«Bilim — yoruqluq, yorutqay seni»

0
95 ret oqıldı

Mäşür SASİQOV,
«Uyğur avazi»

Ötkän şänbä küni Talğir nahiyäsiniŋ Qizil Ğäyrät yezisidiki 19-mäktäp-gimnaziyadä «Beybitşilik älemi» häliqara qazaq iҗadiy ziyalilar birläşmisiniŋ täşäbbusi, җumhuriyätlik Uyğur etnomädäniyät märkizi vä mäktäp mämuriyitiniŋ qollap-quvätlişi bilän mutäpäkkür alim Yüsüp Has Һaҗipniŋ 1000 jilliğiğa beğişlanğan ädäbiy käç bolup štti. Käçni uyğur tili vä ädäbiyati pänliriniŋ muällimliri Diläräm Malikova bilän Zarina Abdullaeva uyuşturdi.
Mäktäp-gimnaziyaniŋ mäҗlislär zalidiki sähniniŋ milliy rohta bezälgänligi käç mehmanlirini birdinla šzigä җälip qilip, ularda çoŋqur täsirat qaldurdi.
«Äqildur çiraqtäk qaraŋğu tüni,
Bilim – yoruqluq, yorutqay seni»
degän alimniŋ sähnidiki sšzliriniŋ šzi bügün bu yärdä tolimu ähmiyätlik çarä-tädbir štidiğanliğidin dalalät berip turatti.
Käç riyasätçiliri uniŋ mehmanlirini tonuşturğandin keyin, oquğuçilar büyük şairniŋ äsärliridin üzündilärni oqup, kšpçilikniŋ alqişiğa sazavär boldi.
Täkitläş keräkki, ularniŋ äynä şu şeirlarni qazaq, rus, türk vä ingliz tillirida oquğanliği hämmini qayil qildi. Bolupmu 6-sinip oquğuçiliriniŋ Yüsüp Has Һaҗipniŋ «Qutadğu biliktin» elinğan sähnä kšrünüşi tamaşibinlar qälbidä çoŋqur täsirat qaldurdi. Buniŋdin taşqiri, oquğuçilar şairniŋ ädäp-ählaq, bala tärbiyisi vä filosofiyalik kšzqaraşliri toğriliqmu kšpçilikkä ätrapliq çüşänçä bärdi. Mäsilän, bu җähättin Änvär İminov, Näzär Mäŋsürov, Furqät Yarmuhämätov, Aişa Qurbanova, Yasmina Bavdinova vä Dildara Sabirovaniŋ käçkä җiddiy täyyarliq kšrgänligini bayqaveliş täs ämäs edi.
Milliy maarip җankšyärliriniŋ täşäbbusi tüpäyli ämälgä aşurulğan mäzkür çarä-tädbir davamida şu närsä eniq bolduki, yaş ävlat väkillirini “bilim elişqa yaki tarihimiz bilän mädäniyitimizgä qiziqmaydu”, degän pikirlärniŋ bäzi päytlärdä orunsiz ekänligigä kšz yätküzduq. Çünki bu küni başqilar aldida işäşlik halda pähirlinidiğan dana şairimizniŋ iҗadiyitini çoŋqur üginip, uniŋdin šzlirigä paydiliq närsilärni alğanliği sšzümizgä ispat bolalaydu. Älvättä, bu yärdä ustazlar äҗriniŋ nurğun ekänligi şübhisiz. Şuŋlaşqa käçniŋ utuqluq štüşigä barliq küç-ğäyriti bilän täҗribisini särip qilğan muällimlär Saniyäm Һaşimova, Bibinur İbragimova, Diläräm Malikova, Zarina Abdullaeva, Muniräm Nizamudinova vä Gülbanum Razievaniŋ ämgigini bahalaş orunluqtur.
Käç davamida «Beybitşilik älemi» häliqara iҗadiy ziyalilar birläşmisiniŋ rähbärliri bügünki çarä-tädbirniŋ juquri däriҗidä uyuşturğanliğini tilğa elip, oquğuçilar bilän muällimlärni «Yüsüp Has Һajipniŋ 1000 jilliği» bälgüsi häm diplomlar bilän mukapatlidi. Andin Talğir nahiyälik Uyğur etnomädäniyät märkiziniŋ räisi İminҗan Tohtahunov başliğan ҖUEMniŋ byuro äzaliri uşbu çarä-tädbirniŋ štküzülüşigä türtkä bolğan «Beybitşilik älemi» häliqara qazaq iҗadiy ziyalilar birläşmisiniŋ (prezidenti Ä.Nuğmanov) äzalirini, ustazlardin D.Malikova bilän Z.Abdullaevani ҖUEMniŋ Pähriy yarliqliri bilän täğdirlidi.

Bälüşüş

Javap qalduruŋ