«Ata-anam bilän «Uyğur avazidin» çäksiz razimän»

0
151 ret oqıldı

Bähtişat SOPİEV,
«Uyğur avazi»

Minnätdarliq küni harpisida җumhuriyätlik Uyğur etnomädäniyät märkizi Almuta şähärlik şšbisiniŋ, şundaqla Medev nahiyälik Uyğur etnomädäniyät märkiziniŋ uyuşturuşi bilän Gornıy Gigant mähällisidiki «Dilnaz» kafesida mäzkür nahiyädä istiqamät qilidiğan uyğur yaşliri bir top uyğur ziyaliliri bilän uçraşti.
ҖUEMniŋ Almuta şähärlik şšbisi räisiniŋ orunbasari Sabit haҗim Yüsüpov uçrişiş tizginini qoliğa elip, mehmanlarni yaşlarğa tonuşturdi. Mehmanlarniŋ hahişi bilän däsläpki sšz sahiphanlarğa, yäni yaşlarğa berildi.
Medev nahiyälik Uyğur etnomädäniyät märkiziniŋ räisi Niҗat Qaraev gornıygigantliq uyğur yaşliri täripidin ämälgä aşuruluvatqan işlarğa tohtilip, qimmät vaqtini bšlüp, yaşlar bilän uçrişişqa kälgän yazğuçi Ähmätҗan Һaşiri, alim Şeripҗan Nadirov, yazğuçi İsmayilҗan İminovqa šzliriniŋ minnätdarliğini izhar qildi.
– Bu akilirimizni ilgiri gezit yaki kitaplardin oqup jürgän bolsaq, bügün ular bilän üzmu-üz kšrüşüş imkaniyitigä egä bolduq, – dedi Niҗat Qaraev. – Biz «jitim» ämäs ekän, buniŋdin keyin härqandaq işni silärniŋ mäslihitiŋlar bilän ämälgä aşurimiz. Ötkän jili biz «Uyğur avaziniŋ» muştirilar sanini kšpäytişkä küç çiqarduq. Başqa işlarğimu härqaçan täyyar.
Mehmanlardin yazğuçi-dramaturg, Qazaqstanniŋ hizmät kšrsätkän ärbabi Ähmätҗan Һaşiri yaşlarni kitap oquşqa çaqirsa, geografiya pänliriniŋ doktori Şeripҗan Nadirov ularğa äŋ aldi bilän puhta bilim eliş haҗätligini çüşändürdi.
Säyahätçi-yazğuçi İsmayilҗan İminov ana tilini qädirläşkä dävät qildi.
– Meniŋ täğdirim šzgiçä, heçkimniŋkigä ohşimaydu, – dedi yaşlarğa İsmayilҗan İminov. – Män rus mäktividä oqudum. Vaqit štüp, birnäççä jil şu mäktäpkä mudirliq qildim. Ällik yaştin keyin qolumğa qäläm elip, iҗadiyät bilän şuğullinivatimän. Rusçä yazimän. Amma ana tilimni untuğinim yoq. Bu yärdä meniŋ ata-anam bilän ilgärki «Kommunizm tuği», hazirqi «Uyğur avazi» gezitiğa minnätdarliğim çäksiz.
Äynä şundaq illiq inkaslar bilän davamlaşqan uçrişişta җumhuriyätlik “Uyğur avazi” gezitiniŋ baş muhärriri Erşat Äsmätov gezit tariliminiŋ kšpiyişigä munasip ülüş qoşqan bir top gornıygigantliq yaşlarni «Uyğur avazi» gezitiniŋ Pähriy yarliqliri bilän täğdirlidi.

Bälüşüş

Javap qalduruŋ