Çoŋ Çiğandiki çoŋ mäyräm

0
44 ret oqıldı

Gšhärbüvi İSMAYİLҖANOVA,
«Uyğur avazi»

Äҗdatlirimiz “Zimistan qiştin aman-esän çiqivalsaq, kškkä ilişimiz» däp baharniŋ kelişini taqätsizlik bilän kütüp, uni dağ-duğiliq qarşi alattekän. Bolupmu kšk çšşürä mäyrimini uyuşturup, uşbu milliy taamğa bšläkçä etivar bärgänligimu tarihtin mälum. Täkitläş keräkki, bu märikä hazirmu jildin-jilğa ammiviy tüs elip, anilirimiz bilän momilirimiz uniŋ täyyarlaş uslublirini namayiş qilip ävlattin-ävlatqa qaldurup kelivatidu.

Yeqinda Panfilov nahiyälik Uyğur etnomädäniyät märkiziniŋ täşäbbusi vä Çoŋ Çiğan yeza turğunliriniŋ küç çiqirişi bilän Qazaqstan Jumhuriyitiniŋ Tunҗa Prezidenti – Elbası Nursultan Nazarbaevniŋ «Keläçäkkä nişan: mäniviy yeŋiliniş» maqalisidiki kšrsätmä vä väzipilärni ämälgä aşuruş mähsitidä «Kšk çšşürä vä ätkänçay» mäyrimi uyuşturuldi. Çoŋ Çiğan yeza okruginiŋ märkizidiki Mädäniyät šyi aldidiki mäydanğa nahiyä җamaätçiligi bilän iş vä oquş orunliriniŋ rähbärliri vä nuraniy anilar bilän kšpni kšrgän, barliq hayatini kolhoz-sovhozlarda işläp, nahiyäniŋ iҗtimaiy-ihtisadiy täräqqiyatiğa munasip hässisini qoşqan atilar jiğildi. Sazändilär bäzmilärgä çüşüp, nahşa ussullar iҗra qilinip, jutta bahar täntänisi hšküm sürdi. Bu küni Quyaşmu külüp çiqip, nurlirini täkşi çaçti.
Äzäldin inaqliği, šmlügi bilän päriqlinip kelivatqan tävädiki äŋ qedimiy Çoŋ Çiğan juti ahalisiniŋ mäyrämgä juquri täyyarliq kšrgänligi bayqilip turidu. Ätigändin başlap jiraq-yeqindin kälgän mehmanlarğa usluqqa ätkän çay berivatqan milliy kiyimlärdiki hanim-qizlar jutniŋ mehmandostluğini namayiş qilmaqta. Çoŋ Çiğan yeza okrugiğa qaraşliq Kiçik Çiğan, Qiriqquduq yeziliri bilän hoşna yeza-avullardin, şähärdin kelivatqan adämlärniŋ ayiği üzilär ämäs. Şundaq bir çağda, yäni aldin-ala bälgülängän vaqitta karnay-sürnäy sadasi astida riyasätçilär «Kšk çšşürä vä ätkän çay” festivalini oçuq däp elan qildi. Moşu yezida qutluq kätmini bilän aşliq terip, ärlär bilän täŋ işligän dehan ana Adalät Zäynavdinovağa buniŋdin top-toğra 40 jil ilgiri näq moşu küni Sotsialistik Ämgäk Qährimani atiği berilgän ekän. Qähriman aniğa duga-tägbir oqulğandin keyin mäyräm räsmiy başlandi.
Çoŋ Çiğan yeza okruginiŋ hakimi Maqsat Ospanbekov jiğilğan kšpçilikni mäyräm bilän täbrikläp, yeza okrugidiki yättä millät väkiliniŋ dostluği bilän šmlügini alahidä mämnuniyät ilkidä tilğa aldi.
– Buniŋdin biraz vaqit ilgiri «Boğusaq» mäyrimini atap štkän eduq. Äynä şu mäyrämdimu asasiy turğunlardin bolğan uyğur-qazaq hälqi birliktä qatnişip, dostluğimizni namayiş qilduq. Bügün bolsa uyğur milliy taamliridin kšk çšşürä mäyrimidä yänä ikki millätniŋ väkilliri paaliyätçanliq kšrsitip oltiridu. Tili bir, dili bir qerindaş ikki häliqniŋ taaamlirimu ortaq, – dedi u šz sšzidä.
Nahiyälik Uyğur etnomädäniyät märkiziniŋ räisi Rizaydin Äysaev kšpçilikniŋ bahar bilän täŋ kelidiğan bu hildiki milliy mäyrämlär bilän täbrikläp, kšpmillätlik nahiyä hälqiniŋ dostluği vä birligini tilğa aldi.
Almuta vilayätlik Uyğur etnomädäniyät märkiziniŋ räisi, Zakirҗan Quziev bolsa, «Män jut ähligä minnätdarliğimni bildürmän. Bügünki dostluq mäyrimidä yaşanğanlar hšrmättä, yaşlarmu hizmättä ekän. Taamlar tizilğan җozilarni arilap çiqtuq. Һär qaysiŋlar birinçi orunğa layiq. Käŋ yeyilğan dästihanda milliy taamlar bilän ätkänçay, nanniŋ onliğan türliri bärikätlik hayatmizdin deräk berivatidu. Milliy kiyim-keçäk, saz-näğmilär tarihtin uçur beridu. Täsiratim nahayiti yahşi. Şuŋa adil qazilar mukapatliq orunlarğa layiq däp bahaliğanlarni räğbätländürüşni muqäddäs pärzim däp bilimän» däp täsirati bilän bšlüşti. Novättiki natiq — tiҗarätçi Serik Aqsubaev kšpçilikni mäyräm bilän täbrikläp, nahiyälik Uyğur etnomädäniyät märkizigä hamiyliq qilişqa dayim täyyar ekänligini bildürdi. Şundaq qilip, bu küni festival'ğa Çoŋ Çiğan yezisidiki «Asimҗan Mäsimov», «Ablimit Helilov», «Lutpullam Şäripov», «Adalät Zäynavdinova», «Abduҗelil Dšlätov» komandiliri vä Qiriqquduq, Kiçik Çiğan mähälliliri bilän Çoŋ Çiğan ottura mäktivi, «Şuğıla» balilar bağçisi, Qiriqquduq yezisidiki Yarkänt ottura mäktivi vä Qiriqquduq ambulatoriyasi bolup, җämi on bir komanda qatnaşti. Täkitläş keräkki, här bir qatnaşquçi top bayqaş şärtlirigä riayä qilişqa tirişqan. Ular milliy taamlardin kšk çšşürä bilän ätkänçayniŋmu bäş türidin täyyarlap bäs-bäskä çüşti. Bu küni şundaqla ätkänçay, kšk çšşürä häqqidä şeirlar ipadilik yadqa oqulup, milliy ussul, nahşa-sazlar iҗra qilindi. Nätiҗidä kšk çšşürä mäyrimidä Baş mukapat – Gran priğa – Asimҗan Mäsimov mähällisi egä boldi. Birinçi orunğa Ablimit Helilov mähällisi ikkinçi orunğa Çoŋ Çiğan ottura mäktivi, üçinçi orunğa bolsa Qiriqquduq mähällisi munasip däp tepildi. Mukapatliq orunğa erişkän komandilarğa Çoŋ Çiğan yeza okrugi vä җumhuriyätlik vä nahiyälik Uyğur etnomädäniyät märkäzliriniŋ täşäkkürnamiliri bilän ahçiliq soğilar täğdim qilindi.
Ahirida sähnigä kštirilgän nahiyälik uyğur etnomädäniyät märkiziniŋ räisi Rizaydin Äysaev çoŋçiğanliqlarğa vä bügünki mäyrämniŋ juquri däriҗidä štüşi üçün kšp küç çiqarğan okrug hakimiyitigä, baş jigitbeşi İminҗan Ğoҗaşevqa vä Hanim-qizlar keŋişiniŋ räisi, «Pärvaz» fol'klorluq ansambliniŋ yetäkçisi Oğläm Tayirovağa nahiyä җamaätçiligi namidin minnätdarliğini izhar qildi. Mäzkür çarä-tädbirniŋ uyuşturğuçiliri «Kšk çšşürä» mäyriminiŋ kelär jili Kšktal yezisida štidiğanliğini täkitläp, gültavaqni Kšktal yeziliq Hanim-qizlar keŋişiniŋ räisi Hurşidäm Bağaevağa tapşurdi.
Mäyräm ahiri Çoŋ Çiğan ottura mäktiviniŋ oquğuçiliri, yeza sän°ät häväskarliri vä «Sahinur» ussulçilar topiniŋ qatnişişidiki kontsertliq programmisiğa ulaşti. Jut ähli uyğurçä, qazaqçä yaŋriğan nahşa-sazlar astida kšk çšşürigä eğiz tegip, ätkänçayni rahätlinip içip, bir-birigä äŋ yahşi tiläklirini izhar qilişti.

Panfilov nahiyäsi.
Sübhidin Mäŋsürov çüşärgän sürätlär.

 

Bälüşüş

Javap qalduruŋ