«Bovam meniŋ därislirimgä qatnişatti»

0
90 ret oqıldı

Bähtişat SOPİEV,
«Uyğur avazi»

— Rämiti bovamniŋ meni uyğur mäktivigä šzi yetiläp aparğini helimu yadimda. Çoŋ bolğandin keyin uqsam, buniŋ šzigä çuşluq sävävi bar ekän — däydu yazğuçi, jurnalist Malik Sadirovniŋ nävrisi Yultuz.

— Bovam 1937-jili İli vilayitiniŋ Ablaş yezisida dehan ailisidä duniyağa kälgän. U beşidin štkänlirini bizgä pat-pat sšzläp beridiğan. Duç kälgän qiyinçiliqlarğa qarimay, oqup bilim aptu. «Silärniŋ nemäŋlär yetişmäydu? Kiyimiŋlar pütün, qosiğiŋlar toq. Ata-anaŋlar yeniŋlarda. Päqät oquş keräk» dätti bovam.
U bir yeşida dadisi Abubäkridin, bäş yeşida anisi Selimhandin ayrilidudä, akisi Abdumeҗitniŋ tärbiyisidä bolidu. 1957-jili Ğulҗa şähiridiki Ähmätҗan Qasimiy namidiki bilim yurtini tamamlap, Ürümçidiki Şinҗaŋ til institutiniŋ rus tili fakul'tetiğa oquşqa çüşidu. 1961-jili mäzkür bilim därgahini pütirip, 1963-jilğiçä Ğulҗa şähiridiki Stalin namidiki rus ottura mäktividä, keyiniräk Baykšl başlanğuç mäktividä muällim bolup işläydu.
Malik Abubäkrioğliniŋ jurnalistikiliq paaliyiti häqqidä nävrisigä šzäm sšzläp bärdim.
U 1970 — 1997-jilliri «Kommunizm tuği» (hazirqi «Uyğur avazi») vä uniŋ qoşumçisi «Yeŋi hayat» gezitlirida tärҗiman, muhbir, bšlüm başliği lavazimlirida işlidi. Uniŋ qärällik mätbuatta yüzligän maqaliliri elan qilindi. Ünümlük iҗadiy paaliyiti tüpäyli kitaphanlarğa nurğunliğan bebaha äsärlirini qaldurup kätti. «Tunҗa qädäm» (1979-j.), «Biz vä jillar» (1992-j.) namliq umumiy toplamğa kirgän äsärliri vä «Matanät» (2008-j.) vä «Atu» (2013-j.) dastanliri şular җümlisidindur.
— Һšrmätlik däm elişqa çiqqandin keyinmu bovam iҗadiyät mäydanida tehimu paal qäläm tävritişkä başlidi, — däp qoşumçä qildi Yultuz. — Uniŋ «Җahalät vä asarät», «Uyğur qismiti yaki «Atu» paҗiäsi häqqidä häqiqät», «Azatliq җäŋçisi yaki Äҗdihağa sançilğan näyzä» namliq äsärliri bar. Ularniŋ hämmisini qiziqiş bilän oqup çiqtim.
Malik akiniŋ üç pärzändi, on nävrisi vä bäş çävrisi bar ekän. Şähärdä turğan jilliri şaraitqa bola baliliri rus mäktividä tähsil kšridu. Mälum boluşiçä, keyin u nävrilirini ana tilida oqutuş üçün yeziğa kšçüp kätkän ekän. U bäş nävrisini uyğur mäktividä oqutuptu. Yultuz şularniŋ biri. Uni mäktäpkä bovisi šzi yetiläp elip kälgänligini juqurida eyttuq. Һätta, därislirigä qatnişattekän. Yultuz Täşkänsazdiki ottura mäktäpni «Altın belgigä» tamamlap, hazir Almutidiki çät äl tilliri vä häliqara munasivätlär universitetida oquvatidu. «Oquşqa šz küçüm bilän çüştüm. Ana tilimda oquğinimğa heçqaçan škünmäymän. Äksiçä mäğrurlinimän» däydu Yultuz.
Һazir Sadirovlarniŋ ikkisi – Dilşat bilän Adalät uyğur tilida bilim elivatidu. Һär ikkilisi sinipidiki ülgilik oquğuçilardin.

Ämgäkçiqazaq nahiyäsi.

Bälüşüş

Javap qalduruŋ