Meniŋ mehrivan muällimim

0
23 ret oqıldı

Muällim — u dilğa nur bärgüçi quyaş. Uniŋğa bolğan minnätdarliğimni addiy til bilän yätküzüş täs. Äynä şundaq muällimlärniŋ biri Päridäm Qurbanniyazovadur. U bizgä matematika pänidin däris beridu. Päridäm Ğoҗihapizqizi bu künlärdä 60 yaşliq baharini qarşi almaqta. Öz käspigä sadaqät kšrsitip kälgän u aŋliq hayatiniŋ 40 jilini maarip sahasiğa beğişlap, yüzligän şagirtlarni mustäqil hayatqa uçum qildi. 25 jil mäktäp mudiriniŋ oquş işliri boyiçä orunbasari bolup işläp, kollektiviniŋ häm Tuzdıbastav jut-җamaätçiliginiŋ izzät-ehtiramiğa bšländi. Şähsän män mana moşundaq kšpçilikniŋ ihlasiğa bšlängän insan bilän häqliq yosunda pähirlinimän vä šzämgä härdayim ülgä tutimän. Keläçäktä mänmu Päridäm muällim ohşaş ülgilik ustaz häm kšyümçan ana bolğum kelidu. Çünki u bizgä däris beriş bilänla çäklinip qalmay, hayatniŋ sinaqliridin sürünmäy štüşimiz üçün šziniŋ aniliq mäslihitini berip, yol-yoruq kšrsitip kelivatqan ğämgüzar ana. Ustazimiz härbir oquğuçiğa šziniŋ balisi ohşaş huş muamilä qilidu.
Mana bizmu sanaqliq künlärdin keyin mäktäp bosuğisidin çoŋ hayatqa atlinimiz. Demäkçi bolğinim, biz ana mäktivimiz bilän hoşlişip kätsäkmu, bizgä aŋliq bilim, süpätlik tärbiyä bärgän muällimimizni äsla untumaymiz. Päridäm Qurbanniyazova pütkül hayatimizda heç ästin kätmäydiğan, jürigimizdin mäŋgügä orun egiläydiğan mehrivan muällimlärniŋ biri bolup qalğusi.
Pursättin paydilinip, Päridäm Ğoҗihapizqizini tävälludi bilän qizğin täbrikligäç, mustähkäm salamätlik vä, älvättä, qut-bärikät tiläymiz.

Ramiläm RAFAİLQİZİ,
31-Tuzdıbastav ottura mäktiviniŋ 11-sinip oquğuçisi.
Talğir nahiyäsi.

Bälüşüş

Javap qalduruŋ