Yalğuz yaldama

1
151 ret oqıldı

Uluq Ğalibiyätkä meniŋ ävladimniŋ qoşqan hässisimu zor. Şuŋlaşqa pähirliniş ilkidä qolumğa qäläm aldim. Çünki ular bizniŋ paravän turmuşimiz, parlaq keläçigimiz üçün җenini pida qildi. Anam Mäyminäm rämiti hayat vaqtida Ğalibiyät mäyrimi küni, muŋlinip, çoŋ vä kiçik dadilirim häqqidä sšzläp berätti.
Kiçik Dehan yezisidin ikki çoŋ dadam vä bir kiçik dadam uruşqa ketip, qaytip kälmigän ekän. Päqät kiçik dadam Molut Gayitov Qariğanda şähiridiki härbiy qisimda täyyarliqtin štüpla qaytip käptu.
Çoŋ dadam Muhpul Gayitov yezida däsläp traktor ruliğa oltarğan adämlärniŋ biri bolğan. Uniŋ ayali Gülşämhan Zayirova yezida däsläpki pioner täşkilatini uyuşturğan. Kiçik çağlirimda çoŋ apamni mäktäpkä çaqirip, hšrmätlik pioner süpitidä boyniğa qizil galstuk taqiğanda män intayin hoşal bolattim. Ularniŋ qizi Äynüräm, oğulliri Ämirdin vä Ruminlar, ana jutida ämgäk qilip, yezimizniŋ täräqqiyatiğa šz hässisini qoşup, ailä qurup, balilirini tärbiyiläp qatarğa qoşti. Amma ularniŋmu baliliq çeği uruş jilliriğa toğra kälgänliktin, çoŋlar bilän birqatarda ämgäkkä ätigän arilişip, qiyinçiliqlarni tartti.
Yänä bir çoŋ dadam İmrämzi Gayitov, җüpti Ruqiyäm Abläsänova ikkisi yezida komsomol yaçeykisini başqurup, yaşlar arisida paal iş elip barğan. Çoŋ dadam uruştin qaytmidi. Ularniŋğu çiriğini yandurğidäk räpiqiliri, baliliri qaldi, izi šçmidi, däp şükri kältürisän. Äpsus, kiçik dadam Näsirdin Gayitovtin yalğuz moşu sürätla qaptu.
U 1941-jili 18 yeşida Yarkänt şähiridiki pedagogika tehnikumini tamamlap, ändila işläşkä yollanma alğanda, uruş başlinip, däsläpkilärdin bolup mäydanğa atlanğan. Uni kšrgän çoŋlarniŋ eytişiçä, alaytänla kelişkän, barliq saz äsvaplirini çalidiğan, çevär ussulçi vä nahşiçi bolğan ekän. Uniŋ talanti toğriliq alim, uruş veterani Tuğluqҗan Talipov šziniŋ kitavida eniq yazğan. U mäydanda uyğurçä nahşini üşqetip eytip, pulemetini tazilavatqan Näsirdin bilän tonuşup qalidu. İkkisi hoşlişiş aldida kiçik dadam: «Aman-esän uruştin qaytip barsaq uçrişarmiz, ägär mabada uruştin qaytmisam, saz-näğmä bolğan yärdä meni esiŋlarğa elip qoyuŋlar», degän ekän.
Bäzidä qizim Aznämniŋ sän°ätkar bolup yetilişi — kiçik dadamdin dariğan boluşi keräk däpmu oylaymän.
Kiçik dadam bu räsimni 1942-jili җäŋ mäydanida çüşüp ävätkän ekän. Anam rämätlik: «Bu sürätni yoğartip, šyüŋgä ilip qoy, jütärmigin, moşu sürättin başqa uniŋdin heçnärsä qalmidi» däp tapşurğan edi maŋa. Uni šyümizniŋ tšrigä ilip, ismini jürigimniŋ qetida saqlavatimän. Çünki maŋa kiçik dadamdin moşu sürättin başqa heçnärsä qalmidi. Uni bilidiğan, äsläydiğan çoŋlarmu yoqniŋ ornida. Mäyräm künliri ağiniliri šyümizgä kirip, uniŋğa atap bir jutum su içidiğan, ändiçu! Kiçik dadamniŋ izi pütünläy šçüp ketip barğandäk sezilidu maŋa…
Uruş qançilik aililärgä därt-häsrät elip käldi desiŋizçu! Kšpligän insanlar ailisidin, qerindişidin, җüptidin, atisidin ayrilip häsrät çäkti. Momimiz Nurhan üç balisiniŋ därdigä çidalmay yaşla šlüp kätti. Adämlärni qahşatqan mundaq dähşätlik uruş ändiki ävladimizniŋ beşiğa kälmisekän däp tiläymän.
Helipäm ҺÄMRAEVA,
peşqädäm ustaz.

Bälüşüş

1 izahät

  1. Teçmusilär. Helipam hädä rähmät amät yar.
    Yazğanliriŋ kšŋülgä qondi. Aŋlimiğan yeŋi qirliri qerindaşlirimniŋ bäk hoş qildi. Tiligiŋgä qoşulumän uruş apitidin hudayim saqlisun. Rähmät

Javap qalduruŋ