Yanvar'diki yamğur

0
105 ret oqıldı

Mäşür SASİQOV,
«Uyğur avazi»

Yanvar' eyiniŋ ahirqi küni Almutida yazniŋ künidäk şaqirap yaqqan yamğur şähärliklärni helila häläykümgä saldi.
Qiş päsliniŋ näq otturisida kütmigän yärdin yaqqan yamğur yärgä çüşä-çüşmäyla qetivelip, şähär koçilirini häqiqiy muz mäydaniğa aylandurdi. Bu pävquladdä ähval päqät maşina jürgüzgüçilärnila ämäs, bälki piyadä maŋğuçilarnimu änsiritip qoydi. Zaman täräqqiyatiğa bola, җämiyitimizdä qandaqla ähval yüz bärmisun, birinçi bolup uni iҗtimaiy torlarda muzakirä qilişqa adätlängän kişilär hava rayiniŋ bu qäğişliginimu İnternetta “tählil” qilişqa başlidi. Ular birdinla koçilarğa plitkilarni salğan şähär hakimiyitigä bolğan naraziliqlirini bildürüşkä başlidi. Ularniŋ ayrimliriğa qulaq salidiğan bolsaq, trotuarlardiki yeŋi plitkilarğa qariğanda näççä hässä qolayliq asfal'tni mahtaydu. Һäqiqätänmu şähsän šzimiz bu mäsiliniŋ aq-qarisiğa yetiş mähsitidä, yäni çüşlük ğizadin qaytip, şu plitka selinğan trotuar bilän meŋip kšrginimizdä, äşu narazi boluvatqanlarniŋ “ğäzivini” çüşänduq. Älvättä, İnternetta eytilğan pikirlärniŋ hämmisigä qoşulsaq, šzimizni hšrmätlimigän bolimiz. Şundimu, bäzi şähärliklär bekarçiliqtin ämäs, bälki šzliri duç kälgän qolaysizliqtin äşularni yezivatqanliği eniq.
İkki kün degidäk härbir şähärlikniŋ eğizidin çüşmigän yamğurniŋ aqiviti koçilardiki yol-transport halakitiniŋ birdinla kšpiyişigä elip käldi. Bolupmu, Almuta – Qapçiğay beton yolidiki qolaysizliqtin zärdap çäkkän maşinilarniŋ egiliri buniŋda kimni äyipläşni bilmäy beşi qatti. Çünki siliq beton yamğurdin keyin därhal «muz mäydaniğa» aylandidä, adäm çiqimi bolmisimu, җarahätlängänlär helä kšp. (Almuta şähärlik Salamätlik saqlaş departamenti bärgän mälumat boyiçä yamğur yaqqan küni 96 adäm dohturlarğa muraҗiät qilğan). Pävquladdä ähvalniŋ aldini eliş üçün yol politsiyasi bu yšniliştiki yolni yepip, mähsus reagentlar çeçilip bolğiçä maşinilarni qoyup bärmidi. Yolda muz şu qädär qatqanki, hätta başqilarğa yahşiliq qiliş niyitidä yolğa reangent çeçivatqan bir avtomaşina jürgüzgüçisigä “beqinmay”, bäş-altä maşinini urup, helä ziyanğa uçriğan. Ändi häq tšläp maŋidiğan bu yolda turup qalğan jürgüzgüçilärniŋ «Reagentlar nemişkä vaqtida çeçilmiğan? Biz bu yärdä qançilik turuşimiz keräk?» degängä ohşaş naraziliqliriniŋ päyda bolğini rast. Amma yolni tazilaş vä avtomobil'larniŋ heçqandaq tosalğusiz meŋip turuşini täminläydiğan mähkimilärniŋ tirişçanliği tüpäyli, Almutidin çiqipla tohtap qalğan maşinilar kšp vaqit štmäyla šzliriniŋ yoliğa ravan boldi.
Qişta yamğur yağsa, gayida käyni qarğa ulişidiğini barğu. Bu qetimmu fevral' eyiniŋ birinçi künigä qariğan keçisi başlanğan qar kün patqiçä yeğip, šzini tonutup ülgärdi. Helä qelin yaqqan qar uzundin beri untuğan güҗäklirimizni yänä qolumizğa elişqa mäҗbur qildi. Koçilardiki doga-doga yatqan qar transport qatnişiğimu kaşila bolmay qalmidi. Biraq, här päsilniŋ šz gšzälligi bar demäkçi, qardin keyin şähärniŋ havasi biraz tazilinip, täbiätkä gšzällik beğişliğanliği härkimni hoşal qildi. Bu äҗayip täbiät mänzirisi kimnila bolsa šzigä җälip qilip, uni foto-videolarğa çüşirip jürgänlärmu kšp boldi.

Bälüşüş

Javap qalduruŋ