Ğäyrätlik ustilarniŋ ğäyriti

0
105 ret oqıldı

Hoşna Qoram yezisidin bir kişi ğäyrätlik Rehimҗan akiniŋ tehnikidin häviri bar usta-mehanik ekänligidin hävär tepip, buzulup qalğan traktorini җšndäp berişni iltimas qilidu. Rehimҗan aka uniŋ hšddisidin çiqidu. Şuniŋdin keyin uniŋda tehnikiğa nisbätän alahidä bir hahiş päyda bolidu. Başta motoblog quraşturidu. Amma u etiz-eriqqa berip-kelişkä yariğan bilän yärgä işläşkä küçi yätmätti. Keyin tšrt at küçi bar minitraktor yasap, uni sinaqtin štküzdi. Yaman ämäs. Etiz-eriq işliriğa yaridi. Andin u tehnikini setivalğuçilarmu tepildi. Eytiş keräkki, ularmu škünmidi. Şuniŋdin keyin Rehimҗan aka traktor “käşip qilişni” җiddiy qolğa aldi. Nätiҗä yaman ämäs, bügünki küngiçä bäş traktor yasap, heridarliriğa tapşurdi.
Keyinki çağlarda, salamätligigä bağliq, iş tohtap qalğandäk bolsimu, štkän jili Rehimҗan aka yezidiki tehnikidin häviri bar, qolidin iş kelidiğan jigitlärni jiğdi. Mähsiti – šzi başliğan işni tehimu җanlanduruş häm bu hünirini keyinki ävlatqa qalduruş. Küzdä, etiz-eriq işliri selikip qalğanda, jigitlär mäslihätlişip, işni başlavätti.
Halmurat Mähsütov, Dilmurat Kebirov, Mäŋsür İsmayilov, Şahzat Zunun, Abbas Yähiya, Muslim Mustafaev, Pidähmät İliyasov – bularniŋ hämmisi Rehimҗan akiniŋ şagirtliri. Ular ustaziniŋ rähbärligidä bekar yatqan tšmür-täsäklärdin quraşturup, qolidin kelişiçä birdin-bir şundaq minitraktorlarni yasap çiqti.
Mälum boluşiçä, ularniŋ içidiki Dilmurat minitraktor yasaşni helä jillar burun qolğa alğan ekän. Keyin ustaziniŋ kšp ğämhorluq qilişi tüpäyli, jürüşmäy qalğan işlirini maŋğuzuvaldi. Uniŋ tehnikisi 4,5 at küçigä egä. İkki korpusluq soqa, çšnäk alidiğan vä yaŋiyu yapidiğan agregatliri bar.
Halmuratniŋ minitraktorida 5,5 at küçi bar, hazirçä u çšnäk tartidiğan agregatini sinaqtin štküzüvatidu. Şahzadniŋ «yeŋi tehnikisida» säkkiz at küçi bar, çšnäk tartidiğan vä çšp toğraydiğan agregati moҗut. Pidähmätniŋ on at küçi bar dizel'liq minitraktori vä biraz agregatlirimu bar edi. Uni җiyänigä soğa qilivetip, hazir yänä birini yasavatidu. Abbas bilän Muslimniŋmu juqurida atalğan agregatliri işqa täyyar.
Rehimҗan aka şagirtliriniŋ işidin bäk mämnun. Sävävi, här jili ätiyaz kelişi bilän etiz-eriq işlirida traktorlarniŋ qarisi kšrünsä, dehanlar ularniŋ käynidin jügräp haläk. Sävävi, yezida tehnika az. Ülgirälmäydu. Moşundaq çağda minitraktori barlar vaqitni ğenimät paydilinip, biraz işlirini pütirivalidu.
Şahzatniŋ eytişiçä, yeŋi tehnikilar «җanğa äsqetivetiptu». Yeqilğunimu helä ihtisat qilidekän.
Jigitlär minitraktordin başqa, quruluşta paydilinidiğan beton arilaşturğuç, tšmürni qayta işläydiğan äsvap-üskünilärni vä kündilik turmuşta paydilinidiğan başqimu haҗätlik qurallarni yasap çiqqan.
Eytmaqçi, biyil yezimizda Noruz mäyrimidä yaş tehniklarniŋ däsläpki kšrgäzmisi uyuşturulup, u yärdä minitraktorlarni jutdaşlirimiz kšzdin käçürdi vä sämimiy pikrini eytip, işliriğa utuq tilidi.
Maqalimizniŋ ahirida şuni täkitläşkä toğra keliduki, hazir җay-җaylarda, bolupmu yeza-käntlärdä juqurida ismi atalğan häväskarlar ohşaş yaş usta-tehniklar yetärlik. Yaşlar jilida äşundaq talantliq balilirimizni izdäp-tepip, ularğa käspiy bilim vä täҗribä elişqa mümkinçiliklär yaritilsa, nur üstigä nur bolar edi.

Abdulҗan AZNİBAQİEV.
Ämgäkçiqazaq nahiyäsi.

Bälüşüş

Javap qalduruŋ