Muradiğa yätkän Murat

0
79 ret oqıldı

Gšhärbüvi İSMAYİLҖANOVA,
«Uyğur avazi»

Bu jili hava-rayiniŋ qolaysizliğiğa qarimay, nahiyä dehanliri 25880 gektar mäydanğa kšmüqonaq terip, uniŋdin 165 miŋ tonna aşliq yetiştürdi. Buniŋda pänҗimliklärniŋmu tšhpisi kšp. Çünki Pänҗim yeza okruginiŋ dehanliri vaqit bilän hesaplaşmay ata käspigä sadiq bolğan halda ämgäk qilivatidu. Dehanlardin «biyil su qisinçiliği bolmidi, aşliq qenip su içti” degän gäplärni kšp aŋlaydiğan bolduq. Ayrim pänҗimlik dehanlarniŋ šlçük yärlirini suğirişta «Qorğas» kanilidin su alidiğandiğini uqtum. Pursiti kelip, kanal tehnigi Murat Һezimov bilän uşbu mäsililär ätrapida sšhbätläştuq.
«Qazsuşar» (ilgärki “Jarkent-irrigatsiya”) su egiligi dšlät karhanisiniŋ bir uçastkisi bolğan «Qorğas» su uçastkisidin Basqunçi, Altšy vä Pänҗim yeza okruginiŋ dehanliri su alidu. Qorğas uçastkisidiki R-12 däp atilidiğan brigadisiğa täälluq 530 gektar mäydanda 80din oşuq dehan egiligi bilän kelişim asasida iş elip berivatimiz, – dedi u. – Jutdaşlar kšmüqonaq, aptappeläz, şundaqla alma, üzüm šstürüş bilän şuğullinidu. Birdinla şuni eytmaqçimänki, bizniŋ mähsitimiz – dehanlarniŋ etizliğini šz vaqtida suğirişini täminläştin ibarät. Äslidä dehanlar yeriniŋ eriğini çepip, jiliğa üç qetim suğirişi keräk. Ötkän jili şundaq boldi, 9-sentyabr' küni etizliqlarğa ahirqi su käldi. Uniŋdin keyin aşliq jiğişturuş işliri başlinip kätti.
«Suniŋmu soriği bar» degändäk, israpçiliqqa yol qoymastin, suni orunluq paydilinişimiz keräk. Ötkän jil dehanlar üçün helila eğir boldi. Şuniŋğa qarimastin vaqit bilän hesaplaşmay işliduq. Һäyran qalidiğinim, sähärliktä saat 4-5tä qutluq kätminini mürisigä selip, etizliqqa qarap yol tutidiğan dehanlar bilän etizliğidimu uçraştim. Һä, bäzidä suğiriş işliri noviti kündüzi, bäzidä keçidä kelidu ämäsmu. Män dehanlarniŋ ğäyritigä, işbilärmänligigä qayil bolimän. Çünki ätiyazniŋ härbir künini ğenimät bilip, šz vaqtida suğarsaq, ämgigimiz yärdä qalmaydu. Dehanlar «kündin qaldiŋ, jildin qaldiŋ» degän näqilgä ämäl qilğan halda işläydu. Şundaq tär tšküp mehnät qilduq, štkän jilğa dava-dästürimiz yoq, bu jildin ümütimiz zor. Buyrisa şärtnamilär tüzüp, Noruz kelişi bilän suğiriş işlirini başlaymiz. Bu jili Yarkänttä qar az yağdi. Biraq tağda qar helä bar.
Murat Һezimov yezidiki Abdulla Rozibaqiev namidiki mäktäpni 1986-jili tamamlap, Talğir şähiridiki yeza egiligigi tehnikuminiŋ mehanizatsiya fakul'tetida tähsil kšrdi. Ämgäk paaliyitini ilgärki Kalinin namidiki kolhozda addiy şofer boluştin başlidi. Egiliklär tarqalğanda, pay hesaviğa šlçük yär elip, jutdaşliri bilän dehançiliq sahasida ämgäk qilip jürginidä, aliy bilim elip, gidrotehnik mutähässisligini egilidi. Ämgäk paaliyitini 2003-jili «Jarkentirrigatsiya» dšlät karhanisidin başlap, ta bügünki küngiçä moşu yärdä işlävatidu.
Һezimovlar ailisi häqqidä gäp qilimizkän, täväniŋ iҗtimaiy-ihtisadiy täräqqiyatiğa salmaqliq hässisini qoşuvatqan ailä äzaliriniŋ ismi nahiyädila ämäs, bälki jumhuriyät, hätta uniŋ sirtiğimu yahşi tonuş.
– Meniŋ yeza egiligi sahasiğa kelişimdä märhum atam bilän ailimizniŋ tunҗisi Muŋdaş akamniŋ täsiri zor. Muŋdaş akam tävädiki yeza egiligi sahasidiki mahir täşilatçilarniŋ biri süpitidä ämgäk qilip, bu sahağa munasivätlik ilmiy ämgäklärni yaqliğan, šz dävriniŋ yetük mutähässisliriniŋ biri edi. Şum äҗäl uni arimizdin bevaqit elip kätti. Akamdin ayrilğandin keyin, uniŋ mäslihitigä muhtaҗ bolup jürdüm. Bu judaliq oti besilmayla yänä bir qerindişim Muhit akamdin täsadipi ayrilduq. Uyğur teatri sähnisidä ata-aniniŋ, dehan ävladiniŋ yäni jutdaşliriniŋ obrazlirini yaritivatqan, sähniläştürüvatqan akter häm rejisser akamniŋ häliqqä bärginidin beridiğini kšp edi. Rozigül, Roşängül, Gülnaräm isimliq hädilirim, Tayirҗan qerindişim atamniŋ ornida atam bolup qaldi. Tayirҗan akam yezidiki mäktäptä ävlatlirimiz qälbigä märipät uruğini çeçivatidu, – däydu u.
Һäqiqätänmu juttiki inavätlik, ibrätlik ailiniŋ känҗisi çoŋ šyniŋ çiriğini yandurup, räpiqisi Mehiray ikkisi tšrt pärzäntni qatarğa qoşuvatidu.
Jutdaşliri Murat bilän Mehirayniŋ tädbirçanliğini alahidä hšrmät bilän tilğa alidu. Demisimu ular Pänҗimniŋ märkizidä, eniğiraği Uluq İpäk yoli boyida «Karavan saray» kafesini işqa qoşqan. Ändiliktä häliqqä hizmät kšrsitiş paaliyitini käŋäytip, uni çoŋ kompleksqa aylandurdi. Kafe yenida satraşhana, ozuq-tülük vä gšş satidiğan dukan bilän dorihana eçip, 25 adämni turaqliq iş bilän täminlimäktä. Toy-tškün, näzir-çiraqlar uşbu zamaniviy ülgidä selinğan kafeda štidu.
– Elimiz Prezidenti Nursultan Nazarbaevniŋ bevasitä rähbärligi bilän ämälgä eşivatqan «Salamattı Qazaqstan» vä «Densaulıq» dšlät programmilirini ämälgä aşuruşqa hässämni qoşuş niyitim bar. Kšŋlümdä meditsina märkizini selip, jutdaşlirimniŋ salamätligini nazarät qiliş hizmitini җanlandursam, degän arman-mähsätlärmu yoq ämäs. Adäm salamätligi hämmidin qimmät. Pärzäntlirimniŋ ikkisi meditsina sahasi hadimi boluştäk җavapkärligi çoŋ sahani tallavalğaçqa, ular ohşaş yaş mutähässislärni iş bilän täminläşniŋ amilini izdäş – bügünki künniŋ tälivi bolup qalmaqta, – däydu Murat keläçäk planliri bilän ortaqlişip.
Murat bilän sšhbätlişivatqanda, idarigä Qorğas su uçastkisiniŋ başliği Panfilov nahiyälik mäslihätniŋ deputati Ruslan Tulaqbaev kirip käldi.
– Uyğur qerindaşlirimizniŋ ata käspi dehançiliq bolğaçqa, ularni ämgäkçanliği tüpäyli yärgä äҗir siŋdürüp, çšlni bostan qilivatqan qedimiy, mädäniyätlik häliq däp bilimän. Murat bauırım tädbirçan, işbilärmän mutähässislärniŋ biri. Uni päqät etizdinla tepişiŋiz mümkin. «Ataŋniŋ oğli bolğiçä, älniŋ oğli bol» degändäk jutiğa, elimizgä hizmät qilivatqan Muratqa «harma, inim» demäkçimän, – dedi Ruslan ağa.
Bizmu bu tiläkkä qoşulduq.
Panfilov nahiyäsi.

 

Bälüşüş

Javap qalduruŋ