«Yaşlar jiliğa munasivätlik qandaq täkliviŋiz bar?»

0
87 ret oqıldı

Şämşidin AYuPOV, «Uyğur avazi»

«Biz Qazaqstanniŋ keläçigi hesaplinidiğan yaşlarni qollişimiz lazim. Yaşlarni vä ailä institutini kompleksliq qollap-quvätläş dšlät säyasitiniŋ muhim yšnilişigä aylinişi keräk. Yaşlarniŋ barliq kategoriyalirini qollap-quvätläş çariliriniŋ toluq kompleksini šz içigä alidiğan iҗtimaiy basquçlarniŋ käŋ platformisini vuҗutqa kältürüş zšrür. Kelär jilni “Yaşlar jili” däp elan qilişni täklip qilimän», degän edi Dšlät rähbiri «Qazaqstanliqlar paravänliginiŋ šsüşi: tapavätniŋ vä turmuş süpitiniŋ yahşilinişi» Mäktübidä.
Därväqä, Mustäqillik jilliri Qazaqstanda yeŋi kšzqaraştiki yaş ävlat šsüp yetildi. Elimiz Prezidenti bilän dšlitimiz uniŋ şäkillinişigä vä rivaҗlinişiğa kšp hässä qoşti. Demäk, Mustäqillikni mustähkämläşniŋ җavapkärligi bilän parasätlik millät qeliplaşturuşta vä duniyaviy däriҗidä millätniŋ riqabätkä qabilliğini aşuruşta yaşlarğa zor җavapkärlik bilän çoŋ ümüt vä väzipä jükländi. Şundaq ekän, buniŋğa uyğur yaşliri täyyarmu? Şuni biliş mähsitidä biz bir türküm yaşlarğa «Yaşlar jiliğa munasivätlik qandaq täkliviŋiz bar?» degän soal bilän muraҗiät qilduq.

Arşalim DÄVLÄTOV,
Uyğur nahiyäsi Aqtam ottura mäktivi mudiriniŋ tärbiyä işliri boyiçä orunbasari:

– Dšlät rähbiriniŋ moşu jilni «Yaşlar jili» däp elan qilişi şähsän meni qanatlandurup, qälbimdiki hayaҗanliq hissiyatlirini oyğatti. Yaşlar jilidin biz, yaşlar, nemä kütimiz? Miŋliğan turuşluq šylär selinip, berilişi, grantlarniŋ kšpiräk bšlünüşi yaşlarniŋ alğa qarap ilgirilişigä türtkä bolğusi. Ändi biz, yaşlar, mämlikätkä nemä beräläymiz? Prezident šziniŋ «Kšp tilni bilidiğan, duniyaviy kšzqarişi qeliplaşqan, җämiyättä šziniŋ eytar pikri bar yaşlar bizniŋ җämiyätkä här vaqit keräk» degän äqilanä sšzliri bilän Qazaqstan yaşliriğa çoŋ җavapkärlik bilän zor ümüt artti. Millitimniŋ vätänpärvär pärzändi süpitidä Dšlät rähbiriniŋ dana milliy säyasiti bilän älni başquruş qabiliyitigä baş egimän. Mänmu Prezidentimiz täripidin jüklängän äynä şu җavapkärlik bilän ümütni aqlaşqa tirişimän.
Biz, qazaqstanliq uyğurlar, šzimizni bähitlik, däp hesaplişimizğa toluq asas bar. Ana tilimizda bilim elip, gezit-jurnallirimizni oquvatimiz, milliy teatrimizniŋ işigi dayim oçuq. Milliy mädäniyitimiz bilän sän°itimiz täräqqiyat yolida. Qisqisi, ätiki küngä bolğan zor işänçä bilän yaşap kelimiz. Şundaq ekän, biz, uyğur yaşliri, dšlät täripidin yaritilivatqan imkaniyätlärdin toğra paydilanğan halda, mustäqil dšlitimizniŋ güllinişi, muhimi, «Mäŋgülük äl» kontseptsiyasiniŋ royapqa çiqişi üçün ayanmay ämgäk qilişimiz keräk.
Toğra, aldimizda atqurulidiğan işlar az ämäs. Һämmidin muhimiraği — maarip sahasi. Därväqä, Qazaqstan Җumhuriyitiniŋ bilim beriş sahasida uyğur mäktäpliri vä sinipliri alahidä orunni egiläydu. Demäk, qolda bar altunniŋ qädrini bilip, pärzäntlirimizni šz ihtiyarimiz bilän ana tilimizdiki mäktäplärgä bärsäk, ularniŋ milliy rohta tärbiyilinişigä näzär ağdursaq, nur üstigä nur ämäsmu. Eçinarliği, kšpligän yaş aililär balilirini šzgä tilliq sinip partilirida oltarğuzuşni ävzäl kšrüvatidu. Bu hämmäylän җiddiy oylinidiğan muhim mäsilä. Bilsäk, ana tilida oquğan baliniŋ hayatiy printsiplirida, birinçidin, milliy roh üstün bolidu. U šziniŋ ana tilini, äҗdatlardin miras bolup kelivatqan urpi-adätlirini mümkinqädär saqlap qelişqa intilidu vä, ikkinçidin, uniŋda «Millitimniŋ keläçigigä behšddä qarimiğan qazaq eliniŋ täräqqiy etişigä mänmu šzämniŋ munasip ülüşümni qoşuşum keräk», degän çüşänçä qeliplişidu. Ändi šzgä tilliq mäktäptä oquğan balilar milliylik täripigä ançila etivar berip kätmäydu. Ularğa bäribir. Duniya düm kšmürülüp kätsimu, “astida yetip manta yäveridu”. Bu, çüşänsäk, paҗiä…
Pursiti kälgäçkä, alahidä eytarim, «Nur Otan» partiyasi yaşlarniŋ ingliz tilini üginişi üçün til kurslirini eçip, ünümlük paaliyät jürgüzüvatidu. Demäkçi bolğinim, qazaqstanliq uyğur yaşlirimu moşundaq nämunilik çarä-tädbirlärni uyuşturuşqa küç salsa däymän. Undaq bolğini, ingliz tilini yetük šzläştürgän bala, päqät šzinila ämäs, millitiniŋmu duniyağa tonuluşiğa tšhpä qoşalaydu. Rast, elimiz Prezidentiniŋ «Mäniviy yeŋiliniş» programmiliq maqalisi dairisidä kšpligän tilğa alarliq çarä-tädbirlärniŋ štküzülüvatqanliği hämmigä ayan. Uyğur nahiyäsiniŋ Aqtam yezisidimu «Ölketanu» yšnilişi boyiçä «Qoşyağaç – soğ arişaŋ şipaliq bulaq» layihisi dairisidä yeza yaşliri vä mäktivimiz mudiri Oktyabr' Turğanoğliniŋ qollap-quvätlişi bilän biraz işlar bäҗirildi. Moşu layihä dairisidä biz biyil jutdişimiz, daŋliq rässam Maris Һetahunovniŋ tuğulğininiŋ 80 jilliğiğa munasivätlik mädäniy märasim štküzüşni reҗiligän eduq. Amma bu niyitimiz biz kütkändäk nätiҗä bärmidi. Lekin biz Maris Һetahunovniŋ kimligini yahşi bilimiz. Rässam bilän päqät aqtamliqlarla ämäs, bälki pütkül qazaqstanliq uyğurlar pähirlänsä bolidu. Çünki rässam uyğur täsviriy sän'itini duniyağa tonutti. Ädäbiyatimiz täräqqiyatiğimu sezilärlik däriҗidä ülüşini qoşti. Biz, Qazaqstan uyğur yaşliri, nemişkä moşundaq tärbiyäviy ähmiyiti bar layihilärni qolğa almaymiz. İnternet torliridin paydilinip, Maris Һetahunov iҗadiyiti nämuniliridin kšrgäzmilär, yaş rässamlarniŋ onlayn konkursliri uyuşturulsa, nur üstigä nur bolmasmedi.
Җämläp eytqanda, qazaqstanliq uyğur yaşliri zaman eqimidin sirtta qalmay, mäniviy yeŋilinişqa qarap yüzlänsä, däymän.

Abdulҗan AZNİBAQİEV, Ämgäkçiqazaq nahiyäsi İ.Sattarov namidiki Ğäyrät ottura mäktiviniŋ pedagog- uyuşturğuçisi:
– 2019-jilniŋ «Yaşlar jili» däp elan qilinişi – biz, yaşlar, üçün çoŋ märtivä. Muällim süpitidä täkitläydiğinim, Prezidentimiz Nursultan Nazarbaev šz Mäktübidä zor ähmiyät bärgän mäsililärniŋ biri – pedagoglarniŋ käspiy süpiti bilän bilimini rivaҗlanduruştin ibarät. Süpätlik bilim beriş elimizni industriyaländürüşniŋ vä innovatsiyalik täräqqiyat yoliğa çüşirişniŋ asasiy qädimi bolup hesaplinidu. Pän-tehnika täräqqiy qilivatqan dävirdä bilimsiz küniŋ – qaraŋğu.
İkkinçidin, bilim – җahan täräqqiyat karviniğa qoşulğusi küçtur. Arimizda bilimlik, yeŋiliqqa huştar yaşlar kšp. Äynä şundaq yaşlarni ilgiri-keyin «Bolaşaq» programmisi arqiliq çät ällärgä oquşqa ävitivatidu. Bu, älvättä, kişini hursän qilidu. Ägär moşundaq bilim elişqa imkaniyät yaritidiğan oquş orunliri elimizdä eçilsa, nur üstigä nur bolmattimu!
Üçinçidin, šzäm yezida yaşavatqanliqtin, yeza ähvalimu diqqät-näzärimdin sirt qalğan ämäs. Moşu turğudin elip qariğanda, yezidiki yaşlarniŋ turmuşini vä käspiy җähättin šsüşini, ämälgä aşurmaqçi bolğan arzu-armanlirini royapqa çiqiriş boyiçä mähsus reҗilär tüzülsä, qolidin iş kelidiğan, «kšmüktä qelivatqan» tädbirçan, qabiliyätlik jigit-qizlirimizniŋ yetilip çiqidiğiniğa gumanim yoq. Һazir här yezida sport bilän şuğullinidiğan, talantini namayiş qilidiğan klublar yetärlik däp eytalmaymiz. Boş yatqan etiz-dalağa yaşlarniŋ işligüsi kelidu. Ularğa az payizda nesiyä berilsä yaki başqa mümkinçiliklär yaritilsa, yezilardimu biraz nämunilik işlar qolğa elinar edi.
Yezidiki yaşlarniŋmu jürigidä oti bar. Birla misal, jutiniŋ mädäniy güllinişini halaydiğan här jilliri mäktäp tamamliğan uçumkarlar mäbläğ toplap, ähmiyätlik işlarni ämälgä aşurmaqta. Undaq ümütvar yaşlarğa härtäräplimä ğämhorluq kšrsitilsä, kälgüsidä ularmu älgä näp berär edi.
Tšrtinçidin, iҗadiyät bilän şuğullinivatqan yaşlarmu helä bar. Rast, talanti bar adäm yazimän deginini yaziveridu. Lekin ädäbiyat – dävir atlap rivaҗlinidu ämäsmu. Demäk, talantmu pärvişkä muhtaҗ. Bügün iҗadiyät bilän şuğullinivatqan yaşlar päqät «šz qazinidila qaynimaqta». Duniya sähnisiniŋ kšläŋgüsidinmu kšrünmäy jürimiz. Şuŋlaşqa yeqinda Mädäniyät vä sport ministrligi yenida qurulğan Yaş şair-yazğuçilar keŋişiniŋ däsläpki mäҗlisidä moşu mäsilä kštirilip, elimizdä Ädäbiyat akademiyasini quruş häqqidä pikir-täkliplär otturiğa qoyuldi. Yaşlar jiliniŋ räsmiy eçiliş täntänisidä «Darın» yaşlar mukapitiniŋ sahibi, şair, qälämdişim Merey Qart Prezident aldida uşbu pikirni alğa sürdi. Mabada Ädäbiyat akademiyasi qurulsa, qolida qutluq qälimi bar yaşlarniŋ käspiy җähättin šsüşigä, duniyaviy ädäbiyat mirasliri bilän tonuşuşqa, üginişkä pursät tuğular edi.
Bäşinçidin, bügünki yaşlarniŋ kšpçiligi şähsiy tirikçiligini oylap, milliy qädriyätlär ğäzniliridin behävär, җämiyätlik işlarniŋ qädir-qimmitini çüşänmäy, rohiy çüşkünlükkä berilmäktä. Һärtäräplimä yetilgän şähs boluş üçün bizdin kündilik tirikçiligimizdin bšläk äҗdatlirimizdin miras bolup qalğan milliy qädriyätlirimizni qädirläş, täräqqiy ätküzüş vä җämiyätlik işlarğa paal iştrak qilişimiz täläp qilinidu. Moşu yosunda «Mäniviy yeŋiliniş: keläçäkkä nişan» programmisi dairisidä eniq reҗilärni tüzüp, ünümlük paaliyät elip berişimiz haҗät.
Umumän, štkän här künimizgä hesavat beriş – hayat qanuni. Şuŋlaşqa «Qişniŋ ğemi yazdin» demäkçi, bolğusi parlaq keläçigimizni hazirdin oylişimiz keräk. U – šzimizniŋ qolida.

Elämҗan TALİPOV,
Almuta şähiri Ädliyä şirkitiniŋ hadimi:
– Mälumki, hazirqi yaşlar arisidiki işsizliq mäsilisi – aktualliğini yoqatmiğan muhim mäsililärniŋ biri. Şundaq ekän, yaşlar arisidiki, bolupmu yeza yaşliri arisidiki işsizliq bilän җiddiy kürişiş lazim. Toğra, işsizliqniŋ kšpligän säväpliri bar. Zaman tälivigä muvapiq mutähässislärniŋ yetilip çiqmişi, iş bärgüçilärniŋ yaş kadrlarğa qoyuvatqan täläpliri, yaşlarniŋ alidiğan maaşiğa kšŋliniŋ tolmasliği äynä şular җümlisidindur. Aliy oquş ornini tamamliğan uçumkarlarniŋ täntiräp qalidiğanliğimu heçkimgä sir ämäs. Mana moşundaq gaŋgirap qalğan yaşlarğa toğra yol kšrsitidiğan, šz mutähässisligi boyiçä iş tepişiğa yardäm qilidiğan märkäzlärni quruşimiz haҗät. Biz päqät şähärdila ämäs, yeza-mälilärdä yaşavatqan yaşlarniŋ mäsilisinimu çoŋqur üginip, ularniŋ yeşiliş yollirini tepişimiz keräk. Mäsilän, mälum bir yezida yaşinip qalğan ata-anisiniŋ qolida qalğan tonuşimiz bar däyli. U aliy bilimlik bolğini bilän, ata- anisini taşlap jiraqqa ketälmigäçkä, šydä işsiz, yäni ata-anisiniŋ pensiyasigä qarap oltiridu. Çünki uniŋ mutähässisligi boyiçä yezida iş tepilmaydu. İş izdäp, talay işiklärni açqan bolsimu, u aliy bilimlik yaş mutähässisniŋ ähvalini soravatqan heçkim yoq… Mundaq misallarni kšpläp kältürüşkä bolidu. Demäkçi bolğinim, mana moşundaq yezilarda işsiz jürgän aliy bilimlik yaşlirimizni tuğulğan yezisidin jiraqqa kätküzmäy, iş bilän täminläş yollirini izdäştürsäk, yahşi bolatti.
Һškümät täripidin bälgülängän yezilarniŋ turmuş-şaraitini kštirişkä beğişlanğan kšpligän programmilar bar. Biraq yeza ahalisiniŋ besim kšpçiligi buniŋdin behävär. Ammiviy tor vasitilirini paydilinip, äynä şundaq programmilarni ügitişkä mümkinçilik yaritiş keräk. Qisqisi, moşundaq programmilarni yaşlar üçün ayrim tüzüp çiqip, u hškümät täripidin räsmiy bäkitilip, qollap-quvätlänsä, nur üstigä nur bolatti.
Pursiti kälgändä yänä bir eytip ketidiğan närsä, qabiliyätlik yaşlarni šzini-šzi başquruş yaki yärlik iҗraiy organlarğa җälip qiliş lazim.
Aççiq bolsimu etirap qilişimiz keräkki, hazirqi yaşlar bilän çoŋ ävlatniŋ arisida çoŋ bir boşluq päyda boldi. Çoŋ ävlatniŋ kšpçiligi yaşlarğa yol-yoruq kšrsätküsi, šz täҗribisi bilän bšlüşkisi kälmäydu vä şagirt tärbiyiläp, varisliq jipiniŋ üzülüp kätmäsligigä degändäk ähmiyät bärmäyvatidu. Һämmidin eçinarliği, çoŋ ävlat bilän yaş ävlat arisidiki elip berilivatqan izgü paaliyätlärmu yetärlik ämäs. Anda-sanda, päqät ayrim sänälärgä bağliq štküzülüp turidiğan çarä-tädbirlärgä kšŋül su içmäydu…
Daniyar SASİQOV,
Çimkänt şähiri «Kompaniya Evrika» җavapkärligi çäklängän yoldaşliğiniŋ marketing
boyiçä mudiri:
– Jigirmä birinçi äsirni häqliq räviştä insaniyät üçün «äŋ җoşqunluq dävir» däp ataşqa bolidu. Silär bilän biz tehnologiyaniŋ barliq sahaliridiki täräqqiyatni bayqavatimiz. Käŋ imkaniyätlär vä hilmu-hil ähbarat eqimi juquri ildamliqta hayatimizni toluqturup kälmäktä. Ägär štmüşkä näzär taşlaydiğan bolsaq, säyyarimizniŋ qançilik sür°ätlik täräqqiy etivatqinini bayqaymiz. Meniŋ kšzqarişimçä, uşbu basquçta zamaniviy duniyaniŋ tendentsiyalirigä mümkinçilikniŋ bariçä utuqluq maslişiş biz üçün nahayiti muhim. Uniŋ üçün bizdä barliq imkaniyätlär moҗut.
«Yaşlar – mämlikitimiz riqabätkä qabilliğiniŋ äŋ asasiy amili» –dedi Dšlät rähbiri Nursultan Nazarbaev. Һäqiqätänmu zamaniviy җämiyättä yaşlarniŋ roli üstün. Biz җämiyitimiz aldida juquri җavapkärlikni çüşinişimiz vä dšlitimizniŋ tehimu täräqqiy etişi üçün barliq küç-ğäyritimizni särip qilişimiz lazim.
Mämlikitimizni riqabätkä qabil däriҗigä kštirişkä intiliş vä alğa qoyğan mähsätkä qol yätküzüş – bizniŋ Vätinimiz aldidiki qärizimiz boluşi tegiş. Uniŋ üçün qolda bar imkaniyätni toluq paydilinişimiz haҗät.
Män šzämniŋ zamandaşlirimğa muraҗiät qilip, ulardin barliq yahşiliq häm parlaq keläçäkniŋ aldimizda ekänligigä işändürüşni iltimas qilğan bolar edim. Lekin şuni ästä saqlaş keräkki, härqandaq alğa qoyğan armanğa päqät ämgäk häm intiliş arqiliqla qol yätküzüşkä bolidu. Һär küni arman häqqidä oylap, uniŋğa yetiş üçün barliq küç-ğäyrätni särip qiliş haҗät.
Şuni ästä saqlaş lazimki, eğir dävir küçlük adämlärni yaritidu, arminimizğa qol yätküzüş yoliniŋ qançilik eğir boluşidin qät°iy näzär, niyitimizdin qaytmay, imkaniyitimizgä çoqum işinişimiz keräk. Äynä şu çağdila alğa qoyğan mähsät-muddiamizğa җäzmän yetimiz.
Zulfira İMAŞEVA,
Ankara (Türkiya) Hadjeteppe universitetiniŋ magistranti:

– Qazaqstan Җumhuriyitiniŋ Prezidenti Nursultan Nazarbaev täripidin 2019-jilniŋ «Yaşlar jili» däp elan qilinişi biz, yaşlarğa, çoŋ mümkinçiliklärni yaritidiğanliğiğa işänçimiz kamil. Dšlät rähbiriniŋ bu täşäbbusi yaşlarniŋ keläçäkkä bolğan kšzqarişini, ümüt-işänçä vä mähsätliriniŋ rivaҗlinişiğa zor tšhpä qoşidu däp oylaymän. “Keläçäk – yaşlarniŋ qolida” däymizkän, uşbu pursätni toğra paydilinip, reҗiligän işlirimizni orunlaşni bilişimiz keräk vä u yaşlarniŋ yeŋi ideyaliri asasida ämälgä eşişi şärt däp oylaymän.
Şähsän maŋa bügünki kündä yaşlirimizniŋ bilim elişqa bolğan intilişi suslişivatqandäk bilinidu. Bayqişimçä, «iş tepiş qiyin», degän banini alğa sürüp, kšpligän yaşlar bilim egiläşniŋ orniğa pul tepişniŋ koyiğa çüşüp ketivatqandäk. Nemä qilişimiz keräk? Bizniŋ pikrimizçä, yaşlarniŋ bilim elişqa bolğan intilişini aşuruş üçün aldi bilän kiçik çeğidin başlap baliniŋ qabiliyitini bayqaş vä uniŋğa toğra baha häm yšniliş beriş keräk däp oylaymän. Eytayluq, ottura mäktäplärdä qoşumçä tälim-tärbiyä beridiğan härhil šmäklärni eçişqa kšŋül bšlüşimiz keräk. Bu šmäklär häptiniŋ ahiri, yäni däris bolmiğan künliri paaliyät elip barsa, bäk yahşi bolar edi. Çünki yeza baliliri bu künliri vaqtini paydisi yoq oyun-tamaşiğa särip qilmatti, bälki bilim elişqa intilatti. Şähärdiki balilar bazarlarni çšgilimäy yaki šyliridä boş jürmästin, bilim egiläp, paydiliq iş bilän bänt bolatti.
Mana moşu šmäklärgä qatnişidiğan oquğuçilarni eyiğa ikki qetim kitaphana vä mirasgahlarğa ziyarät uyuştursa, balilar üçün intayin paydiliq bolidu däp oylaymän. Rast, bu eytilğan täkliplär şähärdiki vä nahiyä märkizidiki bilim därgahlirida ämälgä eşişi mümkin. Şuniŋ üçün bu layihilär aldi bilän yeza mäktäpliridä qolğa elinişi keräk häm u hškümät täripidin qollap-quvätlinişi haҗät.
Dilnaz YÜSÜPOVA,
Äl-Farabi namidiki
QazMUniŋ magistranti:

– Hoşal bolarliği, dšlät täripidin yaşlar üçün kšpligän şaraitlar yaritilivatidu. Selişturup eytsaq, hazirqi yaşlar mustäqillikniŋ arqisida kšŋli toq, kiyimi pütün, asmini oçuq, paravän häm bähtiyar šmür sürüvatidu. Oylap kšräyliçu, qaysi bir dšlät bir jilni mähsus «Yaşlar jili» däp elan qildi. «Bolaşaq» dšlät programmisi bilän kšpligän yaşlirimiz çät ällärdä bilimini mukämmälläştürüp käldi. Dšlät granti hesaviğa oquvatqan yaşlirimizniŋ sani jildin-jilğa kšpiyivatidu. Ularniŋ arisida uyğur yaşlirimu bar. Elimizniŋ җay-җayliridin bilim izdäp kälgän yaşlarniŋ yataqhanilarda turup oquşiğa şarait yaritilğan. Dšlät täripidin kšrsitilivatqan ğämhorluqniŋ yänä biri – «Diplommen auılğa» programmisi. Mäzkür programma arqiliq kšpligän uçumkarlar iş bilän täminlinip, yeŋi turuşluq šy elişqa qol yätküzüvatidu. Qisqisi, «Oquymän, yahşi yaşaymän, җämiyättä šz izimni qaldurup ketimän», degän yaşlarğa barliq mümkinçiliklär yaritilivatidu. Bu elimiz Prezidenti Nursultan Nazarbaevniŋ dana säyasitiniŋ mevisi desäk, aşurup eytqanliq bolmaydu.
Biz, yaşlar, bilim egiläşkä häm adil ämgäk qilişqa intilsaq, aldimizğa mähsät qoyup, şuniŋğa yetiş üçün bar küçimiz bilän tirişsaq, biz üçün aşalmaydiğan davan, çiqalmaydiğan çoqqilar yoq, däp oylaymän. Biz Dšlät rähbiri tävsiyä qilğan «Auıl – El besigi» layihisi dairisidä mäktäplärdä härbiy-vätänpärvärlik tärbiyä rolini küçäytişkä, «Öz yeriŋni çoŋqur bil» täşäbbusi dairisidä mämlikät regionliri boyiçä ammiviy mäktäp turizmini tikläş mäsilisigä at selişimiz lazim. Şuniŋ bilän billä, hälqimizniŋ, millitimizniŋ täräqqiy etişi üçün paydiliq işlarni ämälgä aşuruşimiz keräk. Dšlät rähbiri šziniŋ Qazaqstan hälqigä yolliğan «Qazaqstanliqlar paravänliginiŋ šsüşi: tapavätniŋ vä turmuş süpitiniŋ yahşilinişi» Mäktübidä täkitläp štkinidäk, «Häliqniŋ işänçisi bizniŋ rohimizni kštiridu vä bizgä moşu yolda küç-quvät äta qilidu». Şundaq ekän, biz, mustäqil Qazaqstan yaşliriniŋ, boysundiridiğan çoqqiliri tehi alda. Ändi biyilqi Yaşlar jilida biz tehimu egiz pällilärgä yetimiz, däp ümüt qilimän.

Bälüşüş

Javap qalduruŋ