Җamaätçilik väkilliri bilän uçraşti

0
100 ret oqıldı

Raşidäm MİRZÄHMÄTOVA,
«Uyğur avazi»

Yäkşänbä küni җänubiy paytähtniŋ Zarya Vostoka mähällisidiki «Alatau» kafesida җumhuriyätlik Uyğur etnomädäniyät märkizi Almuta şähärlik şšbisi rähbärliginiŋ Alatav nahiyäsidä istiqamät qilidiğan uyğur җamaätçiliginiŋ väkilliri bilän uçrişişi bolup štti. Uniŋğa tävädiki Alğabas, Aqbulaq, Zarya Vostoka, Һšҗҗät, Qarasu mähälliliriniŋ jigitbaşliri bilän җämiyätlik işlarniŋ aktivistliri qatnaşti.
Baş qoşuşni kirişmä sšz bilän açqan ҖUEM yenidiki Jigitbaşliri keŋişiniŋ räisi, Almuta şähiri Alatav nahiyäsi uyğur җamaätçiliginiŋ baş jigitbeşi Yarmähämmät Kebirov jiğinniŋ kün tärtivini elan qilğaç, mehmanlarni tonuşturdi. Andin җumhuriyätlik «Uyğur avazi» gezitiniŋ baş muhärriri, ҖUEM räisiniŋ orunbasari Erşat Äsmätov Dšlät rähbiri Nursultan Nazarbaevniŋ Pärmani bilän elan qilinğan Yaşlar jiliniŋ ähmiyiti, şuniŋğa munasivätlik uyğur җamaätçiligi arisida ämälgä aşurulidiğan işlar häqqidä ätrapliq çüşänçä bärdi vä bügünkidäk muräkkäp väziyättä hälqimiz üçün birlik bilän ittipaqliqniŋ näqädär muhimliğini alahidä täkitlidi.
Şuniŋdin keyin nahiyä җamaätçiligi bilän yeqindin tonuşup, pikir-täkliplirini aŋlap, hämkarliqta iş elip beriş mähsitidä kälgän ҖUEM Almuta şähärlik şšbisiniŋ rähbärliri – Äbäydullam Җapparov (räisi), Almuta şähärlik jigitbaşliri keŋişiniŋ räisi Sabit haҗim Yüsüpov, Dolquntay Abduhelil, Rustäm Häyriev (orunbasarliri) kšpçilikni üstimizdiki jilğa bälgülängän iş planliridin hävärdar qildi. Natiqlar šz sšzidä bügünki kündä hälqimiz üçün birlik-šmlükniŋ muhim rol' oynaydiğanliğini alahidä täkitläp, keläçäkkä molҗalanğan elimiz, hälqimiz mänpiyitigä muvapiq paaliyätlärdä hämmimizniŋ «bir yaqidin – baş, bir yäŋdin qol çiqirip» işlişimiz lazimliğini eytti.
Jiğin qatnaşquçiliridin sšz alğan Qarasu mähällisiniŋ çoŋ jigitbeşi Mahmutҗan Mäŋsürov, uniŋ orunbasari Abdureşit İliev, Һšҗҗät mähällisiniŋ çoŋ jigitbeşi Tudahun Tayipov, Zarya Vostoka mähällisidiki meçitniŋ naib imami Bährim Һasanov vä başqilar ҖUEM Almuta şähärlik şšbisiniŋ mähsät-muddiasini çüşinip, reҗiliri bilän tonuşqandin keyin, mäzkür җämiyätlik täşkilat bilän hämkarliqta işläşkä täyyar ekänligini izhar qilişti. Bährim Һasanov šz novitidä kšpçilikniŋ din vä milliy urpi-adätlirimiz boyiçä qoyğan soalliriğa җavap bärdi.
Mäzkür baş qoşuşta kšpçilik җämiyätlik işlirida mol täҗribigä egä Һšҗҗät mähällisi çoŋ jigitbeşiniŋ orunbasari Tohtahun Qojaevni bir eğizdin Alatav nahiyäsi uyğur җamaätçiliginiŋ baş jigitbeşiniŋ orunbasari qilip saylidi.

Bälüşüş

Javap qalduruŋ