«Mäktäp bizniŋ ikkinçi šyümiz» – däydu bästikar Selimahun Zäynalovniŋ räpiqisi Lena hädä

0
121 ret oqıldı

Bähtişat SOPİEV,
«Uyğur avazi»

«Uyğurum», «Säzmidim», «Turnilar» vä başqimu ammibap nahşilarniŋ muällipliri bolğan ataqliq şair, akademik Mahmut Abdrahmanov bilän bästikar Selimahun Zäynalovniŋ isimliri milliy mädäniyitimiz tarihiğa altun häriplär bilän yezilğan desäk, hatalaşmaymiz. Biri mätinni yazsa, yänä biri ahaŋni yazatti. Billä iҗra qilatti. Qisqisi, här ikkilisi käynidin šçmäs iz qaldurdi. Selimahun akiniŋ räpiqisi Lena hädiniŋ eytişiçä, ular qädinas dostla ämäs, hätta qerindaşlardäk bolup kätkän. Ağinilär yerim kün bir-birini kšrmisä izdişip, šylirigä yetip kelättekän. Beşi qoşulup qalsila, yänä şu millätniŋ gepi. Bolupmu milliy mäktäplärniŋ gepi qozğalğidäk bolsa, Selimahun aka: «addiy häliqqä, biz, ziyalilar, ülgä kšrsitip berişimiz keräk. Şu vaqitta häliqniŋ milliy mäktäplärgä bolğan işänçisi küçiyidu vä balilirini šz ana tilida oqutidu» däp zarlattekän. Lena hädä Selimahun aka bilän štkän künlärni seğiniş ilkidä tilğa aldi.
– Akaŋlar ikkimiz Uyğur nahiyäsiniŋ Ğalҗat yezisida tonuşup qalğan, – däydu u. – U yaq tarihiy Vätinimizdin kšçüp çiqip, Çonҗida «Arzu» ansamblida işlävatqan ekän. Bir küni ular oyun qoyup, bizniŋ yeziğa çiqidu. Artistlarniŋ kšpçiligi bizniŋ šygä tohtidi. Şu vaqitta ikkimiz tonuşup qelip, kšp štmäy šyländuq. Çoŋ qizimiz Gülbostanğa tšrt ay bolğanda Almutiğa kšçüp kälduq. Şähärniŋ šzigä orunlişidiğan pursätlär kšp boldi. Amma, nemişkidu, akaŋlar moşu hazirqi «Dostluq», ilgärki «Drujba» mähällisini tallavaldi. U biraz vaqit «Drujbidiki» Mädäniyät šyigä rähbärlik qildidä, andin şu yezidiki uyğur ottura mäktivigä (hazirqi Abdulla Rozibaqiev namidiki mäktäp-gimnaziya) nahşa pänidin muällim bolup orunlaşti. Mänmu mäzkür bilim därgahida kitaphanida işlidim. Һär ikkilimiz şu yärdin pensiyagä çiqtuq. Bäş bala tepip, qatarğa qoştuq. Һämmisi şu yärdä oqudi. On toqquz nävrimiz mana şu uyğur mäktäp-gimnaziyaniŋ bosuğisini atlap kirdi. Kšpçiligi uçum bolup, hayattin šz ornini tapti. U yärdä štkän baş qoşuşlarniŋ turaqliq mehmini bolup turimän. Һärdayim meniŋ däydiğinim: «Bu mäktäp – bizniŋ ikkinçi šyümiz». Buni män alahidä pähirliniş ilkidä tilğa alimän. Uyğur mäktividä bilim alğan bäş nävrimiz bovisiniŋ izini besip, sän°ät yolida ketip baridu. Tayirҗan, Һakimҗan, Ramil, Gülsänäm, Bähtiyar aldi bilän Çaykovskiy namidiki muzıkiliq kolledjni, andin Qurmanğazı namidiki konservatoriyani tamamlidi. Barliği šz käspi boyiçä işlävatidu. Һakimҗan bilän Tayirҗan dutar bilän tämbirni elip çalğanda bovisi yadimğa çüşüp ketidu. Bovisi ularni päqät ana tilida sšzläşkä dävät qilatti. Bäzidä qattiq täläp qilidiğan. Bir nävrimiz bilän mundaq qiziq vaqiä yadimğa çüşüvatidu. U kädimkidäkla çoŋ bolup qalsa keräk, ätimalim. Bir eğiz rusçä bilmätti. Qizimizniŋ dadisiğa ränҗip: «Şähärdä turup rus tilini bilmigini nemisi» degini helimu yadimda. Ailidä atiniŋ tälivi şundaq boldi. Mundaq milliy tärbiyä, älvättä, yahşi nätiҗä berivatidu. Bügünki kündä ikki çävräm ana tilida, yänä şu šzimizniŋ ikkinçi šyigä aylanğan bilim därgahida oquvatidu. Aminäm, İmran isimliq nävrilirim mäktäp-gimnaziyadiki sän°ät šmiginiŋ äzaliri. Biri nahşa eytsa, ikkinçisi ussul oynaydu. Bovisiniŋ armini şu edi…

Bälüşüş

Javap qalduruŋ