Adiläm «Altınkšldä» işläydu

0
143 ret oqıldı

Gšhärbüvi İSMAYİLҖANOVA,
«Uyğur avazi»

Panfilov nahiyäsidiki «Altınkšl» tšmür yol stantsiyasi buniŋdin yättä jil ilgiri işqa qoşuldi. Şu çağdiki nahiyä hakimi Mahabbat Bigeldiev başliğan rähbärlär 2012-jili 1-sentyabr' küni nahiyäniŋ jut-jҗamaätçiligi bilän däsläpki poezdni kütüvelip, yoluvçilarğa aq yol tiligänliginiŋ guvaçisi bolğan eduq. Mana şuniŋdin beri bu yolda «Almuta-Altınkšl-Almuta» marşruti boyiçä yoluvçilar här küni yolğa çiqivatidu. Täkitläş keräkki, ata-bovilirimiz armini royapqa çiqip, nahiyä turğunliri şuniŋdin beri tšmür yol, poezd säpiri häqqidä bilipla qalmay, uniŋdin paydiliniş mümkinçiligigä egä boldi.

Elimiz Prezidenti Nursultan Nazarbaevniŋ «Sür°ätlik industriyalik-innovatsiyalik täräqqiy ätküzüş» dšlät programmisi dairisidä nahiyädä tšmür yol işqa qoşuluşi bilän kšpligän adämlär iş bilän täminländi. Tävä turğunliriniŋ baliliri moşu sahağa munasivätlik bilim elişqa muyässär boldi. Yoşuruşniŋ haҗiti yoqki, şuŋğiçä yarkäntliklär arisida tšmür yol sahasiğa munasivätlik käsip talliğanlar kamdin-kam, yäni barmaq bilän sanavelişqa bolatti. Һazirçu? Һazir nahiyädä tšmür yol sahasi mutähässisligini talliğuçilarla ämäs, keläçäktä «tšmür yolçi» bolimän degüçilärmu kšpäydi. Aqivättä ularniŋ arisida tšmür yol hizmiti mutähässisliri yetilip çiqtidä, «besim kšpçiligi mäzkür stantsiyadä işläş mümkinçiligigä egä bolmaqta. Mälumatlarğa asaslansaq, bügünki kündä «Altınkšl» tšmür yol stantsiyasidä 280 adäm işlävatidu. Ularniŋ 200i Panfilov nahiyäsidin bolup, qalğini җumhuriyätniŋ başqimu nahiyä, şähärliridin kelip işlävatqan mutähässislärdin ekän. Yarkänt şähiriniŋ turğuni Adiläm Amanova mana şundaq yaş mutähässislärniŋ biri.
Adiläm 1995-jili Yarkänt şähiridä tuğulğan. Almutidiki Şaltay Smağulov namidiki fizika-matematika yšnilişi boyiçä bilim beridiğan (hazirqi №9 Darın) mäktäptä oqudi. Namidin çiqip turğinidäk, fizika vä matematika pänlirigä qiziqişi häm intilişi üstün Adiläm oquşta älaçi, tärtiptä intizamliq boluşi bilän җämiyätlik işlarğimu paal qatnaşti. Boş vaqtini sport zalida štküzüşkimu adätländi.
– Fizika-matematikidin çoŋqurlitip bilim beridiğan mäktäpni tügätkändä anam maŋa Transport vä kommunikatsiyalär akademiyasidä oquş täklivini bärdi. Rät qilmidim. Çünki anamniŋ eytqini bilän meŋiş keräkligimni momam Salamät, märhum Aman bovam dayim quliğimğa quyup jürdi. Akademiyaniŋ jük toşuşni uyuşturuş vä başquruş fakul'tetiğa oquşqa çüşüp, uni 2015-jili tamamlidim. Şu künila anam meni «Altınkšl» tšmür yol stantsiyasigä elip käldi. Mana şuniŋdin beri tšrt jil štüptu, «Altınkšlgä» HHҖdin kelivatqan miŋliğan tonniliq jüklärni qobul qilip, uni üçinçi bir dšlätkä ävitişni räsmiyläştürüş boyiçä işlävatimän. Älvättä, işimiz muräkkäp boluşi bilän intayin juquri җavapkärlikni, diqqätçanliqni häm ehtiyatçanliqni täläp qilidu. Eytayluq, çät äldin kältürülüvatqan jükni Qazaqstan arqiliq Rossiya, İran, Germaniya, Özbäkstan, Qirğizstan, Taҗikstan, Türkiya vä başqimu dšlätlärgä ävätiş bizniŋ zimmimizdä, – däydu u biz bilän bolğan sšhbättä.
Sšhbätdişim kamsšzlük ekän. Uniŋ keläçäk armanliri häqqidä soriğinimda pat-yeqinda yänä bir aliy oquşini tamamlaş aldida turğanliğidin hävär taptim.
Näzäriyäviy bilimini ämäliyatta җariy qilip kelivatqan Adiläm «Altınkšl» stantsiyasi hadimi süpitidä Almuta vä Taraz şähärliridä štüvatqan forum vä ilmiy ämäliy änҗumanlarğa iştrak qildi. Taraz şähiridä bilimini mukämmälläştürüş kurslirida däris aldi.
– «Altınkšl» stantsiyasiniŋ başliği Jandos Untaqbaevniŋ täşäbbusi häm qollap-quvätlişi bilän tšmür yolçilar käspiy mäyrimidä härhil musabiqilär uyuşturulidu. Şundaqla sport oyunliridin, voleybol, basketboldin turnirlar bolup turidu. Undaq päytlärdä meniŋ haduğum çiqidu. «Altınkšl» stantsiyasi vä Panfilov nahiyälik voleybolçilar tallanma komandisida oynaymän. Meni bu oyunğimu anam elip käldi, ta moşu küngiçä vaqit tapsamla, anam bilän sport zaliğa billä barimiz, –däydu Adiläm.
Һä, bayatin anisi häqqidä qandaqtu-bir mäğrurlinip, pähirlinip, ülgä qilip eytivatqinida qançilik häqiqät bar ekänligi bizgimu mälum. Adilämniŋ anisi Gšzäl Niyazova käspi boyiçä – jurnalist. Gšzäl bilän bir topta oquş bilän billä yataqta billä turup, hayatimizdiki äŋ qaytilanmas, esil çağlarni billä štküzduq. Gšzälmu şundaq yaşliğidin sportni sšyüp šsti. Qazaq Dšlät universitetiniŋ jurnalistika fakul'tetida bäş jil oquş davamida biz dostumiz, jutdişimizni päqät sport zalidin izdättuq. Universitettiki voleybolçi qizlar komandisiniŋ äzasi süpitidä talay turnirlarda ğalip çiqivedi. Ändiliktä u tiҗarätçilik bilän şuğullanmaqta. Ana-bala sportçilar Panfilov nahiyälik voleybol tallanma komandisiniŋ aktiv äzaliri. Nahiyäniŋ daŋqini çiqirivatqan sportçilar. Adiläm bolsa, anisiniŋ ümütini aqlaş üçün kšp mäşiqlinidu. Nätiҗidä Almuta vilayätlik «Jetisu» voleybol komandisi tärkividä elimizniŋ Qarağanda, Temirtav, Çimkänt, Petropavlovsk, Ural'sk, Türkstan vä Astana şähärliridiki turnirlarğa qatnişip, mukapatliq birinçi, ikkinçi orunlarni egiläştä salmaqliq hässisini qoşuvatqan sporçilar qatarida tilğa elinivatqanliği hämmimizni hoşal qilidu.
Adiläm Amanova Almuta şähiridiki KUPS aliy oquş ornida sirttin oquşi bilän boş vaqtiniŋ yoqluğiğa qarimay, kitaphanida qazaq tilida bädiiy ädäbiyatlarni oquşni yaqturidekän. Ändi yarkäntlik yaşlar Sultan Davutovniŋ rähbärligidä «Panfilov jitim balilar šyidä» tärbiyilängüçilärgä häyrihahliq çarä uyuşturuluvedi, Adiläm däsläpkilärdin bolup, tapqininiŋ mälum qismini ianä qilişni toğra kšrdi. Yaş bolğiniğa qarimay, sovapliq, häyri-ehsanliq işlarğimu arilişip jürgän Adiläm:
– Dšlät rähbiri bu jilni «Yaşlar jili» däp elan qildi. Uniŋ eçilişidiki nutqidin bäk täsirländim. Uçrişişta yaşlar šzliriniŋ qolğa elivatqan layihiliri bilän Prezidentimiz aldila ärkin sšzläp bšlüşti. Keläçäk egiliri bolğan biz, yarkäntlik yaşlarmu sšzläp, bizgä kšrsitilivatqan ğämhorluqlardin toluq paydilinip, šz oy-mähsätlirimizni ämälgä aşuruşimiz keräk däp oylidim. Һä, ändi elimiz Prezidentiniŋ «Sür°ätlik industriyalik-innovatsiyalik täräqqiyat programmisi dairisidä iş elip berivatimizkän, uni tehimu täräqqiy ätküzüp, moşu sahada alğa meŋişimiz keräk. Çünki «Altınkšl tšmür yol stantsiyasi» işçiliri üçün Nurkent şähiri qäd kštirivatidu. Bu – yaşlar şähiri, – däydu u.
Altınkšldä yüzligän yaşlar qatarida Rustäm Җahanov, Äzim Mäşümov, Şadiyäm Muhtärova qatarliq millitimiz väkilliri işlävetiptu. Biz yaşlarniŋ qatariniŋ kšpiyip, bu sahani täräqqiy ättürüşkä šz hässisini qoşidiğanliğiğa işinimiz.
Panfilov nahiyäsi.

Bälüşüş

Javap qalduruŋ