Oti šçmigän gülhan

0
68 ret oqıldı

Yeŋi jil harpisida Çeläk yezisida yaşaydiğan jutdişim Älişer Sabirovni uçritip qaldim.
– Män Ğäyrät yezisiniŋ nenini yäp, süyini içip çoŋ boldum. Başqilar qatarida mänmu şu jut üçün birär yahşiliq qilsam, degän arminim bar. Şuŋlaşqa biyilqi Yeŋijilliq gülhanni štküzüşni hšddämgä alsam, – degän šziniŋ hahişini bildürdi. Däsläp jutdişimizniŋ bu iltimasiğa bäzilär guman bilän qariğan edi…
Äsli Älişer Sabirov 1985-jili Malivay yezisida tuğulğan. Az vaqit štüp dadisi Säypullam Sabirovniŋ iş babi tüpäyli ularniŋ ailisi Ğäyrätkä kšçüp baridu. Mäzkür juttiki İ.Sattarov namidiki ottura mäktäpni tamamliğan Älişer 2002-jili җänubiy paytähtimizdiki Qazaq avtomobil' yolliri akademiyasiniŋ tšmüryol fakul'tetiğa oquşqa çüşidu. 2005-jili täğdir ularniŋ ailisini Çeläkkä taşlaydu. Aliy oquş ornini äla pütärgän Älişer 2009-jili Çeläktä tehnikiliq hizmät kšrsitiş märkizini açidu vä yeza hälqiniŋ, hätta hoşna yezilardin kelidiğan kişilärniŋ tehnikisiğa hizmät kšrsitip, ularniŋ kšŋlidin çiqişqa başlaydu.
Künlär äşundaq sirğip štüveridu. Amma «Därt kälsä, qoşlap kelidu» demäkçi, Älişer Çeläktiki işini rätkä kältürüp qoyup, şuniŋ bilän qatar Almutida işlävatqan bir päyttä uni rähbärlik Moskvağa komandirovkiğa ävätidu. U yaqtin kelip, Älişer Ğäyrät yezisida štüvatqan yeŋijilliq gülhanğa qatnişidu. Keçisi Çeläktin Älişerniŋ STOniŋ işikliri oçuq turğanliği toğrisida hävär kelidu. U keçiläp Çeläkkä qarap yolğa çiqidu. Säpärdin keyin ikki kün uda uyqa kšrmigänligi yaki çarçiğanliği üçünmekin Qizilşäriq yezisidin štüpla kšzi ilinip ketip, yol-transport halakitigä uçraydu.
Uniŋğa Çeläk dohturhanisida käyni-käynidin ikki qetim operatsiya qilidu. Dohturlarniŋ kšp küç çiqirişi tüpäyli Älişer aman qalidu. Lekin aqhalatliqlar uniŋ oltirişiğa häm turup meŋişiğa ümüt yoqluğini eytidu. Şu çağda u kšrär küniniŋ aldida ekänligini sezidu.
Uni az degändäk, Älişer dohturhanidin ändila tüzilip çiqişiğa dadisi Säypullam akimu yol halakitidin qaza bolidu. Atisiniŋ namiziğa qatnişalmiğan Älişerniŋ därdi päqät šzigila ayan edi. Lekin u barliq därdini içigä jutup, hämmigä bärdaşliq berip, sävirlikni birinçi orunğa qoydi. «Sävirlik tüvi – altun» degini moşu bolsa keräk.
Hudayimniŋ qudritimu yaki bir täräptin šziniŋ keçä-kündüz tirişçanliği bilän üzlüksiz mäşiqlärniŋ nätiҗisimu, äytävir, Älişer päydin-päy oltirişqa başlaydu. «Keläçäkni kšzligän – yetär muratqa» demäkçi, Älişer eğir halätkä çüşüp qalğini bilän künini bekar štküzüşni halimidi. Tirik adämniŋ tirikçilik qilişi keräk ämäsmu?! Älişermu bir ailiniŋ egisi bolğaçqa, pärzäntliriniŋ ğemini qilip, birär işniŋ peşini tutuşqa bäl bağlaydu. Däsläp u šyidä tonuş-bilişliriniŋ arqisida avtomobil'larni ğämsizländürüş agentliğini açidu. Andin komp'yuter setivelip, zamaniviy programmilarni üginip, vizitka, täklipnamä yasap satidu. Bir jil içidä işi biraz yolğa qoyulğandin keyin zamaniviy idarä salidu. Paaliyitini käŋäytiş mähsitidä banktin biraz nesiyä elip, videokamera, fotoapparat häm muzıkiliq apparatlarni setivalidu. Özi bolsa, videosähipiligüçi käspini üginidu. Bügünki kündä «SABİR STUDİO» märkizini täşkil qilip, härqandaq toy-tškün, märikilärni videoğa çüşirip, heridarlarniŋ kšŋlidin çiqmaqta. Һazir uniŋ qarimiğida 6 jigit işläydu. Uniŋ ämgäksšygüçlügini vä yetivatqan utuqlirini inavätkä alğan boluş keräk, mümkinçiligi çäklängän yaşlarni qollaş mähsitidä täşkil qilinğan «Sabi» fondi šzliriniŋ imtiyazliri boyiçä bälgülängän hiraҗätni yeŋivelişqa beğişlanğan konkursqa Älişerniŋ qatnişişiğa mümkinçilik bärgän. Bu konkursta Älişer bälgülük orunlarğa erişidiğanliğiğa ümüt qilidu. Sävävi, u barliq küç-ğäyritini, bilim-iqtidarini šz işiğa җan-dili bilän särip qilivatidu.
Älişer buniŋdin sirt, milliy çalğu äsvaplirimizdin dutar çelişnimu šzigä ämäk qilivalğan. Öygä kälgän mehmanlarğa ügängän sazlirini çelip, zeriktürmäydu. Çeläk täväsidä štüp turidiğan mädäniy çarä-tädbirlärgimu paal qatnişidu. Öydä anisi Patigül hädä bilän räpiqisi Delora Älişerniŋ ikki qaniti. Qoş pärzändi Sabir bilän Sabrina keläçäk arzusi, ümüti. Akisi Munardin Älişerniŋ eğirini yenik qilip, dayim paypetäk bolup jüridu. Siŋlisi Arzigül – sšyümlük akisiniŋ mädätkari.
…Älişerniŋ ämgäksšygüç vä här işni orunluq atquridiğan jigit ekänligini jutdaşliri yahşi bilidu. Şuŋlaşqimu uniŋ biyilqi Yeŋi jilliq gülhan märikisini štküzüşini yäkdilliq bilän qollap-quvätlidi. Umu bu işniŋ hšddisidin utuqluq çiqti.
– Eğir päytlärdä meniŋ yenimdin tepilğan ailämgä, uruq-tuqqan, qerindaşlirim bilän äl-ağinämgä vä jutdaşlirimğa minnätdarliğim çäksiz. Şu küni yol halakitigä çüşkinimdä, meniŋ hayatim ändi qayğuluq häm qaraŋğuçiliqta štidu, däp oyliğan edim. Amma män silärniŋ qollap-quvätlişiŋlar bilän äl qatarida hatirҗäm yaşavatimän, – däp minnätdarliğini bildürdi Älişer şu küni jutdaşliriğa.
Biyil «Yaşlar jili». Älişerniŋ tirişçanliği, şu җümlidin qilivatqan azdu-tola hizmiti «iş yoq» däp yatqan bäzibir yaşlarğa ülgä-nämunä bolmaqta. Bizmu, šz novitidä, maqalä qährimaniniŋ moşu hildiki hisliti bilän häqliq räviştä pähirlinimiz!

Abdulҗan AZNİBAQİEV.
Ämgäkçiqazaq nahiyäsi.

Bälüşüş

Javap qalduruŋ