adäm üçün pikriŋni oçuq, yäni «aqni – aq, qarini – qara» däp eytişniŋ mäktäptila ämäs, bälki kšpçilik jiğilğan muhimlarda berär paydisi kšp.
2000-jili Uluq Vätän uruşiniŋ 55-jilliğiğa dair, uruşqa qatnaşqan 160 adämniŋ tegi-täkti eniqlinip, ularniŋ hšrmitigä Azat jutida hatirä taş qoyuldi. Bu iş İvrayim İsmäkov, Arup Roziev vä Seyit Nadirov rähbärligidiki sahavätlik insanlar täripidin ämälgä aşuruldi. İvrayim 2010 — 2012-jilliri Ämgäkçiqazaq nahiyälik Uyğur etnomädäniyät märkizi räisniŋ orunbasari hizmitini atqurdi. 2017-jili Astana şähiridä Nazarbaev Universitetta «Blagopoluçie şkol'nikov v Kazahstane» mavzusida štküzülgän üç künlük çarä-tädbirgä qatnişip, šzi rähbärlik qilğan mäktäpniŋ «Millätlär dostluği» namliq iş-täҗribisini tärğip qildi.
Bilim därgahiniŋ härtäräptin mustähkäm boluşi, älvättä, uniŋ mudiriğa bağliq. Şundaq ekän, Azat mäktiviniŋ abroy-inavitiniŋ egiz kštirilişi, yäni oquğuçilar bilän muällimlärniŋ utuqliri İvrayim İsmäkovniŋ şiҗaätlik äҗriniŋ mevisi ekänligi şübhisiz.
İvrayim İsrayil oğli jutdaşliriğa җan etip, barliq küç-ğäyritini yaş ävlatniŋ bilimni elişiğa särip qilğan insan. Şuŋlaşqa uniŋ äl-jut aldida hšrmiti bšläkçä. Һä, bügünki kündä uniŋ ikkinçi šyigä aylanğan bilim därgahi — Azat mäktiviniŋ 95 jilliq tarihida käsipdişimniŋ šzigä has orni bar.

Abdumähämmät DÖLÄTOV.

SÜRÄTTÄ: käsipdaşlar İvrayim İsrayilov (soldin oŋğa), Mahmut Җälilov vä maqalä muällipi.

Bälüşüş

Javap qalduruŋ