«…ھazir iş izdäp yeziğa kelivatidu»

0
123 ret oqıldı

Almuta vilayitiniŋ Ämgäkçiqazaq nahiyäsidä 14 – 30 yaş ariliğidiki yaşlarniŋ sani säksän miŋğa yeqin ekän. Ularniŋ içidä härhil hizmättiki adämlärniŋ sani – 11 638. 49 235 jigit-qiz šzini-šzi iş bilän täminlävatqanlar. İşsiz jürgän 469 yaş bar. Yeqinda biz Ämgäkçiqazaq nahiyälik Yaşlar resursliq märkiziniŋ räisi Aybek Qasımhanulı İLEBAEV bilän uçraşqan eduq. U nahiyä yaşliriniŋ paaliyiti häqqidä tšvändikilärni sšzläp bärdi.

Raşidäm RÄھMANOVA,
«Uyğur avazi»

– ھazir dšlät hizmitidiki yaşlarniŋ sani kün sanap šsüvatidu. Älvättä، bu nahiyä rähbärliginiŋ äl keläçigi üçün yaşap, ämgäk qilişqa täyyar yaşlarni qollap-quvätlişiniŋ bir ipadisidur. Özäm rähbärlik qilivatqan nahiyälik Yaşlar resursliq märkizini alsaq, nahiyä hakimi Binäli Isqaq T.Moldağaliev namidiki nahiyälik Mädäniyät šyi yenidin bizgä bšlmä aҗritip, uni maddiy-tehnikiliq җabduqlar bilän täminläp bärdi. Buni şundaqla bizgä işänçä bildürgänlikniŋ bälgüsi, bizniŋ çoŋ ävlat bilän billä tutup, ämgäk qilişimiz üçün yaratqan mümkinçilik däp bilimiz.
Nahiyälik Yaşlar resurliq märkizi bärpa boluşidin tartip izgü paaliyätlärni ämälgä aşuruvatidu. «Yaşlar säyasitidiki asasiy mäsilä – iş bilän täminläş»، dedi Prezidentimiz šz sšzidä Yaşlar jiliniŋ eçilişiğa beğişlanğan “Täuelsizdik wrpaqtarı” namliq täntänidä. Bizmu bu mäsiligä alahidä kšŋül bšlüşkä tirişivatimiz. Mäsilän, nahiyädiki işsiz yaşlarniŋ sanini azaytiş mähsitidä nahiyälik İş bilän täminläş märkizi bilän qoyuq munasivät ornattuq. Yaşlar märkizigä iş sorap kälgänlärni atalğan märkäzniŋ bevasitä rähbärligi bilän štidiğan «Yaşlar täҗribisi» programmisiğa qatnaşturup, turaqliq iş häqqi tšlinidiğan täҗribidin štüşkä ävättuq. 2017-jili 105 student härhil mähkimä vä karhanilarda täҗribidin štüp, 45 adäm işqa orunlaşqan bolsa, 2018-jili 118 yaş täҗribä toplap, ularniŋ kšpçiligi iş bilän täminländi. Şuniŋ bilän billä här jili än°äniviy «Boş iş orunliriniŋ yärmäŋkisini» štküzimiz. Uniŋda nahiyä mähkimiliri vä şähsiy dehan egilikliri šzliridiki boş orunlarni täklip qilidu.
Jil beşidin 17 yaş mutähässis Yaşlar resurluq märkiziniŋ yardimi bilän härhil sahalar boyiçä işqa orunlaşti. Buniŋdin taşqiri 2005-jili elan qilinğan «Jasıl el» programmisi boyiçä päqät 2018-jili 125 jigit-qiz mävsümlük iş bilän täminländi. Ular Bäyterek, Paltivay, Aqşi, Türgän, Qarakemer yeza okruglirida işläp, tegişlik ämgäk häqqini aldi. Biz boş orunlarğa yezilardiki işsiz yaşlarni, yazliq tätildiki studentlarni, täminati tšvän ailä egilirini җälip qilişqa tirişimiz. Ular şundaqla qerilar bilän uruş vä ämgäk veteranliriğa yardäm qilişnimu untumaydu.
ھazir Dšlät rähbiri N.Nazarbaevniŋ dana säyasiti tüpäyli yaşlar üçün barliq şarait yaritilğan. Ularniŋ bilim elişi, boş vaqtini ünümlük paydilinişi, sağlam hayat tärizi yšnilişliri qatarliq kšpligän mäsililär yolğa qoyulğan. Şundimu kamçiliqlar yoq ämäs. Mäsilän, yeza okrugliridiki yaşlar işliri boyiçä hadimlar üçün mümkinçiliklär yetärlik däriҗidä qaraşturulmiğan. Yezidiki yaşlar bilän işläydiğan moşu jigit-qizlar bolğanliqtin, ularniŋ maddiy-tehnikiliq şaraitiniŋ yoqluği nurğunliğan çarä-tädbirlärni šz däriҗisidä uyuşturuşqa yol qoymayvatidu.
Umumän, täŋtuşlirimniŋ paaliyitidin kšŋlüm su içidu. Şundimu bäzibir yaşlar zaman tälivigä maslişimiz däp šziniŋ milliy qädriyätlirini, urpi-adät, än°äniliri vä tarihini untup ketip barğandäk. Älvättä، yaşlarniŋ barliğini bir tayaqta haydaştin jiraqmän, biraq җämiyät hayatiğa qiziqmaydiğan täŋtuşlirimni kšrgändä، kšŋlüm ğäşlikkä çüşidu. Ata-bovimiz äsirlär boyi arman qilip yätkän Mustäqilligimiz häqqidä tarihiy mänbälärni üginişniŋ orniğa, nurğunliğan yaşlar iҗtimaiy torlarniŋ çaŋgilidin çiqalmay qaldi.
QҖ Prezidenti N.Nazarbaevniŋ «Tuğan jer»، «Ruhani jaŋğıru» programmiliri yeza yaşliriniŋ ana juti üçün tär tšküşigä käŋ yol açti. Buniŋdin biraz vaqit ilgiri yaşlar iş izdäp, şähärgä kätkän bolsa, hazir ähval šzgärdi. Yezilardiki yaş hadimlarniŋ tapçilliği hazir problema ämäs. Çünki bügünki yaşlar šzliri tuğulup šskän yerigä qaytip kelip, hizmät qilivatidu. Bu yosunda «Diplom bilän yeziğa» programmisiniŋmu ähmiyiti zor boluvatidu. Uşbu programma arqiliq mähsus käspiy bilimi bar yaşlar šzliri yaşavatqan yezilarda turaqliq işqa orunlişip, turuşluq šy bilän täminlinip, däsläpki yardäm häqqini eliş mümkinçiligigä egä. 2018-jili nahiyädä uşbu programma boyiçä 20 jigit-qizğa byudjettin nesiyä berilsä، ändi 30 yaş hadim däsläpki yardäm häqqini alğan. Şundaqla yaşlar tiҗaritimu qollap-quvätläşkä egä boluvatidu.
Mäktäptä puhta bilim elip, bälgülük säväplär bilän oquşqa çüşälmäy qalğan nahiyä yaşlirini mähsus kurslarda oqutup, mutähässislik egilişimu šz däriҗisidä ämälgä eşivatidu. Ular nahiyälik İş bilän täminläş vä iҗtimaiy programmilar bšlümi täripidin uyuşturuluvatqan «Qayta täyyarlaş kursliri» programmisi boyiçä tähsil kšrüvatidu.
Dšlät rähbiri dayim bizgä bolğan zor işänçisini bildürmäktä. «Biyilqi jilni “Yaşlar jili” däp elan qilinişiniŋ säväpliri kšp. Yaşlarni qollaşniŋ addiy yollirini tepişimiz lazim. Ularniŋ ehtiyaҗlirini hesapqa elip, šsüşigä şarait yaritişimiz keräk. Bügün yaşlarğa süpätlik bilim, iş، baş-pana vä ailä quruşqa imkaniyätlär haҗät» däp täkitlidi Prezident. Demäk, biz, yaşlar, nurğunliğan izgü işlarni ämälgä aşuruşimiz keräk, däp oylaymän vä nahiyälik Yaşlar resursluq märkiziniŋ räisi süpitidä täŋtuşlirimdinmu şuni täläp qilimän.
Yaşlarğa biyil dšlät programmiliri boyiçä oquşqa, işqa orunlişişqa, šz tiҗaritini eçişqa mümkinçiliklär kšpläp berilmäktä. Biz şu mümkinçiliklärdin orunluq paydilinip, tarihiy orunlarğa säyahätlärni uyuşturup, milliy qädriyätlimizni tärğibat qilip, milliy oyunlar boyiçä musabiqilarni štküzüşni qolğa almaqçimiz.
Nahiyä yaşliri qiçä härhil sahalar boyiçä paaliyätçanliq kšrsitip kelivatidu. Mäsilän, җumhuriyätlik «Jetisu aymaqtıq ligası» oyunliriğa ikki komandimiz, vilayätlik «Jürekten jürekke» bayqişiğa ikki komandimiz qatnişip, mukapatliq orunlardin kšründi. Almuta vilayiti hakiminiŋ mukapiti üçün štidiğan än°äniviy «Kšşbasşı-2018» konkursida yaş dohtur Azamat Äubäkirov ğalip çiqti. Moşu vä başqimu utuqlirimiz tüpäyli bäş jil mabaynida vilayättiki ilğar nahiyälärniŋ biri bolup kelivatimiz. Älvättä، biz bu utuqlarğa çoŋ ävlatniŋ bizni qollap-quvätlişi tüpäyli qol yätküzüvatimiz. Ämgäkçiqazaqliq yaşlarniŋ utuqliri moşuniŋ bilän tohtap qalmaydu, älvättä. Keläçäktä başqimu yeŋiliqlirimiz bilän tehi talay hoşal qilimiz, däp vädä berimiz! Çünki bizniŋ mähsitimiz – härtäräplimä bilim elip, Vätän üçün ämgäk qiliş، milliy qädriyätlärni tärğibat qiliş.

Ämgäkçiqazaq nahiyäsi.

Bälüşüş

Javap qalduruŋ