Nätiҗidarliq iş şäkli

0
27 ret oqıldı

Nur-Sultanda Qazaqstan hälqi Assambleyasi Räisiniŋ orunbasari – QHA Kativatiniŋ mudiri Janseyit Tüymebaevniŋ vä QHA Tiҗarätçilär assotsiatsiyasi “Jasampaz” elimiz mähsulat işläp çiqarğuçiliri konsortsiumi äzaliriniŋ qatnişişi bilän “dügläk üstäl” bolup štti.
QHA Räisiniŋ orunbasari uçrişiş qatnaşquçiliriğa iltipat bildürüp, aldimizda štküzülidiğan novättin taşqiri Prezident sayliminiŋ vaqit vä keyinki säyasiy šzgirişlär mäntiqisi täläp qilivatqan muhim vaqiä ekänligini täkitlidi.
Janseyit Tüymebaev saylamniŋ җämiyätlik razimänlikni vä umummilliy birlikni küçäytişkä yardäm qilidiğanliğiğa, häliqni mämlikät aldida turuvatqan barliq väzipilärni häl qiliş üçün җipsilaşturidiğanliğiğa qät°iy işänçä bildürdi.
– Biz tarihiy päytlärniŋ şahidliri, moşuniŋ hämmisi hakimiyät turaqliqliğiniŋ, demokratik institutlar nätiҗidarliğiniŋ däriҗisini, grajdanlirimizniŋ säyasiy mädäniyiti vä birligini namayiş qilidu. Şundaqla ihtisatni vä iҗtimaiy sahani utuqluq täräqqiy ätküzüş üçün saylamni keyingä sozmasliq muhim. Bu barliq mäsililärni birtäräp qiliş, mämlikitimiz içki vä taşqi säyasitiniŋ varisliqliğini tästiqläş imkaniyitini beridu. Biz häliqara birläşminiŋ vä çät ällärdiki şeriklärniŋ mämlikitimizdiki vaqiälärni diqqät bilän bayqap-küzitivatqanliğini untumasliğimiz keräk. Һämmimiz üçün säyasiy vä ihtisadiy yolniŋ eniqliqliği, turaqliqliği muhim, – däp täkitlidi QHA Räisiniŋ orunbasari.
U şundaqla štkän jili Elbasıniŋ QHA Tiҗarätçilär assotsiatsiyasiniŋ işini җanlanduruş tapşurmisini bärgänligini qoşumçä qildi. Mana moşu mähsättä mäzkür çarä-tädbir štüvatqan “Yutariya” fabrikisini ziyarät qiliş, şundaqla 6,5 miŋ adäm işläp, 13 regionniŋ 57 kompaniyasini šz içigä alğan “Jasampaz” elimiz mähsulat işläp çiqarğuçiliri konsortsiuminiŋ äzaliri bilän uçrişiş planlanğan. Uniŋdin taşqiri QHA Tiҗarätçilär assotsiatsiyasiniŋ barliq imkaniyätlirini paydilinip, toqulma sanaiti sahasini häliqara däriҗigä elip çiqiş kšzdä tutuluvatidu.
“Dügläk üstäl” mäҗlisidä Qazaqstan Җumhuriyiti Yenik sanaät mähsulatini işläp çiqarğuçilar ittipaqiniŋ iҗraiy mudiri Natal'ya Kuznetsova Qazaqstan Җumhuriyiti Һškümitiniŋ mäҗlisidä tästiqlängän Yenik sanaätni täräqqiy ätküzüşniŋ 2019 – 2021-jillarğa bälgülängän yol häritisini tonuşturdi.

Bälüşüş

Javap qalduruŋ