Uniŋ qälbi – soğulmas mehir buliği

0
52 ret oqıldı

Danişmän ata-bovilirimiz mehrivan, vapadar, iradilik anilarni uluqlap, ular häqqidä ävlatlarğa qimmätlik väz-nesihätlärni eytip qaldurup kätkän ekän: «Җännät aniniŋ ayiği astida», «Һayatliqniŋ äŋ gšzälligi ayallar bilän», «Ana Alladin qalsa, yaratquçi häm qoğduğuçi» vä başqilar.
Därhäqiqät, duniyada anidäk ğämgüzar insan qayda! Ularsiz ailini, alämni täsävvur qiliş mümkin ämäs. Vätän šydin başlansa, äynä şu šyniŋ kšrki, bärikiti, şatliği ana, däp etirap qilinğan.
Uluq rus yazğuçisi N.Ostrovskiy: «Biz bir šmür qärizdar bir insan bar – u ana» däp eytqinidäk, pärzäntlär anilar aldida mäŋgü qärizdar. Şuŋlaşqa Häliqara hanim-qizlar mäyrimi harpisida ğämgüzar animiz toğriliq qisqiçä illiq gäp-tiligimni sšyümlük gezitimiz «Uyğur avazi» arqiliq izhar qilişni šzämniŋ şäräplik pärzäntlik borçum däp his qildim. Çünki nuraniy animiz mäyräm štüp, bir häptidin keyin, yänä moşu jiliniŋ 16-mart küni šziniŋ mubaräk 90 yaşliq tävälludini qarşi alidu. Bumu insan hayatiğa nisbätän şanliq davan, kšrüngängä nesip bolmaydiğan çoŋ hoşalliqtur.
Animiz Häyrinisäm Podçimirova 1929-jili gšzäl Yarkänt şähiridä tuğulğan. Ata-anisi Mirmahmut vä Zäynäpbüvi Podçimirovlar šz zamanisiniŋ savatliq vä aŋliq adämliridin bolğan. Bovimiz hšrmätlik däm elişqa çiqqiçä Panfilov nahiyäliq alaqä idarisidä ästaidil ämgäk qilip, bu sahaniŋ rivaҗlinişiğa munasip ülüşini qoşti. Momimiz mehmandostluği, läzzätlik taamliri bilän alahidä tilğa elinatti. Ular quvnaq ailidä duniyağa kälgän altä pärzändini tärbiyisigä, oquşiğa җiddiy kšŋül bšlüp qatarğa qoşti. Һämmisi inaq, särämҗan, kšyümçan edi.
Otluq vä yeŋiliniş jilliri duniyağa kälgän animizniŋmu beşidin talay-issiq soğ štti. Һämmigä bärdaşliq berip oqudi, turmuşqa pişti. Ottura mäktäpni pütärgändin keyin dostliri ohşaş aliy bilim därgahliriğa atlinip, oqup, ustaz boluş istigimu bar edi. Amma täğdir šz hškümini çiqardidä, keyinki hayati başqiçä yšnilişkä çüşidu. Bu turmuşqa çiqişiğa munasivätlik boldi. Yäni 1949-jili uruş mäydanidin qaytqan Kärim Qasimhanoğli Suf'yanov bilän ailä qurup, kšktalliq bolup ketidu. Oylisam, buniŋğimu biyil 70 jil toluptu. Moşu dävir içidä yultuzliri yaraşqan ikki yahşiniŋ inaq ailisiniŋ huli çayqalğan ämäs, bälki käyni-käynidin duniyağa kälgän moşu qurlarniŋ muällipi, Rehan, Rizvan, Mehray, Abliz, Rimma vä Ğäziz isimliq pärzäntliriniŋ aililiri tüpäyli tehimu mustähkämländi. Çoŋ juttiki äŋ ibrätlik aililär qataridin orun aldi. Animiz šziniŋ eğir-besiq, siliq-sipayiliği, mehmandostluği, šy işiğa äpçil, särämҗanliği bilän sahavätlik Suf'yanovlar ailisigä šz qizidäk çapsan siŋip kätti. Bu yärdä dadimiz toğriliqmu qisqiçä gäp qilişqa toğra kelivatidu.
Kärim Qasimhanoğli ataqliq bay Velivay Yoldaşevniŋ qizi Dürnisihanniŋ oğli. Dadisi, yäni bizniŋ bovimiz Qasimhan Suf'yanov diniy vä päniy җähättin savatliq kişi bolğan šmriniŋ ahirqi jilliri Yarkänt pedtehnikuminiŋ kativi bolup işligän. 1937-jili yüz bärgän dähşätlik ammiviy täqipläş başlanğanda däsläpki künlärdila umu tutqunğa elinip, bayniŋ ävladi üçün soal-soraqsiz ätisila etivetilgän ekän. 1958-jili aqlandi. Ailisidä dadamdin başqa Ablizhan, Paşahan, Ruqiyäm, Abdurehim vä Mutällip isimliq pärzäntliri bolğan.
Dadimiz uzun jillar «Kšktal» sovhozida qoyma, ferma başliği bolup ästaidil ämgäk qilip, egilik ihtisadiniŋ täräqqiyatiğa salmaqliq hässini qoşti. Häliqqä qilğan yahşiliqlirimu az ämäs. Һazir uniŋ izgülük işlirini inilirim davamlaşturuvatidu.
Animizmu biraz vaqit egilik işlirida işlidi, asasän bala tärbiyisi, šy işliri bilän mäşğul boldi. Bumu pütmäydiğan iş. Tirişçan, tetik, işçan animiz hämmigä ülgirätti. Uniŋ üstigä çoŋ šygä kelip-ketivatqan qerindaş, uruq-tuqqan vä mehmanlar az ämäs edi. Animiz hämmisigä layiq hizmät qilip, kšŋlidin çiqip, alqişliriğa erişti. Bolupmu qeyinanisi Durnisahan momimizğa tškkän äҗir-eqidisi alahidä, u yaqni šz anisidinmu artuq hšrmätläp štti.
Dadimiz işqa sähär ketip, käç qaytatti, uni kšrmigän künlirimiz nurğun boldi. Biz asasän animizniŋ tärbiyisidä, ğämhorluğida šstuq, u yaqniŋ mehir-eqidisi tüpäyli hämmimiz aliy bilimlik bolup šzimiz haliğan mutähässisiliklärni elip, qatarğa qoşulduq, aililik bolduq, pärzänt šstürüp, nävrä-çävrä sšyduq. Һazir animizniŋ 33 nävrisi vä 34 çävrisi bar. Һämmisi oqup, šzliri talliğan mutähässisliklärni egiläp, çättin qatarğa qoşuluvatidu.
Nuraniy animiz Häyrinisäm Mirmahmutqizini barçä qerindaş, tuqqanlar namidin şanliq 90 yaşliği bilän çin jürigimdin qizğin täbrikläp, qädirdanimizğa sağlam salamätlik, hatirҗämlik, җimiki yahşiliqlarni tiläymän.
Mästürgül SUF'YaNOVA.

Bälüşüş

Javap qalduruŋ