«Aniҗanim meniŋ»

0
31 ret oqıldı

Mäşür SASİQOV,
«Uyğur avazi»

İkki millionğa yeqin ahalisi bar Almutidäk çoŋ şähärdä şähsiy maşinaŋ bilän maŋsaŋ, qol kštärgänlärniŋ «halini» soraş ohşaş kona kesilimiz bar. Tohtimay štüp kätsäŋ, huddi ular seniŋdin ränҗiydiğandäkla tuyulidu. Uniŋ üstigä ularniŋ bärgän bäş-tšrt täŋgisi kündilik tamakaŋni bolsimu kštärsä nädä turuptu…

Yeqinda män yolda turğan ikki jigitni elivaldim. Kelişkän, gäp-sšzi ornida vä çirayliq kiyingän bu ağinilärniŋ šzara sšhbitimu intayin yumşaq, ayrim eğiziğa egä bolalmaydiğan yaşlarğa qariğanda, helila sipayä. Biz biraz maŋğandin keyin ularniŋ biri dostiğa aşhaniğa kirip tamaqliniş täklivini bärdi. Şu arida maşininiŋ aldinqi orundiğida oltarğan jigit yanfonidin kimgidu-birigä telefon qildi. U täräptin «allo» degän avazni aŋliğanda meniŋ yoluvçim: «Aniҗanim meniŋ. Mehrivanim meniŋ. Qandaq ähvaliŋiz? Salamätligiŋiz yahşimu, ağrimay jüridiğansiz? Һeç hiҗalitiŋiz yoqtu?» degängä ohşaş adäm häyran qalarliq illiq sšzlärni ana tilida eytişqa başlidi.
Öz anisini gšdäk pärzändidäk ärkilätkän bu yaş jigitniŋ, birinçidin, til bayliğiğa qayil bolğan bolsam, ikkinçidin, äzbirayi huda, şu küni hazirqi zaman yaşliri arisida mundaq kšyümçan vä duniyadiki äŋ mehrivan insanniŋ aq sütini aqlaşqa tirişqan oğul balini uçritimän däp äsla oylimiğan edim. Һäyran qalğinim şu däriҗidä ediki, maşinini tohtitip, yenimda oltarğan jigitniŋ qolini elip, «Apirin ukam, seniŋdäk pärzäntni tuqqan anaŋğa rähmät» degüm kälgini rast.
Ändi telefonda šzara sšzlişivatqan ana bilän baliniŋ sšhbitiniŋ davamiğa keläyli. Balisi yänila şu siliq-sipayiliq bilän «Ana, siz hazir qäyärdä?» däp soridi. Ätimalim, ana mehmanda ekänligini eytsa keräk, oğli «Ana u nemä deginiŋiz? Sizsiz šy çšldäräp ketidiğu. Uniŋsizmu ävu küni Taldiqorğandiki dostuŋizniŋ balisiniŋ toyi däp ikki küngä ketivediŋiz, sizni seğinip šläy deduq. Bügün çoqum qaytip keliŋ, bolmisa šzäm berip äkivalimän» dedi. Nogäyniŋ u yeqidin «maqul» degän җavap kälgändin keyin meniŋ yoluvçimniŋ käypiyati tehimu kštirilip kätti.
Ana-bala arisidiki sšhbättin mälum boluşiçä, aniniŋ yänä bir oğli bolup, uniŋ turmuş-ähvali degändäk ämäs ohşaydu. Ana şu häqqidä sšz qozğidi bolğay, meniŋ yoluvçim: «Ana, siz uniŋdin ğäm yemäŋ. Män ätila uni bazarğa apirip, keräk-yariğini, yemäk-içmigini elip berimän. Öyniŋ iҗarä häqqini tšlimäptu dämsiz? Maqul. Uniŋmu yoli bolup qalar. Päqät siz qayğurmisiŋizla boldi, aniҗanim meniŋ. Rast, akam säl boşiraq. Biraq män barğu, uni yärdä qoymaymän».
Oylimiğan yärdin bügünki päqät pul, maddiy bayliq hšküm sürgän zaman adämliri arisidiki mundaq qerindaşliq riştiliri moşu maqaliniŋ yezilişiğa säväp boldi. Çünki äzäldin ata-ana hšrmiti äŋ birinçi orunda turuşi şärt edi. Amma yeqinqi vaqitlardin buyan ularğa degän qädir-qimmitimiz suslişip, ayda-jilda berip kšrüp keliş bu yaqta tursun, telefonda birär qetim «allo» däp qoyuşqa yarimaydiğan pärzäntlärni kšrüp jürimiz.
Moşu yärdä ihtiyarsiz elimizniŋ Tunҗa Prezidenti, Elbası – Nursultan Nazarbaevniŋ «Ruhani jaŋğıru» programmisidiki tapşurmilarniŋ biri aŋ-säviyämizni šzgärtiş toğriliq eytqanliri yadimizğa kelidu. Һäqiqätänmu, härbirimiz mäniviy yeŋilinişni šzimizdin başlisaq, çoqum mähsitimizgä yetimiz. Şu çağdila bizniŋ pärzäntlirimiz biz juqurida sšz qilğan vaqiädiki jigit käbi anisiğa vä qerindişiğa çin dilidin kšyidiğan insanlardin bolup yetilidu. Qeri-çürilärni kšrsä, hšrmitini qilip, äŋ bolmiğanda, qolidin tutup yoldin štküzüp qoysa, ata-anisiniŋ balisidin pähirlinip qalidiğanliği şübhisiz.

Bälüşüş

Javap qalduruŋ