Mädäniy vä iş babidiki alaqilar

0
45 ret oqıldı

Tatarstan väkilliri Qazaqstan hälqi Assambleyasiniŋ Häliqara biznes-forumiğa täklip qilindi.

Qazaqstan hälqi Assambleyasi Räisiniŋ orunbasari – Qazaqstan Җumhuriyiti Prezidentiniŋ Mämuriyiti QHA Kativatiniŋ mudiri Janseyit Tüymebaev Tatarstan Җumhuriyitiniŋ Qazaqstan Җumhuriyitidiki toluq hoquqluq väkili Denis Valeev bilän uçraşti.
Uçrişiş davamida täräplär šzara işänçini küçäytiş, mädäniy hilmu-hilliğini kšpäytiş, kšpmillätlik җämiyättä teçliq vä turaqliqni, birlik vä razimänlikni saqlaş sahasida QHA vä Tatarstan väkilliri otturisidiki munasivätlärni muhakimä qildi.
Janseyit Tüymebaevniŋ täkitlişiçä, Qazaqstan vä Tatarstan otturisida mustähkäm alaqilar yolğa qoyulğan vä QHA šz täripidin ularniŋ käŋiyişigä härtäräplimä yardäm qilidu. Һazirqi vaqitta Qazaqstanda 200 miŋdin oşuq tatar millitiniŋ väkili yaşimaqta. Barliq tatar-başqurt etnomädäniyät birläşmiliri “Tatar vä başqurtlarniŋ Qazaqstan kongressi” җumhuriyätlik җämiyätlik birläşmisiniŋ tärkivigä kiridu. Birläşmä tatar mädäniyitini saqlaş vä täräqqiy ätküzüş üçün türlük çarä-tädbirlärni štküzüvatidu.
Janseyit Tüymebaev şundaqla štkän jili Qazaqstanniŋ Tunҗa Prezidenti Nursultan Nazarbaevniŋ Tatarstanni ziyarät qilğanliğini, biyil may eyida bolsa, Tatarstan Җumhuriyiti rähbiriniŋ Qazaqstanğa säpär bilän kelişiniŋ kütülüvatqanliğini äslitip štti. Bu vaqiäni Sabantuy mäyrimi vaqtida štküzüş planlanmaqta.
Öz novitidä Denis Valeev Qazaqstanda tatar milliy mäyrämlirini štküzüşkä, än°änilärniŋ saqlinişiğa yardäm kšrsitivatqanliğini täkitlidi. U şundaqla Şämäydä tatar sän°ät mäktivini eçiş işiniŋ jürgüzüvatqanliğiğa tohtaldi. Toluq hoquqluq väkil sän°ät mäktiviniŋ eçilişiniŋ Qazaqstanda barliq millät väkilliri üçün mädäniyät vä tarihni üginiş imkaniyitiniŋ yaritilivatqanliğiniŋ yänä bir ispati ekänligini alahidä täkitlidi.
Uniŋdin taşqiri Denis Valeev Tatarstanniŋ üç tilliq bilim beriş sistemisini җariy qiliş sahasida Qazaqstan täҗribisini qollinivatqanliğini eytti.
– Milliy tillarni saqlap qeliş nahayiti muhim mäsilä. Bu yosunda Qazaqstan ävzällikkä egä – qazaq tili dšlät tili märtivisigä egä. Biz Rossiya Federatsiyasi tärkividiki җumhuriyät bolğanliqtin, balilar bir vaqitta šz tilini, rus vä ingliz tillirini üginivatqan üç tilliq mäktäplärniŋ täҗribisini üginivatimiz. Bizniŋ birinçi Prezidentimiz Mintimer Şaymiev Qazaqstan täҗribisini nahayiti diqqät bilän ügändi vä Tatarstanda biz silärniŋ mämlikitiŋlardiki ülgä boyiçä ikki mäktäp vuҗutqa kelidu, – dedi Denis Valeev.
Janseyit Tüymebaev bilän Denis Valeev mädäniy-gumanitarliq mäsililärdin taşqiri tiҗarätçilik sahasidiki hämkarliq imkaniyätlirinimu muhakimä qildi.
– Bizniŋ institut tärkividä QHA Tiҗarätçilär assotsiatsiyasi işlävatidu. Oktyabr'dä Häliqara biznes-forum vä türlük millätlär tiҗarätçiliriniŋ tarihiy kelip çiqqan ällär bilän ämälgä aşuruvatqan birläşkän layihiliriniŋ kšrgäzmisini štküzüşni planlavatimiz. Bizni silärniŋ mämlikitiŋlarniŋ biznes-layihiliri nahayiti qiziqturidu, äynä şuniŋğa bağliq sizniŋ Tatarstan tiҗarätçilirini moşu çarä-tädbirgä qatnişişqa täklip qilişiŋizni haliğan bolar eduq, – däp täkitlidi Janseyit Tüymebaev.
Uçrişiş ahirida QHA Räisiniŋ orunbasari Tatarstanniŋ toluq hoquqluq väkiligä “Qazaqstan hälqi Assambleyasi mämlikät tarihida” namliq kitapni soğa qildi.

Bälüşüş

Javap qalduruŋ