Zamaniviy soda orni

0
141 ret oqıldı

Sabiräm ÄNVÄROVA,
“Uyğur avazi”

Nahiyämizdä çoŋ hoşalliq. Qizilorda vilayitiniŋ tiҗarät vä turizm başqarmisiniŋ uyuşturuşi bilän štküzülgän «Sauda üzdigi – 2018» җumhuriyätlik konkursida «Yarlin» supermarketi «Üzdik sauda oyın-sauıq ortalığı, keşeni, sauda üyi» nominatsiyasi boyiçä 1-orunğa egä boldi.
2012-jildin beri uyuşturulup kelivatqan bu konkursta «Bšlşek sauda salasındağı üzdik käsiporın», «Kšterme sauda boyınşa üzdik käsiporın», «Üzdik sauda üyi», «Üzdik sauda oyın-sauıq ortalığı, keşeni, sauda üyi», «Üzdik demalıs ornı» vä başqa nominatsiyalär bar. Biyil elimizniŋ barliq täväliridin kälgän 100din oşuq qatnaşquçi arisida “Yarlin” supermarketi ğalip çiqqanlar arisida boldi.
Mälumki, «Yarlin» supermarketi nahiyämiz boyiçä däsläpki bolup eçilğan zamaniviy soda-setiq märkizidur. Märkäzniŋ egiliri Quddus Җämiev bilän Şarvanäm İzimova 1992-jildin buyan tiҗarät bilän şuğullinip kälmäktä. 1997-jili ular ihçam dukan eçip, uni känҗä oğliniŋ ismida «Yarlin» däp ataptu. Vaqit štä, täräqqiyat bilän täŋ ilgiriligän tiҗarätçilär, zaman tälivigä muvapiq yeŋi soda-setiq märkiziniŋ hulini tikläşni qolğa alidu.
Şundaq qilip, ihçam dukininiŋ orniğa haşamätlik märkäz selip, «Yarlin» dukinini «Yarlin» supermarketiğa aylanduridu. Älvättä, şu çağda nahiyädä moşundaq bir soda-setiq märkiziniŋ işqa qoşulğanliğidin pütkül nahiyä ahalisi hursän bolğan. Şu çağda biz päqät şähärlärdin kšrüp jürgän supermarket kšz aldimizda qäd kštirip, ahali üçün häqiqätänmu çoŋ yeŋiliq bolğan edi.
Hulläs, bügünki kündä uşbu märkäzdä 30 adäm turaqliq iş bilän täminlängän. İşçilarniŋ ottura ayliq maaşi 80 miŋ täŋginiŋ ätrapida. Supermarketta yemäk-içmäk, kiyim-keçäk, qisqisi, kündilik turmuşta haҗät barliq buyumlar setilidu. Şundaqla süpätlik mähsulatlarniŋ bahasi dukanlar bilän selişturğanda, eytarliqtäk ärzän. Supermarketniŋ bosuğisidin atlap, šziŋizgä haҗät haliğan närsini tez izdäp tapisiz. Qisqa vaqit içidä tšläm yasaysiz. Yänä kelip, tšlämni bank kartoçkiliri arqiliq ämälgä aşuruşqimu bolidu.
«Yarlin» supermarketi – ailäviy tiҗarät ob°ekti. Uniŋda Ramin, Şahrin, Yarlin isimliq oğulliri bilän bir säptä kelinlirimu ämgäk qilidekän. Tiҗarätniŋ jükini ailä äzaliri birlişip zimmisigä alğaçqa bolsa keräk, supermarket qisqa vaqit içidä biraz utuqlarğimu yätti. Quddus aka tiҗarättin bšläk häyrihahliq aktsiyalirigä davamliq qatnişip, hamiyliq qilidu. Moşu yärdä җumhuriyätara yoruq kšridiğan «Luçşie lyudi mira» namliq kitapta Quddus aka Җämiev häqqidä maqalä yezilğanliğini alahidä täkitläp štüş orunluqtur. Җämläp kälgändä, buniŋ hämmisi mäşäqätlik ämgäkniŋ yemişi vä käspigä sadiq tiҗarätçiniŋ yeŋişidur.

Bälüşüş

Javap qalduruŋ