Qazaqstanniŋ yeŋi isimliri

0
303 ret oqıldı

Nursultan Nazarbaev “Qazaqstanniŋ 100 yeŋi ismi” layihisiniŋ qatnaşquçiliri bilän uçraşti.
“Qazaqstanniŋ 100 yeŋi ismi” layihisi Dšlät rähbiriniŋ “Keläçäkkä nişan: mäniviy yeŋiliniş” maqalisida otturiğa qoyulup, “Ruhani jaŋğıru” miqiyasliq programmisiniŋ bir qismiğa aylandi. Uniŋ ideyasi šz utuq-muvappäqiyätliri, talanti vä ämgigi bilän zamaniviy Qazaqstanni vuҗutqa kältürüvatqan qazaqstanliqlarni tonuşturuştin ibarät.
Layihiniŋ birinçi basquçi 2017-jilğa toğra käldi. Konkurs şundaq utuqluq šttiki, uni turaqliq štküzüş qarar qilindi.
İkkinçi basquçqa qatnişiş üçün 2 388 buyrutma berilip, ekspertlar topi 200 finalistni tallavaldi. Ular paaliyätniŋ türlük sahaliriniŋ väkilliri – pedagoglar, dohturlar, alimlar, sportçilar, artistlar, käşpiyatçilar, җämiyät ärbapliri… Bevasitä ğaliplarni qazaqstanliqlar oçuq onlayn avaz beriş arqiliq eniqlidi. Şundaq qilip, “Qazaqstanniŋ yänä yeŋi 29 ismi” – “millätniŋ altun fondiğa” kirişkä munasip talantliq şähslär – tallavelindi.
“Qazmedia ortalığıda” štkän uçrişiş davamida Dšlät rähbiri layihiniŋ ikkinçi basquçi qatnaşquçiliriniŋ utuqliri bilän täpsiliy tonuşti.
Nursultan Nazarbaev šz sšzidä Qazaqstanniŋ dšlätçiligini vä suverenitetini mustähkämläş üçün yaşlarniŋ iqtidarini ämälgä aşuruşniŋ muhim ekänligini alahidä täkitlidi.
– Silär – Mustäqillik pärzäntliri. Biz äҗdatlirimizniŋ arminini ämälgä aşurğan ävlat bolup hesaplinimiz. Ändi silärniŋ vaqtiŋlar käldi. Buni untumasliğiŋlar keräk, – däp täkitlidi Prezident.
Dšlät rähbiri mustäqil Qazaqstanniŋ – teçliqsšyär dšlätniŋ, duniyaviy birläşminiŋ hšrmätkä egä äzasiniŋ şäkilliniş tarihiğa tohtaldi. Җumhuriyättiki turaqliqliq vä җämiyättiki razimänlik – barliq yšnilişlärdä täräqqiy etiş üçün muhim şarait.
Nursultan Nazarbaev yaşlarni ilgirilitiş üçün eçilivatqan imkaniyätlär toğriliq sšzläp bärdi. Elimiz pänini vä bilim beriş sahasini täräqqiy ätküzüş sür°itini saqlap qelişniŋ häm tehimu küçäytişniŋ muhim ekänligini täkitlidi.
– Sün°iy intellekt, ähbarat tehnologiyasi, bioinjeneriya, nanotehnologiya – moşu barliq innovatsiyalär bizniŋ ilgirilişimizgä yardäm qilidu. Şuŋlaşqimu EKSPO-2017 kšrgäzmisi pavil'onliriniŋ biridä biz startap-layihilär üçün yeŋi laboratoriyalärni açtuq, – dedi Dšlät rähbiri.
Prezident layihä ğalipliriniŋ utuqqa yetiş tarihidin täsirlängänligini täkitlidi. Uçrişişta ularniŋ päqät ayrimlirila sšzgä çiqti, amma härbiriniŋ – päqät ğaliplarniŋla ämäs, bälki barliq qatnaşquçilarniŋ – muvappäqiyiti alahidä diqqätkä sazavär vä Qazaqstan üçün ähmiyätlik bolup hesaplinidu.
Dšlät rähbiriniŋ täkitlişiçä, “yeŋi isimlar” maŋğan yol – bu uluq adämlärgä munasip yol. Ularniŋ härbiri eğirçiliqlardin qorqmay vä şähsiy häm käspiy җähättin šsüş üçün moҗut barliq imkaniyätlärdin paydilanğan halda šz utuğiğa tirişqan halda vä işäşlik maŋdi. Qazaqstan Prezidentimu mämlikätniŋ barliq yaşlirini näq şuniŋğa çaqirdi.
– Һämmä närsä adämgä, uniŋ intilişiğa bağliq. Biz mähsätkä yetiş üçün arman qilişimiz häm härikät qilişimiz keräk. Mäzkür layihiniŋ qatnaşçiliri šsüvatqan ävlat üçün ülgä bolup hesaplinidu. Silär šz nätiҗiliriŋlar bilän hayatta hämmä närsini qolğa kältürüşkä bolidiğanliğini kšrsitivatisilär, – dedi Nursultan Nazarbaev.
Prezident layihä qatnaşquçiliri bilän bolğan uçrişişta mämlikät keläçigi – bu bilimlik adämlärniŋ keläçigi ekänligini täkitlidi. Biraq şuniŋ bilän bir vaqitta bilim vä diplomniŋ šzlük mähsät bolmasliği keräkligini atap kšrsätti. Birinçi novättä šzäŋni qiziqturidiğan işni tepip, tallavalğan sahada äŋ yahşi boluş üçün mümkin bolğan hämmä närsini qiliş muhim – äynä şundaq yol bilän maddiy paravänlikkila ämäs, bälki şähsiy bähitkimu yetişkä bolidu.
Nursultan Nazarbaev šziniŋ tärҗimihali toğriliqmu äslitip štti: avuldiki kämbäğäl ailä, uruştin keyinki eğir jillardiki baliliq çağ, metallurg bolup işläş… Moşuniŋ hämmisi – säyasiy mänsäp başlanğiçä bolğan vä çättin heçqandaq yardäm bolmiğan.
– Prezident bolimän däp heçqaçan oylimiğan. Biraq nemä bilän şuğullanmay, härqaçan šz işimni vijdanliq orunlaşqa tiriştim, – däp täkitlidi Dšlät rähbiri. – Silärni tiŋşiğanda härbiriŋlar şundaq başliğan, däp oylidim.
Prezident uniŋdin taşqiri dšlät paytähti Astananiŋ quruluş tarihi toğriliq täpsiliy sšzläp bärdi.
– Paytäht – bu hämmidin aval adämlär. Bu yärdä nätiҗidarliq meditsina klasteri, äҗayip opera teatri, nadir sport kompleksliri vuҗutqa kältürüldi. Paytäht täräqqiyatiniŋ däriҗisi vä uniŋ turğunliriniŋ turmuş süpiti šsüvatidu, – dedi Dšlät rähbiri.
Uniŋdin taşqiri Nursultan Nazarbaev paaliyätçan yaşlarniŋ mämlikät täräqqiyatidiki rolini tilğa aldi. Dšlät rähbiri bu yosunda “Qazaqstanniŋ 100 yeŋi ismi” layihisiniŋ ğalipliri utuqliriniŋ tarihiğa diqqät ağdurup, pütkül mämlikätniŋ bähitlik keläçiginiŋ eniq adämlärniŋ eniq utuqliridin qeliplişidiğanliğini täkitlidi.
– Silärniŋ härqaysiŋlar Qazaqstanniŋ keläçigigä šz hässäŋlarni qoşuvatisilär. Keläçigimiz bilimlik, šzigä işäşlik, birnäççä tilni šzläştürgän adämlärniŋ qolida. Buniŋ üçün silärdä barliq imkaniyätlär bar, – däp täkitlidi Prezident.
Dšlät rähbiri şundaqla milliy ihtisatni täräqqiy ätküzüş vä šsüş üçün yeŋi mänbälärni vuҗutqa kältürüş boyiçä kšrülüvatqan çarilärgä tohtaldi.
– Ägär biz paydiliq qezilmilarğila ümüt qilsaq, mäbläğsiz qalimiz. Şuŋlaşqa biz mämlikätni industriyaläştürüş җäriyanini başliduq, bu bolsa, bizgä yeŋi ihtisatni vuҗutqa kältürüşkä yardäm qilidu. Altä jilda 1 200 zavod vä fabrika işqa qoşuldi. Biz bu işni davamlaşturuvatimiz, – dedi Nursultan Nazarbaev.
Prezident şundaqla yeza egiligi sahasini täräqqiy ätküzüşniŋ, pän iqtidarini vä tehnologiyalik täräqqiyat utuqlirini paydilinişniŋ muhim ekänligigä diqqät ağdurdi. U yaşlarni moşu җäriyanğa qoşuluşqa çaqirdi.
– Arman qiliŋlar, işläŋlar, biz, dšlät bolsa, silärgä yardäm qilimiz! Silärniŋ innovatsiyaliriŋlar işläpçiqirişqa җariy qilinidu, şundaq qilip, Qazaqstanni täräqqiy ätküzidu. Män mämlikitimizniŋ duniyadiki äŋ täräqqiy ätkän mämlikätlärniŋ biri boluşini halaymän. Һämmä närsiniŋ asasi – ämgäktä. Ämgäk arqiliq yätkän utuq-muvappäqiyät adämni bähitkä bšläydu, – dedi Dšlät rähbiri.
Ahirida Nursultan Nazarbaev layihä qatnaşquçiliriğa minnätdarliq bildürdi.
– Keliŋlar här jili uçrişayli. Layihä “100 yeŋi isim” däp atilidu, biraq ular miŋlap vä millionlap bolsun. Rähmät! Män silär bilän bolğan uçrişiştin qanaät hasil qildim, – däp täkitlidi Prezident.
“Qazaqstanniŋ 100 yeŋi ismi” layihisiniŋ ikkinçi basquçiniŋ ğalipliri Prezident bilän bolğan uçrişişta šzliriniŋ utuqqa yetiş tarihi bilän ortaqlaşti.
Uçrişiş ahirida layihä qatnaşquçiliri Qazaqstan Prezidenti bilän räsimgä çüşti.
***
Şu närsä diqqätkä sazavärki, “Qazaqstanniŋ 100 yeŋi ismi” layihisiniŋ ikkinçi basquçiğa qatnişip, ğalip çiqqanlarniŋ arisida uyğur pärzändi Suhrab Äbäydullamoğli Җapparovmu bar. U Almuta şähiridiki 5-şähärlik klinikiliq ağriqhanisida iŋäk-üz hirurgi bolup işläydu, meditsina pänliriniŋ namziti. Suhrab Äbäydullamoğli asasiy işidin taşqiri, şundaqla җämiyätlik paaliyät bilänmu şuğullinip kelivatqan yaşlirimizniŋ biri. Mäsilän, u Qazaqstan Җumhuriyiti Tunҗa Prezidenti –­ Millät Lideri fondiniŋ İlim-pän boyiçä keŋişi räisiniŋ orunbasari.
Biz Suhrab Äbäydullamoğlini uşbu utuği bilän sämimiy täbrikläp, paaliyitigä muvappäqiyätlär tiläymiz.

Bälüşüş

Javap qalduruŋ