Täğdirimni šzgärtkän «Uyğur avazi»

0
706 ret oqıldı

Bu vaqiä 2008-jili yüz bärdi. U çağda män Almutidiki Qazaq Milliy agrarliq universitetiniŋ İV kursida oquvatattim. Qişliq tätildä Ämgäkçiqazaq nahiyäsidiki tuğulup-šskän jutum Qäynäzär yezisiğa barsam, «Uyğur avazini» turaqliq oqup turidiğan ata-anam «Uyğur avaziniŋ» mälikisi» konkursiniŋ elan qilinğanliğini hävärläp, maŋa uniŋğa qatnişip kšrüş toğriliq täklip bärdi. Män qarşi bolmidim. Keçiktürmäy, redaktsiyagä süritimni apirip bärdim. Süritim gezit betidä yoruq kšrgändä, hoşalliğimniŋ çeki bolmidi. Yeŋi jilğa sanaqliq kün qalğanda, mäzkür konkursniŋ yäküni çiqirilip, män «Uyğur avaziniŋ» mälikisi ataldim. Bu meniŋ hayatimdiki äŋ çoŋ hoşalliq däqiqilärniŋ biri boldi. Şuniŋdin keyin gezitniŋ Yeŋi jilliq sanida berilgän kalendar'da meniŋ çoŋaytilğan süritim elan qilindi.

Äynä şu süritimni kšrgän gezit oquğuçiliriniŋ biri, yäni İmir isimliq bir jigit meniŋ makan-җayimni izdäp-tepip, maŋa dostlişiş täklivini bärdi. Qarşi bolmidim. İkkimizniŋ dostluği muhäbbätkä aylinip, ailä qurduq. Һazir Arslan isimliq oğlumiz bar. Ailäm bilän Şvetsiyaniŋ paytähti Stokgol'mda yaşavatimiz.

Täğdirminiŋ näq şundaq qinğa çüşüşigä «Uyğur avazi» geziti säväpçi boldi däp hesaplaymän. Şuŋlaşqa jiraqta jürsämmu, İnternet arqiliq uniŋ här bir sanini oquşqa aldiraymän. «Uyğur avazi» gezitiniŋ saytidiki materiallar bilän tonuşuş maŋa hšzür-halavät beğişlaydu. Şundaq däqiqilärdä, goya šzämni ata-anamniŋ qeşida jürgändäk his qilimän. Çünki u gezit maŋa kiçigimdin tonuş. Ata-anamniŋ biyilmu, birinçilärdin bolup, kälgüsi jil üçün milliy näşirlirimizgä muştiri bolidiğanliğiğa işinimän vä başqilarnimu şuniŋğa çaqirimän.

Nargiza SADİROVA.

 

Bälüşüş

Javap qalduruŋ