Baharda yaŋriğan yeŋi nahşilar

0
116 ret oqıldı

Yoruq duniyağa ändila kšz açqan säbimu hayat bosuğisiğa šzigä has «nahşisi» bilän atlaydekän. Şuŋlaşqa härbir insanniŋ qälbidä tuğuluşidinla «jüräk küyi» yaŋrap turidu. Näq şu jürigimizniŋ avazi, arzu-arman, ümüt, muhäbbät vä škünüş, puşaymanlirimizniŋ izhari – nahşa bolup yaŋraydu. İçki duniyamizda saqlavatqan sirlirimizniŋ açquçini nahşidin izdäymiz. Ümüt uçqunini nahşa yalqunlitidu. Nahşa insanğa mäniviy küç-quvät beridu.
Kšpçiligimizniŋ näzäridä nahşa-saz şatliqniŋ, hoşalliqniŋ rämzi süpitidä qobul qilinidu. Amma hälqimiz äŋ eğir däqiqilärdimu šziniŋ muŋ-muhtaҗini nahşa arqiliq izhar qilğan. Nahşini qälb küyi, jüräk sadasi yaki mäniviy halitimizniŋ bayanati däp qobul qilsaq bolidu.
Bügünki alämşumullaşturuş dävridä, mäzmunidin rohlinidiğan, häqiqiy mänasida mäniviy ozuq alidiğan yeŋi-yeŋi nahşilarğa ehtiyaҗimiz bar ekänligini hämmimiz yahşi bilimiz. Äynä şundaq kšpçilikniŋ qälbidin mäkkäm orun alğan nahşilarni royapqa çiqirip, hälqimizniŋ hšrmät-ehtiramiğa erişkän yaşlirimizniŋ arisida bästikar kompozitorlirimiz, nahşiçilirimiz vä sän°ätkarlirimizniŋ boluşi — milliy sän°itimizniŋ kälgüsigä kapalätlik beridu.
Yeqinda Almutidiki Studentlar sariyida näççä jildin beri hälqimizniŋ izzät-ehtiramiğa erişip, kšŋlidin çiqip kelivatqan «Yaŋra, nahşam» layihisiniŋ novättiki kontserti bolup štti. Mäzkür layihiniŋ muällipi, «Artur production» prodyuserliq märkiziniŋ mudiri Artur İlahunovniŋ rähbärligidä štküzülgän nahşa keçiliginiŋ mäniviy qanaätliniş hasil qilğan tamaşibinniŋ hatirisidä uzaq saqlinidiğanliğida şäk-şübhä yoq. Kontsertniŋ stsenariy muällipi häm rejisseri Äziz Säyptullaniŋ az äҗir siŋdürmigänligi, sähnigä kštirilgän yaş iҗraçilarniŋ çoŋ täyyarliqlar bilän kälgänligi eniq bayqaldi. Kontsert «dutar şahi» Abdurehim Heytniŋ «Vijdan» nahşisi bilän eçildi. Firuza Җalalova, Mehrat Rähmätҗan, Adilҗan Hemitov (Adil qari), Seyitҗan Zayitov, Al'bina Ämätovaniŋ iҗrasida yaŋriğan nahşilar tamaşibin qälbidin orun aldi. Talant egiliri Alimҗan Bavdinov, Bähitҗan Savurҗanov, Rahman Muhpulov, Murat Äysarov, Dilşat Zakirniŋ orunlişidiki etyudlarmu kšpçilikkä huş käypiyat beğişlidi.
Kontsertta Taşgül Heziyarova, Artur İlahunov, Rizaydin Seyitov, İl'yar Mäşürov, Sülfi Mäşräpov, Kommunar Tursunov, Al'bina Ämätova muällipligidä yezilğan yeŋi nahşilarniŋ duniyağa kälgänliginiŋ guvaçisi bolduq.
«Yaŋra, nahşam» kontserti Artur İlahunovniŋ iҗrasida šziniŋ «Kšk bšrä» nahşisi bilän ayaqlaşti.
Rumiläm ҖÄRİPOVA.

Bälüşüş

Javap qalduruŋ