Tallanma komanda tärkivigä kirdi

0
50 ret oqıldı

Qazaqstan Җumhuriyitiniŋ yazliq spartakiadisi ayaqlaşti. Mäzkür turnirda Almuta şähiriniŋ tallanma komandisi tärkividä bolğan Dilmurat Meҗitov (sürättä oŋda) šz salmaq däriҗisidä birinçi orunni egilidi.

Yoldaş MOLOTOV,
«Uyğur avazi»

Biyil spartakiada bäşinçi qetim štti, — däydu Qazaqstanniŋ hizmät kšrsätkän mäşiqländürgüçisi Dolqun Kamekov (sürättä solda). — Mäzkür turnir däriҗisi boyiçä Qazaqstan çempionati bilän täŋ. Bu turnir ğalipliri elimizniŋ tallanma komandisi tärkivigä elinidu. Älvättä, spartakiadiğa qatnişiş aldida härbir region sportçiliri arisida tallaveliş musabiqiliri štidu. Şu musabiqilarda ğalip çiqqanlarla spartakiadiğa qatnişidu. Demäk, küçlük boksçilarla ringqa çiqidu. Dilmurat šz salmaq däriҗisi boyiçä (64 kg.) Almutida birinçi orunni egilidi. Hoşal qilğini, şagirtim moşu turnirda elimiz boyiçä šz salmaq däriҗisidä äŋ küçlük boksçi ekänligini yänä bir qetim dälillidi. Almuta komandisi tärkividä päqät Dilmuratla utuqqa yätti. Ändi Dilmurat milliy tallanma komanda tärkividä çoŋ häliqara musabiqilärgä, şuniŋ içidä duniya çempionatiğa qatnişidu. Һämmimizgä mälum, hazir novättiki Olimpiada oyunliriğa tallaveliş başlandi. Dilmurat üçün bu yahşi pursät. Bu pursätni qoldin bärmäymiz. Uniŋ üçün nurğun tär tšküş keräk. Meniŋ mähsitim — Olimpiada çempionini tärbiyiläş. Moşu arminimğa yetidiğinimğa ümütim bar.
Täkitläş lazimki, Dilmurat Meҗitov mäzkür turnirdiki birinçi «җeŋidä» räqivini nokaut bilän yäŋdi. İkkinçi räqivinimu şundaq tiz püktürdi. Finalda bolsa, u räqividin besim küçkä egä ekänligini üç raund davamida dälilläp turdi.
Spartakiada yäkünliri boyiçä komandiliq hesap boyiçä Nur-Sultan şähiriniŋ komandisi — birinçi, Maŋğistav vilayitiniŋ komandisi — ikkinçi, Türkstan vilayitiniŋ komandisi üçinçi orunlarni egilidi. Almuta komandisi bolsa, bäşinçi orunğa erişti. Juqurida eytqinimizdäk, Dilmurat Meҗitov Almuta komandisi tärkividiki birdin-bir ğalip çiqqan boksçi. Päqät uniŋ utuği tüpäylila komanda bäşinçi orunğa kštirildi.
Älvättä, bu yärdä Dilmuratniŋ şähsiy mäşiqländürgüçisi Dolqun Kamekov häqqidä tohtilip štüş toğra bolsa keräk. Dolqun elimizdä sportniŋ kikboksing türini täräqqiy ätküzüştä çoŋ tšhpä qoşqan mäşiqländürgüçilärniŋ biri. Kikboksing boyiçä birnäççä duniya çempionini tärbiyiläp çiqti. Keyinki jillarda boksçilarni mäşiqländürüp kelivatidu. Һazir u Almutidiki sport mahirliriniŋ aliy mäktividä işläydu. Qoşumçä qilsaq, qizlar arisida elimizdiki küçlük boksçilarniŋ biri — Rano Pärhatovamu uniŋ şagirti.

Bälüşüş

Javap qalduruŋ