Aziyadiki işänçä

0
620 ret oqıldı

Nursultan Nazarbaev evraziyalik vä evro-atlantikiliq behätärlikniŋ umumiy platformisini quruşni täklip qildi

Mälumki, Aziyadiki šz ara iş-härikät vä işänçä çariliri boyiçä keŋäşmä (AÖİÇK) Aziyadiki behätärlik boyiçä çarilärni ämälgä aşuridiğan vä qararlarni qobul qilidiğan mämlikätlär ara forum bolup hesaplinidu. Burnakün Astanadiki Mustäqillik sariyida AÖİÇKniŋ tävälludluq sessiyasi vä Sirtqi işlar ministrliriniŋ İV uçrişişi bolup štti. Uniŋğa Qazaqstan Җumhuriyitiniŋ Prezidenti Nursultan Nazarbaev qatnişip, sšz sšzlidi. 

Bu qetim Astanağa muhim problemilarni muhakimä qiliş üçün AÖİÇKqa äza barliq 24 mämlikätniŋ vä bayqiğuçi-ällärniŋ taşqi işlar ministrliri käldi. Kün tärtivigä bügün duniya җamaätçiliginiŋ diqqät märkizidä boluvatqan mäsililär — Siriyadiki, Avğanstandiki ähval, şundaqla İranniŋ yadro programmisi ohşaş problemilar qoyuldi.

Sessiya minbiridin Nursultan Nazarbaev EBҺT vä AÖİÇKqa evraziyalik vä evro-atlantikiliq behätärlikniŋ umumiy platformisini quruşni täklip qildi.

—   Evro-atlantikiliq vä evropiliq behätärlikniŋ umumiy platformisini quruşni şäkilländürüş üçün AÖİÇK vä EBҺTniŋ šz ara hämkarliğini täräqqiy ätküzüşni davamlaşturuş nahayiti muhimdur, — däp bildürdi Nursultan Nazarbaev. — Şuniŋ bilän billä biz EBҺT täripidin AÖİÇK bilän hämkarliqni täräqqiy ätküzüş toğriliq täkliplärniŋ boluvatqanliğini yahşi bilimiz.

Nursultan Nazarbaev šziniŋ sessiyadiki nutqida Aziyadiki barliq muhim problemilarğa tohtaldi.

—   İrandiki yadro programmisi toğriliq eytsam, män bu yärdä šzimizniŋ mävqäsini yänä bir qetim täkrarlap, bu problemini päqät diplomatiyalik usullar bilänla häl qiliş mümkin ekänligini täkitlimäkçimän, — däp bildürdi N.Nazarbaev.

Dšlät rähbiri Şimaliy Koreyaniŋ yadro programmisi boyiçimu şundaq pikirdä ekänligini eniq izhar qildi. Şundaqla Qazaqstan Prezidentiniŋ pikriçä, Siriyadiki içki toqunuşni sirtqi härbiy küçlärniŋ arilişisiz häl qiliş keräk.

Rossiya sirtqi işlar ministrliginiŋ rähbiri Sergey Lavrov bu pikirni qollap-quvätlidi.

—   Bügün Şimaliy Afrikidin Avğanstanğiçä bolğan ariliqta «turaqsizliq çämbiri» däp atalmişniŋ päyda boluşi täşviş päyda qilivatidu, — däp bildürdi S.Lavrov šziniŋ nutqida.

Uniŋ eytişiçä, Avğanstandin çät ällärniŋ härbiyliri 2014-jili toluq çiqirilidu, biraq härbiy bazilar qalidu, däp eytilivatqan qarimu-qarşi pikirlär duniya hälqini täşvişländürüvatidu.

—   Bu yärdä eniqliq haҗät: ägär terrorizmğa qarşi missiya toluq orunlinip bolğan bolsa, demäk, härbiy bazilar Avğanstan bilän munasivätlik ämäs qandaqtu-bir başqa mähsätlär üçün saqlinamdu? — degän soalni qoydi u.

Uniŋdin keyin S.Lavrov AÖİÇK mehanizmi moşundaq ähvallarda eniqliqni täminläştä hämkarlaşqan bolar edi, däp täkitlidi. 

Bälüşüş

Javap qalduruŋ