Tarihiy qarar qobul qilindi

0
105 ret oqıldı

Parlament Senati vä Mäҗlisiniŋ birläşkän mäҗlisidä deputatlar Astana namini šzgärtişkä munasivätlik Konstitutsiyagä qanuniy tüzitişlärni ikki nushida qarap çiqip, qobul qildi.
Birläşkän mäҗliskä räislik qilğan Mäҗlis räisi Nurlan Niğmatulin Qazaqstan Җumhuriyitiniŋ Konstitutsiyasigä muvapiq Һškümätniŋ Qazaqstan Җumhuriyitiniŋ Prezidentiğa Astana namini šzgärtiş toğriliq Asasiy Qanunğa tüzitişlärni kirgüzüş üçün җumhuriyätlik referendum štküzüş toğriliq täklipni qoyğanliğidin hävärdar qildi.
– Prezident moşu täklipni referendumğa qoymay, Parlamentniŋ qarap çiqişiğa ävätiş qararini qobul qildi. Konstitutsiyalik keŋäş moşu mäsilä boyiçä iҗabiy hulasä bärdi, – dedi Nurlan Niğmatulin.
Moşu mäsilä boyiçä Prezident Mämuriyiti rähbiriniŋ orunbasari Äliya Raqışeva sšzgä çiqti.
– Konstitutsiyaniŋ 91-maddisiniŋ 1-punktiğa muvapiq Qazaqstan Җumhuriyitiniŋ Konstitutsiyasigä šzgirişlärni kirgüzüş toğriliq qanun layihisi tävsiyä qilindi. Bu layihä paytäht namini Astanadin Nur-Sultan däp šzgärtişkä qaritilğan, – dedi Äliya Raqışeva.
Qanun layihisini muhakimä qiliş vaqtida senator Murat Baqtiyarov, Mäҗlis deputatliri Quanış Sultanov, İrina Aronova vä başqilar sšzgä çiqip, käsipdaşlirini Prezidentniŋ täşäbbusini qollap-quvätläşkä çaqirdi.
Nurlan Niğmatulin muhakimä yäkünini çiqirip, qanun layihisini maqullaş toğriliq birla täklipniŋ kelip çüşkänligini täkitlidi. Uniŋdin keyin štküzülgän avaz beriş җäriyanlirida Parlament deputatliri birinçi vä ikkinçi nushida Konstitutsiyagä Astananiŋ namini šzgärtişkä munasivätlik kirgüzülgän tüzitişlärni maqullidi. Tarihiy qarar qobul qilindi.
…Şu küni paytäht mäslihitiniŋ deputatliri Astananiŋ “Nur-Sultan şähiri” däp šzgärtilişini bir eğizdin qollap-quvätlidi.

Bälüşüş

Javap qalduruŋ