Ussulni Sahinur oynisun

0
441 ret oqıldı

Gšhärbüvi İSMAYİLҖANOVA,
«Uyğur avazi»

Sahinur Rähmidinova – Yarkänt täväsidila ämäs, bälki sän°äthumar hälqimizgä tonulğan horeograf. Käspiy ussulçi. U bu künlärdä Yarkänt gumanitarliq-tehnikiliq kolledjiniŋ muzıka bšlümidä ustazliq qilivatidu.

Yeqinda Panfilov nahiyälik Mädäniyät šyidä käspiy sän°ätkar-horeograf Sahinur Rähmidinovaniŋ ussul keçiligi bolup štti. Şuni birdinla täkitläş keräkki, bäzibir kontsert, iҗadiy käçlärgä tamaşibin jiğiş qiyin boluvatqanliği sir ämäs. Һä, bäzidä uniŋ üçün jigitbaşliriniŋ šymu-šy kirip, kontsertqa, spektakl'ğa bilet tarqitip avarigärçiliktä jürgänligimu bizgä mälum. Lekin bu iҗadiy käçniŋ bileti setilimğa çiqtimu, çiqmidimu uqalmay qalduq. Çünki bilet izdäp, “yänä qaçan uyuşturulidekän?” degän soallar bilän bizgä muraҗiät qilğanlar intayin kšp boldi. 400 orunluq Mädäniyät šyidiki tamaşibinniŋ yaş šzgiçiligigimu häyran qelip, zoqlanduq. Çünki beli mükçäygän momilar bilän yättä yaşliq gšdäkniŋmu kšzi sähnidä. Ularniŋ käypiyatiğa qarap, ussul keçiligidin bir alahidilikni kütüvatqanliğini bayqavelişqa bolatti. Mana moşundaq hissiyatlar ilkidä bizmu üçsaatliq ussul keçiligini tamaşä qilişqa muyässär bolduq.
Şundaq qilip, «Äҗdat mirasi» mavzusiğa muvapiq çirayliq bäzänländürülgän sähnidä riyasätçilär Kamunar Tursunov bilän Nurşat Ğoҗaşev Sahinur Rähmidinovaniŋ hayati vä iҗadiy paaliyitini kšpçilikkä tonuşturup, novätni ussullarğa bärdi.
Sahinur bu küni šzi tärbiyilävatqan 70 şagirti bilän äҗdatlirimizdin miras qalğan bay sän°itimizni namayiş qilalidi. Uyğurniŋ ammibap ussulliri bilän untulup ketivatqan, hä, bäzidä tehi kšpçilik behävär ussullarnimu sähniläştürüptu. Dap, legän, çinä-tähsä ussulliri hazir ammibapliqqa aylinip, ussulçi qiz-jigitlärniŋ iҗrasida sähnilärdä namayiş qilinip, uni kšrüp jürimiz. Ändi Qumul ussuli, sama vä çaç ussulini däsläpkilärdin bolup sähniläştürgän Sahinurniŋ häqiqätänmu iҗadiy izdängänligini bayqaveliş täs ämäs.
Һälhil yaştiki ussul işqivazliri bir-biridin ävrişim ussullarni babiğa yätküzüp, yüksäk maharät bilän iҗra qildi. Käspiy çevärlikniŋ ülgisini namayiş qilğan «Sahinur» ussul ansambliniŋ jigit-qizliri bääyni sähnä üçün yaralğandäk täsirat qaldurdi.
İҗadiy käçtä satira vä yumor janrida šzlirini sinap kelivatqan Kamunar Tursunov bilän Nurşat Ğoҗaşev miniatyuriliri bilän tamaşibinlarni külkigä ğäriq qildi. Nahşiçilar Molutҗan Tohtahunov bilän Abdureşit Һoşurov häm käç mehmini, Sahinur Rahmidinovaniŋ kursdişi Bähtiyar İmranniŋ sähnigä çiqişimu huş däqiqilärni hädiyä qildi.
Ahirida Sahinurniŋ ustazliri, käsipdaşliri vä maddiy җähättin qollap-quvätlävatqan märt-märdanä jutdaşliri Süriyäm Һezimova, Rehimҗan Tohtahunov, Yarkänt gumanitarliq-tehnikiliq kolledjiniŋ mudiri Bayan Sauranbaeva, nahiyälik Uyğur etnomädäniyät märkiziniŋ räisi Rizaydin Äysaev vä Çoŋ Çiğan yeza okruginiŋ hakimi Maqsat Ospanbekov, «Pärvaz» häliq nahşa-ussul ansambliniŋ yetäkçisi Oğläm Tayirova, «Ayjanqız» ussul ansambliniŋ äzaliri, nahiyälik Mädäniyät šyiniŋ metodisti Baqıtgül Bayjumaeva sähnigä kštirilip, «Sahinur» ansamblini täşkil qilip, yaşlirimizğa milliy ussullarniŋ qir-sirlirini ügitivatqan sän°ätkarğa utuq tilidi.
Biz, pursättin paydilinip, Sahinurniŋ sän°ättiki ustazlirini sšhbätkä җälip qilduq.
Oğläm TAYİROVA:
– Sahinurni bäş yeşida män rähbärlik qilivatqan ansambl'ğa anisi Banum hädä yetiläp elip kälgän edi. Şunda kiçikkinä qizçaq däsläp nahşa eytip sähnigä çiqti. Ändi ussulni bolsa, yättä yeşidin oynaşqa başlidi.
Çoŋ Çiğan ottura mäktivini äla bahalarğa tamamlap, Yarkänttiki kolledjniŋ uyğur tili vä ädäbiyati bšlümigä oquşqa çüşüp, äla oquşi bilän billä kolledjdiki «Ayjanqız» ansambliniŋ äzasi boldi. Sahinur hazir ussulçilarniŋ ustazi. «Sahinur» ansambli äzaliriniŋ qol yätküzüvatqan utuqliri az ämäs: «Dala sazı», «Biz baqıttı balamız», «Jaz festival'» qatarliq җumhuriyätlik bayqaş-festival'larniŋ baş mukapitini yeŋivaldi. Män uniŋ sän°ät yolidiki däsläpki ustazi bolğaçqa, bügün bšläkçä hayaҗanlinip, tävrinip turimän.
Süriyäm ҺEZİMOVA:
– Ömürlük җüptüm Dilşat Nasirov ikkimiz buniŋdin biraz vaqit ilgiri Sahinurdäk ussulçi, Abdureşit vä şuniŋğa ohşaş onliğan nahşiçi vä sazändilärniŋ beşini qoşup, milliy sän°itimizni täräqqiy ättürüş mähsitidä «İradä» nahşa-ussul ansamblini täşkil qilduq. Ularniŋ käspiy sän°ätkarlardin bilim elişini haliduq. Şundaqla ŞUARdiki Sän°ät institutida bilim elişiğa qol uçimizni bärduq. Şunda Sahinur HHҖniŋ Beҗin dšlät universitetiniŋ birinçi däriҗilik ussulçisi Rizvangül İbrahimda tärbiyä aldi. Uniŋ «Sahinur äҗayip qabiliyätlik şagirt. Män işinimänki, şagirtim moşu hilda oqup, tirişip izdänsä, u çoqum birinçi däriҗilik ussulçi bolidu», däp aq tiligini izhar qilğan edi. Bügün biz äynä şu küngä yättuq. Sahinur ussul üçünla yaralğan ekänligini ispatlidi.
Rehimҗan TOHTAHUNOV:
– Sahinur bügünki iҗadiy keçiligigä nahayiti durus mavzu talliğan. Stsenariy muällipi Äkvärҗan İsmayilҗanov ikkisiniŋ kšp izdängänliginiŋ nätiҗisidä biz üç saat äҗdatlirimizniŋ ussulliriniŋ ävlattin-ävlatqa qelip, untulmay saqlinivatqanliğiniŋ guvaçisi bolduq.
Gülҗahan MURATOVA:
– Mänmu Sahinurni kiçigidin yahşi bilimän. Nahayiti tirişçan qiz. U kolledjdin keyin, Almutidiki Qizlar dšlät pedagogika universitetida oqudi, Ürümçidiki Sän°ät institutida tähsil kšrdi. Bügün u šziniŋ nemigä qadir ekänligini toluq namayiş qildi. Sahinurniŋ ata-anisi Nariman vä Banumğa minnätdarliğim çäksiz.

Panfilov nahiyäsi.

Bälüşüş

Javap qalduruŋ