«Jutniŋ minnätdarliğidin artuq mukapat yoq»

0
397 ret oqıldı

Sabiräm ÄNVÄROVA,
«Uyğur avazi»

Yeqinda Uyğur nahiyäsiniŋ Çonҗa yezisida milliy mädäniyitimiz җankšyärliri arisida štkän bir baş qoşuşta almutiliq metsenat Nurmähämät Paltahunov häqqidä gäp qozğilip qaldi.Metsenatniŋ namiğa illiq tiläk eytqanlar nahayiti kšp boldi. Ularniŋ arisida Dovun yezisidin kälgän mäktäp mudiri, jigitbeşi vä jut aqsaqallirimu bar. Keyin mälum boluşiçä, Nurmähämät aka dovunluq ekän. Eytişlarğa qariğanda, u tuğulup šskän jutida kšpligän sahavätlik işlarni ämälgä aşuruptu.
Bügünki kündä «Bahar» җavapkärligi çäklängän yoldaşliğiniŋ baş mudiri bolğan Nurmähämät akiniŋ hayati tiҗarätçilik bilän çämbärças bağliq. U šziniŋ ämgäk paaliyitini 1966-jili nahiyälik istimalçilar җämiyitidä buhgalterliqtin başliğan. Almutiğa kšçüp kälgändin keyin, «Zolotaya osen'» dukininiŋ mudiri bolidu. 1989 – 1996-jilliri Ämgäkçiqazaq nahiyäsiniŋ «Gigant» sovhozida sovhoz mudiriniŋ soda boyiçä orunbasari hizmätlirini atquridu. U qäyärdä işlimisun, tapqan-tärgininiŋ mälum qismini häyrihahliq paaliyätkä särip qilişqa adätlängän. Bolupmu u Uyğur nahiyäsiniŋ iҗtimaiy-ihtisadiy täräqqiyatiğa šziniŋ birkişilik hässisini qoşqan insanlardin.
U küni Nurmähämät akiniŋ aliyҗanap işliri häqqidä dovunluqlar šzliriniŋ illiq lävzini bildürdi. 2004-jili uniŋ bevasitä küç çiqirişi bilän Dovunda meçit qäd kštiridu. 2005-jili Dovun mäktividä remont işlirini jürgüzüşkä 7 million täŋgä ianä qilidu. Älaçi oquğuçilarniŋ rohini kštiriş mähsitidä ailisi namidin stipendiya täsis qilğanliğinimu mäktäp rähbärligi heliğiçä untuğini yoq. Yezidiki uruş veteranliriğa ornitilğan yadikarliqniŋ qäd kštirişidimu uniŋ ülüşi kšp. Mahtinişni bilmäydiğan insanniŋ buniŋdin başqa juti üçün qilivatqan işlirini eytip tügätküsiz.
Moşundaq häyrihahliq paaliyiti bilän tonulğan Nurmähämät Paltahunov 2012-jili җumhuriyätlik Uyğur etnomädäniyät märkizi räisiniŋ orunbasari bolup saylinidu.
Ändi u šziniŋ häyrihahliq paaliyitini җumhuriyät miqiyasida davamlaşturuvatidu. Yardäm sorap muraҗiät qilğan adämni u heçqaçan quruq qol qayturğan ämäs. Amma «oŋ qol bärgänni, sol qol bilmisun» degän ibarä uniŋ hayatiy şiari. Şundimu hayatta kämtar, kamsšzlük akimizdin šzi häqqidä käŋiräk eytip berişini soriveduq, iltimasimizni rät qildi.
– Elimiz Prezidenti šziniŋ qazaqstanliqlarğa yollavatqan härbir Mäktübidä «Tuğulğan jutuŋlarğa tuğuŋlarni tikiŋlar» dävatidu. Mänmu moşu äsnada paaliyät elip berivatimän. Hälqim, jutum üçün qilğan azdu-tola ämgigimni jutdaşlirim bahalavetiptu. Meniŋ üçün buniŋdin artuq mukapat yoq, – dedi u.

Bälüşüş

Javap qalduruŋ