Yeŋi oqutuş programmisi yolğa qoyulğan

0
46 ret oqıldı

Norvegiyadiki uyğur komitetiniŋ täşäbbusi vä salahiyätlik mutähässislirimizniŋ küç çiqirişi bilän mämlikät paytähti Oslodiki uyğur ana tili mäktividä 3D oqutuş programmisi yolğa qoyulğan. Bu usul oquğuçilarniŋ uyğurçä härip vä sšzlärniŋ mänasini komp'yuter vä yanfonliriğa çüşirilgän härhil roliklar arqiliq üginişigä imkaniyät yaritidu.
3D oqutuş programmisi mäktäptä štkän jilniŋ dekabr' eyidin başlap başlanğuç siniplarda sinaq täriqisidä yolğa qoyulğan. Mälum boluşiçä, Norvegiya uyğur komiteti 2018-jili Oslo şähiridiki ilgiridin moҗut bolğan uyğur ana til sinipini mäktäpkä aylanduruş, mämlikättiki uyğurlar ziç orunlaşqan 6 şähärdä uyğur ana til siniplirini eçiş qararini qobul qilğan. Bügünki küngä qädär jil ahiriğiçä Oslodiki ana til mäktivi oquğuçiliriniŋ sani 120gä yätkän.
Mäzkür bilim yurtiniŋ komp'yuter mutähässisi Adilҗan äpändi mäzkür programminiŋ däsläp Oslodiki uyğur ana til mäktividä qollinilğanliğini häm uniŋ oqutquçilarniŋ qizğin alqişiğa erişkänligini, ihtisadiy şarait yar bärgän ähvalda uni davamliq beyitip turuş reҗisiniŋ barliğini bildürdi.
Şuni täkitläş lazimki, programmini täyyarlap, yolğa qoyuşqa yerim jildin artuq vaqit kätkän. Bügünki kündä duniyaniŋ härqaysi җaylirida paaliyät elip berivatqan uyğur ana til mäktäpliri Norvegiya uyğur komitetidin bu programmini işlitiş boyiçä mäslihätlärni elip, ämäliyatta paydilansa bolidu.

Bälüşüş

Javap qalduruŋ