Çoŋ mäyrämgä – çoŋ soğilar

0
103 ret oqıldı

Raşidäm RÄҺMANOVA,
«Uyğur avazi»

Qazaqstan Җumhuriyiti Mustäqilliginiŋ 27 jilliq märikisi harpisida Ämgäkçiqazaq nahiyäsiniŋ märkizi – İşiktä şähiridä 300 orunluq «Meyirimdi perişte» balilar bağçisi täntänilik räviştä eçildi. Uniŋğa nahiyä rähbärligi, «Nur Otan» partiyasiniŋ äzaliri, nahiyälik mäslihät deputatliri, mäktäp mudirliri bilän ustazliri, aqsaqallar, hanim-qizlar vä yaşlar keŋäşliriniŋ räisliri, җämiyätlik işlarniŋ aktivistliri qatnaşti. Täntänini nahiyä hakimi Binäli Isqaq täbrik sšz bilän eçip, mustäqillik jillirida älniŋ, şundaqla nahiyäniŋ qol yätküzgän utuqliriğa tohtaldi.
– Bügün balilar bağçisi süpitidä qayta eçilğan bu bena 1985-jili dšlät hesaviğa «Yol-quruluş başqarmisi-13» mähkimisi süpitidä selinğan edi. U Mustäqillikniŋ däsläpki eğir jilliridin ta tünügünki küngiçä boş turdi. Biraq, balilirimizniŋ täliyigä, jutdişimiz, 7 pärzäntniŋ anisi, «Altın alqa» medaliniŋ sahibi Jazira Otarbaeva Dšlät rähbiri Nursultan Nazarbaevniŋ barliq balilar mäktäpkiçä bolğan bilim vä tärbiyä elişi keräk degän «Balapan» programmisini qollap, benani җiddiy remontlap, İşiktä şähiriniŋ baliliriğa soğa qilip, tapşurup bärdi. Atalğan programma boyiçä nahiyädä şähsiygä štüp kätkän 28 balilar bağçilirini qayturulup, qaytidin işqa qoşuldi. Bilim beriş sahasidiki mämlikätlik-şähsiy şerikligi mehanizmi tüpäyli nahiyädiki balilar bağçiliriniŋ sani kšpäymäktä dedi nahiyä hakimi šz nutqida.
Yeza turğunlirini Mustäqillik küni vä balilar bağçisiniŋ eçilişi bilän täbrikligän Binäli Äbdiqapasulı uşbu vä başqimu utuqlarniŋ äl mustäqilliginiŋ mevisi ekänligini alahidä tilğa aldi.
Uniŋ täkitlişiçä, bügünki taŋda nahiyä gšdäkliri toluq degidäk, yäni 98 payizğa balilar bağçiliri bilän täminlängän. Nahiyädä 28 dšlätlik, 54 şähsiy balilar bağçiliri işläydu. Dšlätlik balilar bağçilirida – 3540, şähsiylärdä – 4460, mäktäp aldi orunlirida – 4304 vä ihçam märkäzliridä 997 bala tärbiyilänmäktä.
İşiktä şähiriniŋ turğunliri namidin sšzligän ämgäk veterani Qadırhan Jumabekova gšdäklärgä ğämhorluq qilğan tiҗarätçi Jazira Otarbaevağa minnätdarliğini bildürdi.
Andin balilar bağçisiniŋ lentisi täntänilik qiyilip, mehmanlar uniŋ içini arilap çiqti. Atap eytqinimizdäk, «Meyirimdi perişte» balilar bağçisi 300 orunluq bolup, 10 topqa bšlüngän. Uniŋ 6 qazaq vä 4 rustilliq toplar. 10 oyun vä 10 yataq bšlmiliri, aşhanisi, hämşirilär, psiholog, täntärbiyä vä muzıka kabinetliri işläydu. Mäktäpkiçä tärbiyä boyiçä mähsus bilimi bar juquri däriҗilik mutähässislär işqa җälip qilinğan. 2200 kvadrat metr mäydanni egiligän balilar bağçisiniŋ quruluşiğa 180 million täŋgä särip qilindi.
Mäyrämlik çarä-tädbir Qaraturuq yeza okruginiŋ Açisay yezisidiki ambulatoriyaniŋ täntänilik eçilişi märasimiğa ulaşti. Uniŋ quruluşi 2018-jili mart eyida başlinip, noyabr' eyida ayaqlaşti. Ambulatoriyaniŋ quruluş işliriğa dšlät hesavidin 212 million täŋgä särip qilindi. Umumiy mäydani – 607 kvadrat metr, künigä 50 adämni qobul qiliş imkaniyitigä egä. Bügünki kündä Açisaydiki häliqniŋ umumiy sani 3890 adämni täşkil qilidu. Yeŋi ambulatoriyadä ularğa 18 meditsina hadimi hizmät qilidu.
Açisayliqlarni çoŋ mäyräm bilän täbrikligän nahiyä hakimi Binäli Isqaq altä yezidin tärkip tapqan Qaraturuq yeza okrugida keyinki jillardila yüz bärgän yeŋiliqlarğa tohtaldi. Atap kätsäk, Dostluq yezisida yeŋi mäktäp selindi. Mäktäpniŋ kona benasi balilar bağçisi bolup qayta eçildi. Qaraturuqtiki A.Sattarov namidiki ottura mäktäp җiddiy remontlandi.
Çüştin keyin nahiyä hakimi Binäli Isqaq Aqtoğay (burunqi Dendrariy) yezisidiki «Orınşa» balilar bağçisiniŋ täntänilik eçiliş märasimiğa qatnaşti.
Atap ketiş lazimki, üç qävätlik «Orınşa» balilar bağçisi tiҗarätçi Aqmaral Berkinbaevaniŋ mäbliği hesaviğa selinip, juquri däriҗidä bezälgän. Uniŋ içimu häm teşimu mšҗüzilär alimini äskä salidu. Huddi bir çšçäkkä kirip qalğandäk. 100 bala üç qazaq vä bir rustilliq toplarda tärbilinivatidu. Mehmanlar gšdäklärniŋ Qazaqstan vä Mustäqillik häqqidiki şeirliri bilän nahşilirini tiŋşap, ävrişim ussulliridin bährimän boldi.
Elimizniŋ şanliq märikisi harpisida Ämgäkçiqazaq nahiyäsidä mana moşundaq hoşalliq vaqiälär yüz bärdi. İlahim, elimiz gülläp, pärzäntlirimizniŋ keläçigi parlaq bolsun!
Ämgäkçiqazaq nahiyäsi.

Bälüşüş

Javap qalduruŋ