Qähriman anilar

0
84 ret oqıldı

Rähimsiz uruş tarihqa qanliq häriplär bilän yezildi. Uni baştin käçürgän talay insanniŋ jürigidä saqaymas yara saldi. Täliyimizgä, biz u künlärni kšrmiduq, amma uruş häqqidä aŋlaşniŋ šzi dähşätlik. Teçliq üçün küräşkän qährimanlarniŋ tartqan җapa-mäşäqiti häqqidä aŋliğanda, çeçi aqirip, beli mükçäygän mštivärlärniŋ üzidiki qatmu-qat qoruqlarniŋ sirini çüşängändäk qilimiz. Äpsus, teçliq üçün küräşkän qädirdanlirimizniŋ qatari jildin-jilğa azaymaqta. Bügünki kündä härbir yezida kšpni kšrgän yaşanğanlar barmaq bilän sanavalğidäkla…

Sabiräm ÄNVÄROVA,
«Uyğur avazi»

Җümlidin çoŋaqsuluq Ayim ana (solda) bilän Gülsüm anini (oŋda) uşbu jutniŋ kšz qariçuqliri desäkmu bolidu. Һär ikkilisiniŋ baliliği qanliq uruşniŋ qaramtu künlirigä toğra kälgäçkä, štmüşini äslisä kšzlirigä yaş alidu. Ular oyunniŋ nemä ekänligini bilmäy šsti. Lekin oqätniŋ äŋ eğirini qildi. Qähriman anilarniŋ mäydisidiki yultuzluq medal'liri ularniŋ tinimsiz ämgiginiŋ, kšrsätkän ärliginiŋ yarqin ispatidur.
Ayim ana İlahunova 1924-jili duniyağa käldi. Uruş başlanğanda u ändila 17 yaşta edi. Ömürlük җüpti җäŋ mäydaniğa atlinip, qaytip kälmäydu. Tehi tuğulmiğan pärzändi bilän tul qalğan yaş ana täğdiriniŋ yazmişiğa kšndi. Kündüzi etizda kätmän çepip, oma orup tär tšksä, keçisi qoliğa begiz elip kiyim toquydu. Ana yaşqa tolğan nurluq kšzlirini issiq aliqinida sürtüp, aççiq «uh» tartti. Muhittäk çoŋqur oy yatqan kšzliridin eytari nurğun ekänligi bilinip tursimu, җapani kšp tartqan yaşanğanniŋ biz bilän sšhbät qurğidäk mağdiri bolmidi. İçidiki bar muŋ-därdini tšküşkä tämşälgän mštivär bizgä «teçliq» degän sšzniŋ qädir-qimmitini uqturğusi kälgändäk, täkrar-täkrar Alladin yär-yüzidä teçliq boluşini soridi.
Bizgä Ayim aniniŋ hayati häqqidä qizi Mervanäm qisqiçä sšzläp bärdi. Uniŋ eytişiçä, Ayim ana kolhozda işläp, mal beqip, keyiniräk kolhozniŋ balilar bağçisida tärbiyiçi, andin uniŋ rähbiri bolup ämgäk qilğan ekän. 1982-jili hšrmätlik däm elişqa çiqidu. Uluq Ğalibiyätniŋ barliq tävälludluq medal'liriniŋ sahibi Ayim ana Qazaqstan Җumhuriyitiniŋ Tunҗa Prezidenti N.Ä. Nazarbaevniŋ Täşäkkürnamisi bilänmu täğdirliniptu.
Hoş, maqalimizniŋ yänä bir qährimani Gülsüm aniniŋmu yaşliq dävri Ayim aniniŋkidin ançä päriqlinip kätmäydu. 1928-jili Çoŋ Aqsu yezisida tuğulğan Gülsüm Muşrapilova uruş başlanğanda 13 yaşta edi. Umu baliliğini äslisä, etiz-eriq işlirini tilğa alidu. Oğaq bilän oma orup, tügmändä un tartip, süzülüp taŋ atqiçä uyqa kšrmäy, çiğdin ağamça toqiğan künlärdin sšz qildi.
Gülsüm ana 1935-jili Çoŋ Aqsu ottura mäktiviniŋ bosuğisidin atlap, uni 1945-jili tamamlaydu. Şu jili Podgornoe (hazirqi Qirğizsay) yezisidiki balilar šyigä tärbiyiçi bolup ävätilidu. 1947-jili Çoŋ Aqsu jutiğa qaytip kelip, mäktäpkä işqa orunlişidu. Ğoҗähmät Qurbanov bilän turmuş qurup, yoldişi bilän birliktä pedagogikiliq uçiliöeni sirttin oqup tamamlaydu. 1949-jili başlanğuç sinip muällimi bolup iş-paaliyitini başlap, 1956-jili KazPİniŋ himiya-biologiya muällimi diplomini alidu. Aŋliq hayatini bala tärbiyisigä beğişlap, başlanğuç sinipniŋ muällimi retidä hšrmätlik däm elişqa çiqqan Gülsüm ana maarip sahasida nurğun utuqlarni qolğa kältüridu. Uniŋ 1978-jili Almuta vilayitidä bolğan muällimlärniŋ V qurultiyiğa häm muällimlärniŋ җumhuriyätlik V qurultiyiğa delegat bolup saylanğanliğini häm «Qazaqstan maarip älaçisi» medali häm «Һšrmät Bälgüsi» ordeni bilän täğdirlängänligini atap štüş orunluq.
Bügünki kündä Ayim ana bilän Gülsüm ana nävrä-çävrä sšyüp, ailisiniŋla ämäs, jutiniŋ bärikitigä aylanğan äziz җanlar. Hulläs, ular җäŋ mäydaniğa kirip, oq atmidi. Lekin arqa säptä ata-bovilirimizniŋ ğemini qildi. Jutniŋ tirigi bolup, aq biläklirini qapartip, yäŋni türüp ärlärdäk tär tškti. Şuni untumasliğimiz keräkki, mana şu qädirdanlarniŋ qan-täri bädiligä biz bügünki bähitlik turmuşqa qol yätküzduq. Şuŋlaşqimu ular biz üçün Qähriman anilar!

Bälüşüş

Javap qalduruŋ