Tunҗa qädäm utuqluq boldi

0
131 ret oqıldı

Mäşür SASİQOV,
«Uyğur avazi»

Yeqinda Almuta şähiridiki «İhtisaslaşturulğan aliy sport mäktividä» kšpligän yaşlarni sağlam hayat tärizigä başliğan bir top sportçilar Alik Җälilov, Rinat Avakriev, Kamil Abrimov, Suhrab Һaşimҗanov vä Azamat Düysievniŋ uyuşturuşida Qazaqstanniŋ Mustäqilligi künigä beğişlanğan şäriqniŋ yäkmu-yäk küräş türliriniŋ biri uşu-san'da boyiçä şähärlik oçuq çempionat bolup štti. Uniŋğa Çimkänt, Almuta şähiri vä vilayitidin taşqiri, hoşna Özbäkstandin bolup, 350 yaş sportçi qatnaşti.
Älvättä, käskin küräş şaraitida štkän çempionat davamida härhil salmaq däriҗiliridä hünär kšrsätkän sportçilar arisida yäŋgänlär bilän yeŋilgänlärmu boldi. Mäsilän, tinimsiz mäşiqni täläp qilidiğan sportniŋ bu türidä ustaziniŋ härbir sšzini qulaqqa qisqanlar ularniŋ eqidisini aqliğan halda, ularni šzliriniŋ utuqliri bilän hoşalliqqa bšlidi. Şu tüpäyli şagitliriniŋ räqiplirini tezla tiz püktirip, küräşniŋ barliq qaidiliri boyiçä qazilarni qayil qilğanliğini kšrgän mäşiqländürgüçilärniŋmu beşi kškkä yätti. Ändi musabiqidä ayrim hataliqlarğa yol qoyğanlarniŋ kälgüsidä muvappäqiyät qaziniş üçün ayanmay tär tšküş keräkligini çüşängänligi eniq.
Täkitläş keräkki, moşundaq käŋ dairidiki çempionatqa Uyğur nahiyäsiniŋ Ğalҗat yezisidin kälgän bir top sportçilar däsläpki qetim iştrak qilivatqiniğa qarimay, ularniŋ hämmisi degidäk mukapatliq orunlarğa erişti. Yaşlarniŋ şähärgä kälgänligidin hävär tapqan jutdaşliri därhal baş qoşup, çempionat toluq ayaqlaşqiçä sportçilarni härtäräplimä qollap-quvätlidi. Buniŋdin rohlanğan ğalҗatliq sportçilarniŋ tunҗa qädimi utuqluq boldi.
Çempionat ahirida barliq utuq qazanğan sportçilar diplom vä pähriy yarliqlar bilän täğdirländi.
Öz novitidä, keläçigidin ümütländüridiğan yaşlarni utuği bilän sämimiy täbrikläp, ularğa tehimu egiz çoqqilardin kšrünüşigä tiläkdaşliq bildürimiz.

Bälüşüş

Javap qalduruŋ