Uşbu jildin ümüt zor

0
111 ret oqıldı

Uyğur nahiyäsidä hakimlarniŋ hesavat jiğini Ğalҗat yezisidin başlandi. Jiğinğa yeza turğunliridin sirt, Almuta vilayätlik täntärbiyä vä sport bšlüminiŋ başliği Nurbaqıt Teŋizbaev, nahiyälik mäslihätniŋ kativi Nuräkim Esjan, «Nur Otan» partiyasi nahiyälik şšbisi räisiniŋ birinçi orunbasari Mäulen Nurov vä nahiyädiki birqatar mähkimilärniŋ rähbärliri qatnaşti.

Sabiräm ÄNVÄROVA,
«Uyğur avazi»

Kün tärtividiki mäsililär boyiçä däsläp nahiyä hakimi Şšhrät Nurahunovniŋ, andin okrug hakimi Märipҗan Mämirovniŋ hesavati tiŋşaldi.
Nahiyä hakimi 2018-jili atqurulğan işlar bilän nahiyäniŋ iҗtimaiy-ihtisadiy täräqqiyatiğa tohtalsa, okrug hakimi Ğalҗat yezisiniŋ bir jilliq näpäsi toğriliq sšz qildi.
Yeza egiligi, kiçik vä ottura tiҗarät, salamätlik, bilim, mädäniyät vä sport sahaliriğa ayrim-ayrim tohtilip, utuqlar bilän kamçiliqlarnimu qatar atap eytqan nahiyä hakimi 2019-jilda «Qazrosbroyler» aktsionerliq җämiyitiniŋ quş fabrikisiniŋ paaliyitini qaytidin җanlanduruş, 4 zamaniviy teplitsini işqa qoşuş, Ğalҗat vä Kätmän yeziliriğa dohturluq ambulatoriya seliş ohşaş muhim mäsililär häqqidä eytip štti. Älvättä, kšptin beri eytilip kelivatqan Ğalҗat yezisidiki taza içimlik su mäsilisiniŋmu näzärdin sirt qalmiğanliğini yätküzüp, bügünki kündä «Aqbwlaq» programmisi asasida smetiliq hšҗҗätlirini täyyarlaşqa byudjettin 10 million täŋgä bšlünidiğanliğini täkitlidi.
Turğunlar täripidin Mädäniyät šyigä taziliq hadimi ştatiniŋ haҗätligi, šzläştürülmigän yärlärni qayturup beriş mäsilisi boyiçä soallar kelip çüşti. Bu soallarğa nahiyä hakimi tegişlik җavap qayturup, җavapkär mähkimilärgä atalğan mäsililär boyiçä işni tez arida qolğa elişni jüklidi. Yeziliq җämiyätlik keŋäşniŋ räisi Slamğoja Naqısbekov su mäsilisiniŋ yeqin arida yeşilidiğanliğini aŋlap, bäkmu hursän bolğanliğini izhar qilğaç, “iş yerim yolda tohtap qalmisa” degän ändişisinimu yoşurmidi. Yeza turğuni Qarlığaş Jaŋbırbaeva bolsa, koçilarda elektr çiraqliriniŋ azliği, şundaqla yezidiki lalma iştlarniŋ kšpiyip kätkänligi toğriliq sšz qozğidi. Ğalҗat ottura mäktiviniŋ muällimi Җaniyäm Gülyarova bala tärbiyisidiki bäzibir qiyinçiliqlarniŋ ustazlarni häläykümgä salidiğanliğini qäyt qilip, «şu säväplik tärtip saqçiliri bilim därgahliriğa pat-pat kelip, oquğuçilar bilän uçrişişlarni štküzüp tursa…» degän täklivini otturiğa qoydi. Sšzgä çiqquçilarniŋ barliği här ikki hakimniŋ hesavitiğa «qanaätlinärlik» degän baha bärdi.
Çüştin keyin mundaq jiğin Kiçik Dehan yezisida davamlaşti. Adättikidäk, aval nahiyä hakimi, andin Kiçik Dehan yeza okruginiŋ hakimi Erbol Şayahmetov hesavat bärdi. Nahiyä hakimi atqurulğan işlarğa tohtilip, 2018-jili mäzkür okrugta «Ğalım» balilar bağçisiniŋ eçilğanliğini, Çoŋ Dehan yezisini su bilän täminläş işliriniŋ 90 payizi ämälgä aşqanliğini täkitläp štti.
Yezida şähsiy balilar bağçisini işqa qoşqan Säule Battalhanova sšzgä çiqip, här ikki hakimniŋ hesavitiğa «qanaätlinärlik» däp baha berip, biyil jutidiki ikki koçiniŋ asfal'tlinidiğanliğini, su kirgüzüş işliriniŋ davamlişidiğanliğini aŋlap, šziniŋ minnätdarliğini izhar qildi. Yeza turğuni Eleusiz Qulanbaev koçilarğa elektr yoruğiniŋ haҗätligini, yezidiki İnternet sistemisiniŋ naçarliğini tilğa aldi.
Ätisi Kätmän yeziliq okrugida štkän jiğindimu aldi bilän okrug hakimi Berik Şaymuhaev bilän nahiyä hakimi Şšhrät Nurahunovniŋ hesaviti tiŋşaldi.
Һakimlarniŋ hesavitidin 2018-jili Kätmän yezisida dohturluq ambulatoriyaniŋ pat yeqinda paydilinişqa berilidiğanliği mälum boldi. Şuniŋ bilän billä, štkän jili Kätmän yezisidiki Mädäniyät šyiniŋ muräkkäp җšndäş işliri üçün smetiliq hšҗҗätlirini täyyarlaşqa hiraҗät bšlünüptu. Kätmän yeziliq okrugiğa qaraşliq Kepebulaq yezisiğa kelidiğan bolsaq, biyilqi jilda bu yeziniŋ 8,9 çaqirim yolini җšndäşkä byudjettin 462,2 million täŋgä bšlüş kšzdä tutulğan.
Hulläs, turğunlar täripidin yazmiçä kelip çüşkän Kätmändiki İnternet sistemisiniŋ naçarliği, yär mäsililiri toğriliq soallar biraz muhakimigä çüşti. İnternet sistemisiniŋ naçarliği bügünki kündä päqät Kätmängila has qiyinçiliq bolupla qalmay, nahiyädiki birqatar yezilardimu moҗutluğini täkitligän nahiyä hakimi Şšhrät Nurahunov җavapkär mähkimigä bu mäsilini mümkinqädär tez arida häl qiliş keräkligini äskärtti. Bolupmu, bu mäsilä «Kündelik» elektronluq programmisi bilän iş elip baridiğan ustazlar üçün sezilärlik däriҗidä qiyinçiliq tuğduruvetiptu.
Yärgä dšlätlik akt eliş toğriliq kelip çüşkän soalğa җavavän nahiyä hakimi addiy häliqniŋ yär hšҗҗätlirini täyyarlaşqa moşu kämgiçä bepärvaliq bilän qaravatqanliğini eytip štti. Jiğinda qoyulğan yänä bir muhim soallarniŋ biri Çonҗa – Ğalҗat yolidin Kätmängiçä bolğan ariliq häqqidä boldi. Bu yolniŋ yasalğiniğa 30 jildin eşiptu.
Sšzgä çiqqan jut mštivärliri Kamil Şähiev bilän İsmayil Qaŋtarbaev yeziniŋ turmuş-tirikçiligi kün sanap yahşilinip kelivatqanliğini eytip, jutniŋ täräqqiyatiğa salmaqliq hässä qoşuvatqan tiҗarätçi jutdaşliriniŋ ismini pähirliniş bilän tilğa aldi. Şuniŋ bilän billä här ikki hakimniŋ hesavitiğa «qanaätlinärlik» degän baha bärdi.
Kätmändin başlanğan jiğin çüştin keyin Dardamtu yezisida davamlaşti. Okrug hakimi Maqsat Madamilov okrugniŋ jildin-jilğa rivaҗlinip kelivatqanliğini, biraq yänimu yeşimini tapmiğan mäsililärniŋ moҗut ekänligini eytip štti.
Nahiyä hakimi Ş.Nurahunov Dardamtu, Şuŋqar, Ardolata, Dovun qatarliq 4 yezidin tärkip tapqan, şundaqla kiçik şähärçigä aylanğan Arişaŋ uçastkisini šz içigä alidiğan Dardamtu yeziliq okrugi häqqidä tšvändikiçä ähbaratlarni yätküzdi.
Şšhrät Turdahun oğli 2018-jili Dardamtu yezisidiki 1,5 çaqirim kanalniŋ җšndäştin štkänligini, Ardolata yezisiğa baridiğan yolniŋ 7 çaqirimi җšndälgänligini täkitläp, 2019-jilda Dardamtu, Şuŋqar vä Çonҗa, Kiçik Dehan yeziliriniŋ yollirini җšndäş işliriğa 417,3 million täŋgä qaraşturulğanliğini hävärlidi. Natiq gäpara Ardolata yezisiğa yeŋi meditsiniliq punkt selişqa härikät qilivatqanliğinimu yoşurmidi.
Sšzgä çiqqan Dardamtu yezisiniŋ jigitbeşi Selimahun Älaev yezidiki hakimiyät, mäktäp, yeza klubi benaliriniŋ muräkkäp җšndäşni täläp qilidiğanliğini eytti. U şundaqla nahiyädä birinçilärdin bolup kooperativ qurğan dardamtuluqlarniŋ iş başlişiğa su mäsilisi kaşila boluvatqanliğini tilğa elip, yezidiki ämgäk adämlirigä su tosmisiniŋ havadäk haҗät boluvatqanliğini qäyt qildi. Şuŋqar yezisiniŋ turğunliriğa vakalätän sšz alğan Baqıtbek Bektursınov yol mäsilisini kštärgäç, mäktäpniŋ issitiş sistemisini rätkä kältürüş ohşaş täklipni otturiğa qoydi. Dovun ottura mäktiviniŋ mudiri Halima Malıbaeva bolsa, yezida mädäniyät šyiniŋ häm kitaphaniniŋ yoq ekänligini eçinişliq bilän eytti. Uniŋ sšziçä, mäktäptiki aşhana mäsilisimu häl bolmayvatqan kšrünidu. Mäzkür bilim därgahidiki yänä bir problema İnternet mäsilisi ekän. Uniŋ hizmitidin paydiliniş üçün mäktäptiki 30 muällim 1 komp'yuterğa novätkä turuvetiptu. Ardolata mähällisiniŋ jigitbeşi Muhrät Buşarov mäktäp vä sport zal mäsilisi häqqidä sšz qozğidi.

Bälüşüş

Javap qalduruŋ