Quruluşçi Nurum

0
704 ret oqıldı

Һärbir jutta kšpçilik ismini hšrmät bilän tilğa alidiğan mštivärlär az ämäs. Şularniŋ biri — yarkäntlik Nurum Hudayqulov. Nurum bilän biz käsipdaş, zamandaş bolğaçqa, uniŋ hayati vä ämgäk paaliyiti maŋa yahşi tonuş. Uttur sšzlük, dayim işçan qiyapättä jüridiğan zamandişim bu künlärdä hayatiniŋ säksininçi davaniğa kštirildi.
İkkimiz nahiyädiki quruluş sahasida billä işliduq. Uniŋ hälqi üçün, nahiyäniŋ ihtisadi bilän mädäniyiti üçün tškkän ämgäk-äҗrini härkim bilivärmisä keräk. “Män undaq işlidim, mundaq işlidim” däp mahtinişni bilmäydiğan Nurum häqqidä gezithanlarni tonuşturuşni toğra kšrdüm.
Nurumniŋ äsli tegi-täkti yarkäntlik. U moşu jutta tuğulup šsti. Baliliq dävri uruş jilliriğa toğra kälgäçkä, u šz quramliqliri bilän şu dävirniŋ qiyinçiliği bilän җapa-mäşäqätlirini az tartmidi. Şuŋa bäzidä ikkimizniŋ beşi qoşulup qalsa, uruş jillirini äsläp eytqan sšzliri meniŋ qälbimni tit-tit qilip, şu eğir, uruş jilliri yadimğa kelidu.
Nurum quramliqlar u jilliri җaŋza tepip, poŋzäk oynimidi. Һätta poŋzäk ularniŋ çüşigimu kirmidi. Ata-anisi bilän etiz-eriqni makanlidi. Bir bulka nan üçün bir kün boyi, bäzidä ikki künläp novättä turğanliğini äsläş uniŋğa qançilik eğir ekänligini şu dävirniŋ adämliri bilimiz häm yahşi çüşinimiz. Şuŋlaşqa «uruş jilliriniŋ baliliri» atilip, šgimiz qatmay turupla ämgäktä tavlanduq. Bir kün aç, bir kün toq jürüp, teçliq hayatqimu yättuq, lekin qayta tikläş jilliriniŋmu helä maşäqitini kšrduq desäm, aşurup eytqanliq ämäs.
Qosaq toyup, kšŋlümiz külgändin keyin bilim eliş armini bilän ilgiri kšrmigän-bilmigän çoŋ-çoŋ şähärlärgä atlanduq. Nurummu şundaq Frunze (hazirqi Bişkek) şähiridiki politehnika institutiniŋ quruluş fakul'tetiğa oquşqa çüşüp, uni muvappäqiyätlik tamamlidi. İkki jilliq täҗribä işlirini štäp, šzi däsläpki ämgäk paaliyitini başliğan kolhozğa kelip, quruluş injeneri bolup, ta hšrmätlik däm elişqa çiqqiçä işlidi.
Nurum Hudayqulov egiliktiki härqandaq quruluş lahiyisiniŋ muällipi desäm, aşurup eytqanliq ämäs. Çünki yeza egiligidiki mal bodaş kompleksliri, quş fermiliri, kolhozçilarğa turuşluq šy seliş yaki egilik brigadiliri hesaplanğan yezilarda mädäniyät šyliri bilän başqimu quruluş işliriniŋ hämmisidä Nurumniŋ hässisiniŋ bar ekänligini täkitläş orunluq. Eytayluq, u jilliri Saribäl, Sadir, Turpan, Süptay, Nağriçi, Lesnovka, Ämgäkçi, Kiçik Çiğan yeziliridiki quruluş işlirida layihä siziş, uni ämälgä aşuruşta egilik rähbärliri Nurum Hudayqulov ohşaş mutähässislärniŋ yardimigä tayandi.
Һär benada šz iz-tamğisi bar mutähässis Nurum Hudayqulov hšrmätlik däm elişqa çiqip, Sotsialistik Ämgäk Qährimani Nikolay Golovatskiyniŋ täşäbbusi häm rähbärligi bilän bärpa bolğan Golovatskiy şähärçisidä yaşavatidu. U yaşlarniŋ ğämhorçisi häm mäslihätçisi.
Elimiz Prezidenti Nursultan Nazarbaevniŋ «Keläçäkkä nişan: mäniviy yeŋiliniş» maqalisidiki «Tuğan jer» layihisidä atap kšrsitilgändäk, tuğulup šskän eliniŋ täräqqiyati üçün bar küç-ğäyritini särip qilğanlar šsüp kelivatqan ävlatlarğa härtäräplimä ülgä ekänligini tilğa aldi. Һä, kindik qeni tškülgän Yarkänt täväsiniŋ ihtisadi bilän mädäniyitiniŋ rivaҗlinişiğa tär tškkän Nurum Hudayqulov şuniŋğa här җähättin munasip insan.

Şärip RÄHMİDİNOV,
Panfilov nahiyäsiniŋ Pähriy grajdini.

Bälüşüş

Javap qalduruŋ