Veteranni yoqlidi

0
51 ret oqıldı

Gšhärbüvi İSMAYİLҖANOVA,
«Uyğur avazi»

Panfilov nahiyäsi boyiçä Uluq Vätän uruşiğa qatnaşqan veteranlardin hazir päqät ikkisila hayat. Ularniŋ yeşi tohsändin aşsimu heli timän, hatirisi sağlam. Җäŋçi atilar bilän sšhbätlişip qalsiŋiz, därru kšzlirigä yaş alidu. Aridin 74 jil štsimu, u künlärni untuş täs. Yarkäntlik ikki veteranniŋ biri — Yaqup Danahunov Çoŋ Çiğanda yaşaydu.

Biz bilän bolğan sšhbät başlinar-başlanmayla u yaşaŋğirap qalğan kšzlirini qol yağliği bilän sürtüp qoydi. Ätimalim, ot bilän oqniŋ arisida jürgän künliri yadiğa çüşsä keräk…
— Bizniŋ tegi-täktimiz Uyğur nahiyäsiniŋ Dolata yezisidin, — däp sšzini başlidi aqsaqal. — Ata-anamdin kiçik ayrilip, jitimçiliqniŋ därdini kšp tarttim. Һätta mäktäp degänniŋ işiginimu açmaptimän. Özämniŋ idrigim bar ohşaydu, mäktäp kšrgän qurdaşlirim bilän jürüp, ançä-munçä savat açqandäk boldumdä, yoqsizçiliqniŋ därdi, tirikçilikniŋ ğemi bilän bolup, etiz-eriqni makanlap jürduq. Atisiz, anisiz qelip, beşimni siypaydiğan, maŋa ğämhorluq qilidiğan heçkim bolmidi. Anam dadamniŋ apisi Selimhan momam bilän kiçik dadamniŋ Yarkäntkä kšçüp kätkänligini eytip, «mümkin bolsa, şularni izdäp tapqin» däp җekätti. Uluq Vätän uruşi başlanğanda on säkkiz jutdişim bilän mänmu mäydanğa atlandim. Däsläp Ukrainida altä ay täyyarliq kursida oqup, mäşğulatlar jürgüzduq. Biz, yeza baliliri, hät tonumaymiz, şundimu aldi bilän qural-yaraqni etişni ügätti.
Ya.Danahunov Litva, Estoniya vä Belorussiyani azat qiliş üçün şiddätlik җäŋlärgä qatnaşqanliğini eytip bärdi. Yaqup atiniŋ sağlam hatirisi bizniŋ häväsimizni oyğitip, uniŋğa bolğan hšrmitimizni aşurdi. Şiddätlik җäŋlärniŋ biridä u qolidin yaridar bolup, Çelyabinsk şähiridiki gospital'da davalanğan. Ğalibiyätni şu yärdä qarşi elip, 1946-jili šyigä qaytidu. Bu qetim u kindik qeni tškülgän Dolatiğa ämäs, bälki Yarkäntkä ketişni qarar qilidu.
– Baharniŋ huddi moşundaq gül çeçäklärgä oranğan küni edi. Yarkäntkä kälgän künlirimni til bilän yätküzüş äsla mümkin ämäs. Bu yärdä kiçik dadam bilän momam meni bağriğa besip qarşi aldi. Şuniŋdin keyinla, män yarkäntlik bolup qaldim, – däp äsläydu veteran.
Yaqup Danahunov qolidiki җarahätkä qarimastin, ilgärki «Oktyabr'niŋ 40 jilliği» namidiki kolhozda ämgäk qildi. U etiz-eriq işliriğa arilişip kätti. Aşliq tärdi, su tutti, hšrmätlik däm elişqa çiqqiçä bärpakarliq ämgäk ätti. Yarkäntlik Ziläybüvi ana bilän ailä qurup, bir pärzänt sšydi. 1995-jili räpiqisidin ayrilğan ata hazir qizi Gülistan, küyoğli Һämraҗanlarniŋ qolida turidu. Ulardin ikki nävrä, altä çävrä sšydi.
Yeqinda nahiyä hakimi Temirlan Bektasov, «Nur Otan» partiyasi Panfilov nahiyälik şšbisi räisiniŋ orunbasari Qanat Dosmayilov, Çoŋ Çiğan yeza okruginiŋ hakimi Maqsat Ospanbekov, uniŋ orunbasari Rehanbüvi Baratova, nahiyälik mäslihätniŋ deputati, Yarkänt ottura mäktiviniŋ mudiri Murat Äjibekov däsläpkilärdin bolup uruş veteranini yoqlap, mäyrimi bilän täbriklidi.
Panfilov nahiyäsi.

SÜRÄTTÄ: Çoŋ Çiğan yeza okruginiŋ rähbärligi uruş veteraniniŋ hozurida.

Bälüşüş

Javap qalduruŋ