Yaş ävlatniŋ nämunilik işliri

0
139 ret oqıldı

Panfilov nahiyälik Uyğur etnomädäniyät märkizi yenida aqsaqallar, hanim-qizlar, jigitbaşliri, sport, maarip, tiҗarätçilär vä başqimu keŋäşlär paaliyät elip berivatidu. Jut ählini säpärvärlikkä kältürüp, milliy mädäniyitimizni täräqqiy ättürüş mähsitidä çoŋ reҗilärni kün tärtivigä qoyuvatqan äşu keŋäş äzaliri bu qetim Yarkänt şähiridiki «Aziya» kafesida baş qoşti.

Gšhärbüvi
İSMAYİLҖANOVA,
«Uyğur avazi»

Җumhuriyätlik «İnayät» assotsiatsiyasi räisiniŋ väzipisini atquruvatqan Sülhi Mäşräpov, Yarkänt gumanitarliq tehnikiliq kolledjiniŋ oqutquçiliri Nizamdun Davutov bilän Molutҗan Tohtahunov, Krupskaya namidiki ottura mäktäpniŋ muällimi Nazim Şäripov, sän°ätkar Alimҗan Niyazov bilän tiҗarätçi Alimҗan Sulaymanov (sürättä) ohşaş tädbirçan yaşlarniŋ täşäbbusi bilän käçkä peşqädäm ustazlar, milliy mädäniyitimiz bilän maaripimiz häm mätbuatimiz җankšyärliri täklip qilindi.
Däsläp märasim uyuşturğuçiliri šzliriniŋ elip berivatqan iş-paaliyiti vä keläçäktä ämälgä aşurulidiğan layihä-reҗiliri bilän tonuşturdi. Sülhi Mäşräpovniŋ täkitlişiçä, yaşlar nahiyäniŋ iҗtimaiy-ihtisadiy täräqqiyatiğa šzliriniŋ birkişilik hässisini qoşuş mähsitidä birlişip, hämkarliqta iş elip berivatidu.
– Nahiyädiki šyliridä oqutuluvatqan mümkinçiligi çäklängän älliktin oşuq oquğuçiniŋ beşini qoşup, Җambul namidiki ottura mäktäptä, şundaqla şähärlik balilar šyidä qiriq gšdäkniŋ beşini qoşup, soğilarni täğdim qilduq. Pat-yeqinda alimlar Ablähät Kamalov bilän Risalät Kärimova vä N.Käriminiŋ «Ottuz oğul iҗtimaiy instituti: tarih vä bügün» namliq kitavini tonuşturmaqçimiz. Bügün bolsa, milliy mädäniyitimizniŋ җankšyärlirigä hšrmät bildürüş mähsitidä baş qoşuvatimiz.
Täkitläş keräkki, elimiz Prezidenti Nursultan Nazarbaevniŋ här jili qazaqstanliqlarğa yollavatqan mäktübliridä alğa sürülüvatqan tapşurmilarni ämälgä aşuruş mähsitidä nurğunliğan işlar ämälgä aşuruluvatidu. Şularniŋ biri «Tuğan jer» layihisi boyiçä tiҗarätçi, tädbirçan jutdaşlirimiz bilän «Velivay» klubini täşkil qilip, hämkarliqta iş elip berişni mähsät qilivatimiz, – dedi S.Mäşräpov šz sšzidä.
Şuniŋdin keyin nahiyälik Uyğur etnomädäniyät märkiziniŋ räisi Dilşat Nasirov, Aqsaqallar keŋişiniŋ räisi Şerip Rähmidinov, jigitbaşliri namidin Azat Gayitov, peşqädäm ustazlar Asiyäm Ömärbaqieva, Yaqupҗan Abduqadirov, tiҗarätçilär Süriyäm Һezimova, Turğanҗan Zayitov, Helil Һämraev namidiki ottura mäktäpniŋ mudiri Zul'fiyäm Mäşürova, N.Krupskaya namidiki ottura mäktäpniŋ mudiri Zenätgül Niyazova vä başqilar sšzgä çiqip, yaşlarniŋ nämunilik işliriğa minnätdarliğini bildürüp, ularni qollap-quvätläşkä dayim täyyar ekänligini bildürdi.
Mäzkür käçkä iştrak qilğan häväskar şairlar Şämsimähämät Niyazov, Ablekim Damollaev, Äkvärҗan İsmayilҗanov, Kamunar Tursunov quruq kälmäptu. Ular šz iҗadidin şeirlarni oqup bärdi. Җumhuriyätlik vä häliqara festival'-bayqaşlarniŋ ğalipliri «Sahinur» ussulçilar topi bilän iҗraçi Molutҗan Tohtahunov nahşa-ussullarni orunlap kšpçilik kšŋlidin çiqti.
Ahirida Dilşat Nasirov moşundaq yeŋiçä tälpünüş bilän işlävatqan yaşlirimizniŋ işiğa utuq tilidi.
Panfilov nahiyäsi.

Bälüşüş

Javap qalduruŋ