Aliy päzilät egisi

0
33 ret oqıldı

Sabiräm ÄNVÄROVA,
«Uyğur avazi»

Seğindurğan baharniŋ däsläpki künliri bilän qatar kelidiğan hanim-qizlar märikisi yeqinlaşqanda aldi bilän anilirimizni täbrikläp, soğa bärgümiz kelidu. Bu novät birdin oyumğa Tamarahan ana Raşitova käldi. Därru telefon nomerini izdäp tepip, hävärläştim. Tamarahan ana namaz vaqti bolup qalğanliğini, birär saatlardin keyin šyidä kütidiğanliğini eytti. Kelişkinimizdäk, degän vaqtida šyigä bardim. Teçliq-amanliq soraşqandin keyin, kšŋlümgä püküp jürgän soallirimğa bir-birläp җavap izdidim.
Äslidä, Tamarahan ana Raşitovani sirttin yahşi tonuymän. Uni Çonҗidiki Zakir Minämov koçisi turğunliriniŋ äqil eytar mštiväri, mäslihätçisi desäk hatalaşmaymiz. Päqät holum-hoşniliri arisidila ämäs, jut içidä alahidä hšrmätkä sazavär aq romalliq anilarniŋ biri.
Mäzkür maqalämniŋ baş qährimani bolğan Tamarahan ana 1939-jili Çoŋ Dehan yezisida ustazlar ailisidä duniyağa käldi. Atisi Abdumeҗit, anisi Nurhan. Һär ikkisi muällim bolup işligän ekän. Zamandaşliri qatarliq Tamarahan aniniŋmu baliliği uruş dävriniŋ eğir jilliriğa toğra kälgäçkä, gšdäk päytidä toqçiliqtin kšrä, yoqçiliqni tola kšridu. šsüptu. 1941-jili atisi uruşqa atlinip, täliyigä 1946-jili jutiğa aman-esän qaytip kelidu. Ailisidä 4 pärzänt bolup, Tamarahan ana šyiniŋ ikkinçisi edi.
U zamanlarda ottura mäktäplär sanaqliqla yezilarda bolğaçqa, başlanğuç bilimni Çoŋ Dehanda, 5 – 7-siniplarni Kiçik Dehanda oqup, 10-sinipni Kätmändiki ottura mäktäptä tamamlaydu. Andin Almutidiki kooperativ tehnikumida buhgalter mutähässisligi boyiçä tähsil kšridu. Oquşini pütirip, biraz jil Kiçik Dehanda dukançiliq qilidu. 1960-jili šmürlük yoldişi Märüp İsmayilovqa turmuşqa çiqip, Çonҗiğa kelip orunlişidu.
1960-jildin başlap nahiyälik istimalçilar җämiyitidä buhgalter bolup hizmät qilsa, 1973-jili nahiyälik bankqa yštkilidu. Bank sistemisidiki iş-paaliyiti kassirliqtin başlanğan Tamarahan Raşitovaniŋ käspigä sadiqliği rähbärlik täripidin etivarğa elinip, arida buhgalter, baş buhgalter bolup işläp, 1989-jili «Halıq» bankiniŋ Uyğur nahiyälik şšbisigä rähbär bolup tayinlinidu. Täğdirniŋ yazmişi bilän 1984-jili yoldişi alämdin štidu.
Mustäqillikkä erişip, 1993-jili milliy täŋgimiz küçkä kirip, elimizdiki bank sistemisida çoŋ buruluş yüz bärgänligi hämmimizgä mälum. Därhäqiqät, Tamarahan ana Raşitovaniŋ şu mäzgildä qol astidiki işçilar bilän birliktä bir yaqidin baş, bir yäŋdin qol çiqirip, kün-tün demäy tär tškkänligini nahiyädä heçkimmu yoqqa çiqiralmaydu. 25 jil mabaynida bank sistemisida ämgäk qilğan işbilärmän ana 1997-jili hšrmätlik däm elişqa çiqidu.
Tšrt pärzänt sšygän mehrivan ana baliliriğa durus tälim-tärbiyä berip, ularniŋ jämiyätkä yaramliq şähs bolup yetilip çiqişiğa zämin yaritidu. Bügünki kündä tšrt pärzändi tšrt šyniŋ çiriğini yandurup, härqaysisi šz aldiğa turmuş-tirikçiligi bilän bänt. Oğulliridin – Mämlük polkovnik, Mahmulan – podpolkovnik, yänä kelip, här ikkilisi avğan uruşiğa qatnişip qaytqan. Qizliri ana izi bilän maŋdi. Çoŋ qizi Sänäm – ihtisatçi, kiçik qizi Zohra buhgalter bolup işläydu. Bu künlärdä tšrt balisiniŋ tšridin orun alğan jürgän Tamarahan ana 11 nävrä vä 11 çävrisini bağriğa basqan bähitlik mštivär.
Alla buyrisa, biyil 80 yaşniŋ davaniğa qädäm taşliğili turğan Tamarahan ana Raşitovaniŋ boyida häqiqiy uyğur ayalliriğa has esil hislätlär muҗässämlängän. Siliq-sipayä, kamsšzlük, šy işliriğa pişşiq aqromalliq aniğa mäslihät sorap muraҗiät qilidiğanlar nurğun. Mana şundaq ähvallarda heçkimdin yardimini ayimaydiğan bu mehrivan insanniŋ jut anisi atilip qalğanliğimu rast.

Bälüşüş

Javap qalduruŋ