Mutäpäkkür alim hatirisigä beğişlandi

0
73 ret oqıldı

Mäşür SASİQOV,
«Uyğur avazi»

Yeqinda Talğir nahiyäsiniŋ Besağaş yezisidiki 29-ottura mäktäptä uyğur tili vä ädäbiyati päniniŋ muällimliri Täl°ät Balinov bilän Nurbüvi İsmayilҗanovaniŋ uyuşturuşida büyük mutäpäkkür alim Yüsüp Has Һaҗipniŋ 1000 jilliğiğa beğişlanğan ädäbiy käç štküzüldi. Uniŋğa mehmanlardin «Beybitşilik älemi» qazaq iҗadiy birläşmisiniŋ väkilliri Tursun Raziev, Aztekin İbragimov, Talğir nahiyäsiniŋ baş jigitbeşi Oktyabr' Qurbanniyazov vä mäktäp mudiri Nazım Sarsebaeva qatnaşti.
Käç davamida 5 – 11-sinip oquğuçiliri uluq alim-filosofniŋ tärҗimihali, bilim, til, ädäp-ählaq vä bala tärbiyisigä beğişlanğan äsärliri toğriliq ätrapliq çüşänçä berip, šzliriniŋ qedimiy tarihimizdin yahşi hävärdar ekänligini kšrsätti. Şundaqla oquğuçilar kiygän dopilarniŋ ohşaşliği ulardiki milliy rohniŋ juquri däriҗidä ekänligidin deräk berätti. Bu yärdä şunimu alahidä täkitläş keräkki, oquğuçilarniŋ qoşumçä mänbälärdin izdinip, mäzkür çarä-tädbirgä izçil täyyarliq qilğanliği mehmanlarda çoŋqur täsirat qaldurdi.
Mehmanlardin Aztekin İbragimov qedimiy türkiylärniŋ tarihi, dini vä qerindaş qazaq hälqi bilän uyğurlarniŋ arisidiki dostluq häqqidä ätrapliq tohtaldi. Natiq yaş ävlat väkilliridä moşu hislätlärni şäkilländürüş muhim mäsililärniŋ biri ekänliginimu alahidä qäyt qildi.
Bu küni käç davamida Yüsüp Has Һaҗip häqqidä videorolik vä sürätlär kšrsitilip, mehmanlar uşbu çarä-tädbirniŋ täşäbbuskari häm uyuşturğuçisi bolğan ustazlarğa minnätdarliqlirini izhar qildi vä oquğuçilar bilän muällimlär «Beybitşilik älemi» häliqara Qazaq iҗadiy birläşmisiniŋ diplomliri bilän täğdirländi.

Bälüşüş

Javap qalduruŋ