Hanim-qizlarğa beğişlanğan qoş sähipä

0
1 139 ret oqıldı

Bizniŋ uyğur qizliri

Һärtäräplimä mälumatliq mutähässis-kadrlar millätniŋ äqliy ihtidarini bälgüläydiğan muhim amillarniŋ biri. Äynä şu nuqtäiy näzärdin qariğanda, qaysila sahada bolmisun, oqup, yetilip çiqqan yaşlirimizni här qançä alqişlisaq, şunçä ärziydu. Hudağa şükri, yetärlik däriҗidä bolmisimu, här halda kadrlirimiz sepiniŋ jildin-jilğa toluqturulup kelivatqanliği hoşal bolarliq ähval. Buni biz Yarkänt täväsi misalidinmu kšrüşimizgä bolidu. Gezitimizniŋ hanim-qizlarğa beğişlanğan «Visal» sähipisi arqiliq äynä şundaq yaş, keläçigidin ümütländüridiğan mutähässis qizlirimizni tonuşturup štüşni muvapiq kšrduq.

Һeç qaçan harmaŋ, Dilnaz! 

Dilnaz Һezimova Yarkänt şähiridä tuğulup, moşu yärdä ottura mäktäpni tamamlidi. Kamalätlik şahadätnamä alğandin keyin, uyğur qizliri ançä bir qiziqip kätmäydiğan hoquq-tärtip qoğdaş sahasini tallavaldi. Mäktäpni äla bahalar bilän tügätkäçkä, Çimkänt şähiridiki B.Momışulı namidiki militsiya mäktivigä oquşqa çüşti. Җumhuriyättiki inavätlik bilim därgahliridin bolup hesaplinidiğan mäzkür mäktäptä ikki jil tähsil kšrüp, 2011-jili politsiya leytenanti unvani bilän qoliğa diplom aldi. Äynä şuniŋdin beri Panfilov nahiyälik içki işlar bšlümidä ayallarni zorluq-zombiliqtin himayä qiliş boyiçä inspektor bolup paaliyät elip berivatidu.

Dilnaz Polat qizi bir jilğa yetär-yätmäs vaqit içidä šzini ätrapliq bilimlik, här qaçan izdiniş bilän hizmät qilidiğan hadim süpitidä tonutuşni bildi. Dšlät tili bilän rus tilini šz ana tilidäk šzläştürgänliktin, ahali arisida ayallar hoquqini himayä qiliş mäsililirigä ait käŋ dairilik çüşändürüş-täşviqat işlirini elip berivatidu. Oquş orunliri bilän mähkimä-täşkilatlarda mäzmunluq lektsiyalärni oqup, šz sahasi boyiçä hoquq buzuşniŋ här qandaq kšrünüşlirigä qarşi izçil häm qät°iy küräş jürgüzüvatidu. Şuniŋ üçünmu Dilnaz moşu az vaqit içidä nahiyälik içki işlar bšlümi vä Almuta vilayätlik içki işlar departamenti täripidin bir näççä qetim täşäkkürnamä vä Pähriy yarliqlar bilän täğdirländi.

— Män bu sahani tallavalğinimğa heç qaçan puşayman qilmaymän. Rast, bu işniŋ җavapkärligi juquri, qiyinçiliği yetärlik. Şundaq bolsimu, içki işlar organlirida hizmät qilişni hayatimniŋ mäzmuni däp çüşinimän. Pursättin paydilinip, diplomluq politsiya hadimi bolup çiqişimğa qol uçini sunğan är-ayal metsenatlar Süriyäm hädä Һezimova bilän Dilşat aka Nasirovqa çäksiz minnätdarliğimni izhar qilmaqçimän, — däydu Dilnaz Polat qizi soalimizğa җavavän.

Öz aldiğa eniq mähsätlärni qoyup, ularni ämälgä aşuruş yolida ästaidil paaliyät elip berivatqan Dilnazğa: «Һeç qaçan harmaŋ!» demäkçimiz.

Aq yol sizgä, Zamira!

Yarkänt şähiridä «Diana» meditsiniliq kolledjiniŋ paaliyät elip berivatqiniğa bir qançä jillar boldi. Bu vaqit җäriyanida uni başqa millät väkilliri bilän bir qatarda, näççä onliğan qara kšzlirimizmu tügitip, ottura däriҗilik meditsina hadimliri bolup yetilip çiqti. Zamira Şäripova äynä şular җümlisidindur.

Zamira birinçi kurstin tartipla oquşqa çin etiqati bilän berilip, älaçi studentlar sepidin orun aldi. Şundaqla җämiyätlik işlarğimu paal qatnaşti. Nahiyä, vilayät dairisidä štküzülgän här hil konkurslar bilän bayqaşlarğa iştrak qilip, kolledjniŋ şänini qoğdidi. Mäsilän, biyilqi jilniŋ šzidila Taldiqorğan şähiridä bolup štkän Almuta vilayätlik «Äŋ ilğar uçumkar —2012» konkursiğa qatnaşti. Vilayättiki meditsiniliq kolledjlar studentliri arisidiki bu küç sinişişta Zamira ikkinçi orunni egiläp, diplom vä bahaliq soğa bilän täğdirländi. Şunimu eytip štüş keräkki, uniŋ bilän kolledj şänini qoğdiğan Sabira Muhtärova vä Ğunçäm Tayipovamu yahşi nätiҗilärni qolğa kältürüp, mukapatliq orunlarni yeŋivaldi.

Zamira Abdurasul qizi atalğan oquş ornini qizil diplom bilän tamamlidi. Bir-ikki jil meditsina sahasida hizmät qilip, andin aliy mälumat eliş uniŋ šz aldiğa qoyğan asasiy mähsiti. Biz adäm salamätligini saqlaştäk şäräplik işta tunҗa qädimini besivatqan Zamira Şäripovağa aq yol tiläymiz.

Nurähmät ÄHMÄTOV.

Yarkänt şähiri.

 

Üç hätkä qaçilanğan üç täğdir

Birinçi hät

«… Nemişkidu, bilmäymän, män künçi bolup qaldim. Jigitim bilän jürüvatqinimda ançä bilinmätti. Turmuşqa çiqqandin keyin, bu «ağriğim» tehimu «üdäp» kätti. Yoldişim ikkimiz on bir jil bir sinipta billä oquduq, hätta altinçi siniptin başlap bir partida oltarduq. Һämmidin qiziği, ikkimiz bir-birimizgä intayin ohşattuq. Bäzi bilmäydiğanlar, bizni gezäklär däp oylaydiğan. Mäktäpni tamamliğandin keyin, Almutida billä jürduq. U institutta oqudi, män basmihanilarniŋ biridä işlidim. Ailä qurduq. Yättä jil billä yaşiduq. Moşu jillar mabaynida meniŋ hayatim yoldişimni künläş bilän štüptu. Nemişkä şundaq, bilmäymän, koçida u birigä yaki uniŋğa biri qarisa boldi, uni yoldişimniŋ aşnisidäk his qilattim. Yoq yärdin җedäl çiqirattim. Ahiri, ikki balisiğimu qarimay, šydin birätola çiqip kätti. U kätkändin keyin män uni yahşi kšridiğinimni, uni sšygänliktin bšläkçä qizğanğanliğimni çüşändim. Biraq, çüşänginimdin nä payda, hämmisi käç boldi. İkki balamni ägäştürüp, käçürüm sorap aldiğimu bardim, biraq u rayidin qaytmidi… Һazir balilirim bilän arilişip turidu, tehi šylänmidi. Şuniŋğa qariğanda, umu meni yahşi kšrsä keräk. Һä, män ahmaq, uniŋ maŋa bolğan muhäbbitini «künläş» degän «qizil işt» bilän qoğlap jürüp, šltürüptimän. Hanim-qizlarğa eytarim, muhäbbät bilän sšygüniŋ himayiçisi — qizğiniş ämäs, işänçä ekän. Uni män käç çüşändim. «At aylinip qoziğini tapidu», däydiğan momam rämiti… 

Biraq, yoldişim ändi šyigä qaytip kelärmu?..».

Ehtiram bilän Gülzar».

   

İkkinçi hät

«Meniŋ mähsus bilim elişqa mümkinçiligim bolmidi. Һärbiy hizmitimni štäp kälgändin keyin, Almuta şähiridiki quruluş kombinatliriniŋ birigä işqa kirdim. Gülsüm bilän şu yärdä tonuştum. U — sugaqçi, män — käpşäligüçi. Kšŋlümiz yaraşti, ailä qurduq. İҗil-inaq yaşiduq. Däsläp quruluşçilarğa berilgän yataqhanidin bir bšlmä, keyiniräk şähärniŋ näq märkizidin ikki haniliq pätir alduq…

«Äqilni turmuş biyläydu» demäkçi, kombinatimiz uştumtut yepilip, işsiz qalduq. Bir küni ayalim yayma bazarğa çiqidiğanliğini eytti. Tonuşi Hitayğa qatnap tovar äkelidiğan, ayalim uni bazarda satidiğan bolup kelişiptu. Һär ikkimiz šydä oltarğandin nemä payda, çiqsa çiqivärsun, däp oylidim. Bayqisam, tapaviti yaman ämäs. İlgärki bäquvät künimiz kšp keçikmäy, äsligä käldi. Ändi män šyniŋ tirikçiligi bilän balilarğa qaraşqa kšçtüm. «Bazarğa çiqip kšräymu», degän täklivimni ayalim ançä huş kšrmidi. Künlär kšŋüllük štüvärdi. Amma bara-bara ayalimniŋ müҗäz-hulqi šzgirişkä başlidi. Ätkän tamiğimizni, juyğan kirimiz bilän taziliğan šyümizni yaqturmay, hä desila, җedäl çiqirişni adätkä aylandurdi.

Bara-bara šygä haraq içip kelidiğan boluvaldi. Kšp vaqit štmäyla, tamaka çekidiğan adät tapti. Qoysiŋizçu, äytävir, qaysi birini eytay, üç-tšrt jilniŋ ariliğida ayalimni tonumay qaldim desäm, aşurup eytqanliq bolmaydu. Bäk šzgärdi. Bu šzgirişni därhal bayqiğan uruq-tuqqanlar, dost-buradärlär: «Hotunni — baştin», däp meni biläşkä başlidi. Özämni ändila oŋşaşqa başliğanda, hämmisi käç boldi. Bir küni käçtä Gülsüm, «Män Pärhatqa aşiq bolup qaldim, uniŋğa turmuşqa çiqimän, maŋa ruhsät bär», däp hürpäydi. Oğul-qizi är yetip qalğan ayalimdin mundaq sšzni kütmigän edim. Şuŋlaşqa nemä qilarimni bilmäy, esäŋgiräp qaldim. Ayal yoldin çiqsa, uni beri qayturuş bäk qiyin ekän. Ahiri, içidin çiqqan üç balisini taşlap, Türkiyadin kelip soda qilivatqan türk jigitigä turmuşqa çiqivaldi. Yoldişi šzidin üç yaş kiçik, däp aŋliduq.

Һazir ular şähärdä istiqamät qilivatqan ohşaydu. Һä, män bolsam, hämmini taşlap, üç balam bilän yeziğa kelivaldim. Ayalim başta balilirini kšrgili kelätti, mana üç — tšrt jil boldi, ayiği tartildi.

Balilirimğu är yetip qaldi. Şundimu, bala degän bäribir ana mehriğa muhtaҗ ekän. Һämmini yoşurmay çüşändürimän…

Yeqinda Almutida istiqamät qilidiğan ağinäm meni yoqlap käptu. Uniŋmu ayali bir diniy mäzhäbkä kirivelip, ahiri u ikki balisini taşlap, šzigä ohşaş sektida jürgän birigä turmuşqa çiqivaptu. Ata-bovilirimizdin «Gšş buzulsa — tuz salar, tuz buzulsa, nemä salar?» degän dana gäp qalğan ämäsmu. «Ağriqni yoşursaŋ, šlüm aşkarä» demäkçi, hazir ayallarniŋ tärtivi šzgärdi. Aҗizlirimiz šzliriniŋ ailä aldidiki җavapkärligini tšvänlitivatidu. Ägär anilirimizniŋ tälim-tärbiyisi, mäpkürisi toğra bolmisa, millät keläçigi nemä bolmaq?!

Meni ayalimniŋ täğdirila ämäs, bälki barçä musulman ayalliriniŋ, qizliriniŋ tärbiyisi oylanduridu.

Tamaka çekip, haraq içip jürgän hanim-qizlirimizni qandaq qilip jügänläymiz? Ularğa millätniŋ keläçigi anilarniŋ qolida ekänligini qandaq çüşändürümiz?!

İzgü niyät bilän Tursunҗan».  

  Üçinçi hät

Bazarda soda qilip jürginimdä, bir jigit bilän tonuşqan edim. Uniŋ «šylinimiz» degän sšzigä işinip, qandaq hamildar bolup qalğinimni säzmäy qaptimän. U meniŋ hamildar ekänligimni aŋlişi bilänla quyruqni hada qildi. Amal yoq, yeziğa, ata-anamniŋ yeniğa berişim keräk. Mundaq halättä šygä beriştin qorqtum. Ahiri, bir tonuşumniŋ mäslihiti bilän rus momiyiğa abort yasattim. İkki-üç ayliq naresidini alduruşniŋ oŋay bolmiğinini uniŋdin keyinki müşkül ähvalim arqiliq eniq bilimän. Aridin jillar štüp, štkän künlirimgä käçürüm bilän qariğan yahşi bir jigitkä turmuşqa çiqqan edim. Amal qançä, maŋa ğämhorluq qilğan rus momiyi meniŋ aniliq tomurumğa birätola palta çapqan ekän. Mana biyil šylänginimizgä on jil boldi. Pärzänt kšrüşkä zar bolup jürimän. Yeqinda Ana bilän bala salamätligini himayä qiliş institutiğa täkşürüşkä barğan edim. Maŋa ana boluş bähti buyrumiğanliğini şu yärdä çüşändim. U bähitni män jigirmä yeşimda šz qolum bilän qiyivetiptimän. Mümkin, bu — Allaniŋ maŋa bärgän җazasi, beguna naresidiniŋ kšz yeşi bolar…

Һazir yoldişim ikkilän balilar šyidin bala beqivelişqa keliştuq. Biraq uniŋmu šzigä çüşluq qiyinçiliqliri bar ekän. Bäzän äynä şu qiyinçiliqlarğa bärdaşliq berişkä yoldişimniŋ taqiti yetärmu, däp ändişä qilimän…

Ehtiram bilän Gülziba».

Almuta şähiri.

 

«VİSALDİN»: sir ämäski, mundaq hünük ähvallar päqät üç kişiniŋla hayatida ämäs, keyinki vaqitlarda käŋ ovҗ elivatidu. Ändi muälliplärniŋ iltimasiğa bola, isimliri šzgärtivelinğan üç muällipniŋ uşbu hetini başqilarğa savaq bolup qalar, degän niyättä berivatimiz. Mabada, hšrmätlik gezithan, silär täräptin hät muälliplirigä berär mäslihät, eytar pikir-täklipliriŋlar yaki araŋlarda, huddi şundaq ähvallarğa duçar bolup, nemä qilarini bilmäy, beşi gaŋgirap qalğanlar bolsa, märhämät, «Visal» sähipisi arqiliq oy bšlüşsäŋlar bolidu.

 

ŞUAR ädäbiyatidin

 Häyir, büyük hiyallirim

(Näsir)

Yeŋi bir kün, ziminğa yoruqluq ata qilğan yeŋi taŋ quyaşi, yeŋi bir hayat… Yeŋi täpäkkür, yeŋi hiyallirim bilän zimingä baqtim. Asman yeŋi, yär yeŋi, quyaş yeŋi, yeŋi…, yeŋi… yeŋi… Qisqisi, pütkül kainat yeŋi, hiyallirim täbiät duniyasidin insanlar duniyasiğa kšçti.

Yeŋi insan, yeŋi qädäm, yeŋi ğälibä… Bu täpäkkürümdiki yeŋiliqlarmidu, yaki?… Yänila hiyal ilkidimän. Yeŋi bir qädäm kona bir qädämniŋ ornini basalamdiğandu? Һär bir qädämniŋ yštkilişi yeŋiliqtin deräk berämdiğandu? Һär bir qädämniŋ väzini ohşaş bolamdiğandu? İnsanlar šz hayatidin yeŋi bir mänzil açalamdiğandu yaki yaq… Yaki nadanliq?…

Meniŋ hiyallirim ämäliyattiki realliğimmidu?

Män hiyallirimğa işänçä bilän җavap izdimäktimän, män insanlarni sšyimän, hälqimni sšyimän, äҗdat vä ävlatlirimni sšyimän. Ular duniyaniŋ yaratquçiliri…

Däl moşu yärgä kälgändä, hiyallirimdin çäksiz sšyündüm. Soallirimğa ikkiliniş içidä ämäs, bälki işänçä bilän җavap taptim. Häyir, meniŋ büyük hiyallirim, sän mäŋgü realliqniŋ ğoҗisi, dil sadasi bolup qal.

Ayturğan QADİR. 

 

Ata-anilar «uh» desun!

(Näzim)

Oq-ya käbi mükçäydim, seni çoŋ qip baqqiçä,

Kšz jumdi anaŋmu, silär kirpik qaqqiçä,

Ärkilätti «saqam» däp, miŋ җapada

                                                           çoŋ qildi,

Ädäp-ählaq ügitip, adäm qildi, oŋ qildi.

 

Namizida dua qip, bähtiŋnimu tilidi,

Һär kälgändä tätildä, sšyüp

                                               beşiŋ silidi.

Oquşuŋni tügätsäŋ ataŋ yänä avarä,

Ailidä yoq şatliq, anaŋ bağri säkparä.

 

Orunlaşsaŋ hizmätkä tügimäs —

                                               vay-vuy ğemiŋ,

Kiyim-keçäk, kirimiŋ tuğulğan kün,     

                                                           toy, çeyiŋ.

Çiqqan tehi yandişip, muhäbbitiŋ

                                                           bih sürüp,

Qandurmisa jürigiŋ, jürärsän  

                                                           qapaq türüp.

 

«O-äş» desä balaŋni gepiŋgä har kelip,

Һäptä-aylar yoqaysän bir-biriŋni

                                                           yat kšrüp.

Kelin kälsä ay qizim, küyoğlini vay balam,

Juquri štüŋ dävatqan, almay tüzük        

                                                           җan aram.

 

Toydin keyin kälsä qiz, visaliğa qariğan,

Qayğu bilän şatliqni kšzliridin mariğan.

Pütün šmri ularniŋ, pärzänt üçün yaralğan,

Rohi-җismi, riştisi ävladiğa bağlanğan.

 

Nävrä baqsaq mäyliğu, çävrä beqiş

                                                           pärizmu?

Nemä degän tügimäs ata-anidiki qäriz bu?!

Ata-anilar qädrini, sänmu ändi bilgän sän,

Baliliriŋniŋ otida, qançä qetim                                                                                             kšygänsän.

 

Ata-ana kündila, baqi ämäs saŋa bil,

Alla alsa җenimni, çidimaysän kšyär dil.

Qädrigä yät, ularni razi qilğin,

                                                           huş qilğin,

Ata-anilar «uh» desun, birär qetim

                                                           huş bolsun,

Pärzändidin şatliqni, hayat çeği

                                                           näq kšrsun!

Ayup ABDRAHMAN.

 

Һäväskarlar iҗadidin

Bağvän — ustaz

Bağ arilap jüridu bağvän,

Gül-çeçäkkä tšküp mehrini.

Qäläm bilän gül çekip bäzän,

Ustaz açar şagirt zehnini.

 

Eriqtiki şoh aqqan sular,

Talay jilni kätti yetäkläp.

Һur bağdiki güllär baharda,

Yap-yeşil bop kätti çeçäkläp.

 

Bağvän — ustaz, şagirti kšçät,

Bağ — u mäktäp, şagirt mevisi.

Mäy bağliğan mevilär älvät,

Ustazlarniŋ — äҗri-mehniti.

 

Ustaz, desäm tävrinip jüräk,

Ulğiyidu aŋa muhäbbät.

Şuŋa däymän ustaz — bağvänlär.

Bolsun aman mäŋgü — ta äbät.

Mukaräm Rozibaqieva,

                                                                                                        QazMPU studenti.

Soaliğa yarişa җavavi

—   Yoldişiniŋ kiyim-keçigidin başqa bir ayalniŋ çeçini kšrgändä qandaq ayal qizğanmaydu?

—   Yoldişi satraş bolup işläydiğan ayallar.

***

—   İkki ayal elişniŋ äŋ yaman täripi?

—   İkki qeyinanaŋ bolidu.

***

—   Saat bilän ğevätçi ayal arisida qandaq päriq bar?

—   Saat bäzidä tohtap qalidu.

***

—   Säyasätçi bilän ayal arisida qandaq ohşaşliq bar?

—   Һär ikkisiniŋ eğizi asanliqçä besilmaydu.

***

—   Nemä üçün šylängän päyttiki däsläpki ayni «şirin ay» däydu.

—   Uniŋdin keyinki aylar dozaqtikidäk bolidiğanliği üçün.

***

— Qandaq ayallar çirayliq kšrünidu?

— Һamildar ayallar.

 

Sağlam millät boluş üçün sağlam ävlat keräk

Yoşuridiğini yoq, hazir koça-koçilarda, istrahät bağlirida, kafelarda bäzi qizlirimiz tamakisini puqiritip çekip, šzlirini, huddi Kšktä pärvaz qilğandäk, his qilişidu. Lekin şu tamaka çekiş arqiliq qizlirimiz šzliriniŋ salamätligini zähärlävatqanliğini, šmrini qisqartivatqanliğini bilmämdekin?!

Bizniŋ sağlam millät bolup yetilişimiz šzimizniŋ qolida. Çünki sağlam millät boluş üçün sağlam ävlat keräk. Ändi sağlam ävlat boluş üçün biz sağlam hayat tärizini tärğip qilişimiz keräk. Millät ğururiğa, şänigä dağ çüşärmäydiğan sağlam häm salahiyätlik anilardin boluş, päqät šzimizniŋ qolida.

Qälbinur TURĞUNOVA.

Almuta şähiri.

Bilip qoyğiniŋiz yahşi

 

Är-ayal jiliğa ottura hesap bilän 2450 qetim uruşup, künigä ottura hesapta yättä qetim toqunuşidekän.

«İTAR-TASS» agentliği täripidin elan qilinğan  mälumatlarğa näzär ağdursaq, är-ayal kšpiräk pul vä šy işliri ätrapida uruş-talaş qilidekän. Tätqiqatçilarniŋ täkitlişiçä, är bilän ayal arisidiki җaŋҗalğa asasän telekanallar bilän taam tallaş vä uhlaş päytidiki horäk tartiş säväp bolidiğan ohşaydu. Baliliriniŋ arisiğa kirip,  җaŋҗallişidiğan ähvallarniŋmu nurğun uçrişidiğanliği eniqlanğan.

***

Qazaqstan Җumhuriyiti statistika boyiçä agentliğiniŋ mälumatliriğa asaslansaq, 6419  508 ayalniŋ 52,2 payizini turmuş qurğanlar, 28,2 payizini heç qaçan nekadin štmigänlär, 12,6 payizini tul qalğanlar, 7,0 payizini aҗrişip kätkänlär täşkil qilidekän.

***

Ayallar ärlärgä nisbätän az däm alidekän. Alimlar täripidin jürgüzülgän tätqiqatlarğa näzär ağdursaq, ärlär boş vaqtiniŋ 1,2 payizini televizor kšrüşkä yaki uhlaşqa särip qilsa, ayallar boş vaqtini asasän šy işliri bilän bazar vä dukan arilaşqa beğişlaydekän.

***

Qazaqstanda 30 — 64 yaş ariliğidiki 1000 ayalğa 888, 65 vä uniŋdin juquri yaştikilärgä 528 är toğra kelidekän.

Gšzällik buluŋi

Çeçiŋiz qoyuq häm yumşaq bolidu

Ahşimi yetiş aldida çeçiŋizniŋ terisigä eritilğan qoy meyini sürkäp, beşiŋizni massaj qilisiz. Ätigänligi çeçiŋizni juyuştin bir saat aval 1 tal limonniŋ süyini bir qoşuq kosmetikiliq sirkä süyigä arilaşturup, beşiŋizniŋ terisigä sürkäysiz. Uniŋdin keyin beşiŋizni tuhum şampuni bilän juyisiz.(Öy şaraitida tuhum şampunini täyyarlaş usuli: 2 tal tuhumniŋ seriğini bir stakan ilman suğa yahşilap arilaşturup, çeçiŋizğa sürkäysiz. Bir saattin keyin ilman su bilän beşiŋizni juyisiz.)

***

Bir tal tuhumğa 2 aş qoşuq sürgü (kastorka) yeğini, 1 çay qoşuq sirkä süyini vä 1 çay qoşuq glitserinni arilaşturup, çeçiŋizniŋ terisigä sürkäp, issiq lšŋgä bilän beşiŋizni oraysiz. Bir azdin keyin çeçiŋizni issiq hoğa tutup, uniŋdin keyin juyuvetisiz. Çeçiŋiz qoyuq, ipäktäk yumşaq vä paqirap turidiğan bolidu.

 

Üz terisini sağlamlaşturidu

Şaptulidin täyyarlanğan maska üz terisini siliqlaydu vä sağlamlaşturidu.

***

Yeŋi üzüvelinğan yaki tuzlanğan pomidordin täyyarlanğan maska qoruq çüşkän üz terisigä kosmetikiliq mähsättä paydilinilidu.

***

İssitilğan aptappeläz meyini quruq üz terisigä vä qolğa sürkisä, ünümi yahşi bolidu. 

(«ZOJ» gezitidin elindi).

 

Qoş sähipini täyyarliğan Şämşidin AYuPOV.

Bälüşüş

Javap qalduruŋ