Uyğur kelini bolğan Tat'yana

0
48 ret oqıldı

Sabiräm ÄNVÄROVA,
«Uyğur avazi»

Tat'yana Bondarçuk Ukraininiŋ L'vov vilayitidiki meditsina tehnikumini tamamlap, L'vov şähärlik dohturhanisida işläp jürginidä, Uluq Vätän uruşi başlinip ketidudä, ağriqhana nemislarniŋ gospitaliğa aylinidu. Bu mäzgildä Tat'yana partizanlar otryadliriğa dora-därmäk yätküzättekän. Keyin nemislar buni bilip qelip, kontslager'ğa ävätivetidu. Qisqisi,1944-jili küzlügi Tat'yana «häliq düşmini» atilip, qamaqqa elinidu. Bir qiziği, avatliq Avdun Anayätovmu 1942-jili Litvada äsirgä çüşkänligi säväplik Stalinçä täqipläş lageriğa ävätilgän ekän. Täğdirniŋ yazmişi bilän ikki yaş moşu yärdä tonuşup, rus qizi uyğur jigitigä turmuşqa çiqidu. Mana şuniŋdin etivarän Tat'yana Bondarçuk Tat'yana Anayätova atilip ketidu.
1953-jili yazda här ikkilisi aqlinip, Avdun Anayätov haŋda, Tat'yana Anayätova – dohturhanida hizmät qilişqa başlaydu. 1957-jili qerindaşliriniŋ täklivi bilän Avdun Anayätov räpiqisini elip, Uyğur nahiyäsiniŋ Avat yezisiğa qaytip kelidu. Däl şu päyttä Uyğur nahiyäsidä dohturlar yetişmätti. Tat'yana Anayätova Avat jutiniŋla ämäs, hoşna orunlaşqan yezilardiki ahaliniŋmu hizmitidä bolidu vä ta hšrmätlik däm elişqa çiqqiçä Avat ambulatoriyasidä ämgäk qilidu.
Bemarlarni davalap, aŋliq hayatida päqät bir sahada, bir orunda hizmät qilip, häliqniŋ salamätligi üçün küräşkän Tat'yana Anayätovaniŋ ismini jutdaşliri helikäm pähirliniş ilkidä tilğa elişimu bekar ämäs. Çünki u bu jutniŋ kelinila ämäs, huddi qizidäk bolup ketidu.
Һä, Avdun Anayätov ana jutiğa qaytip kälgändin keyin kolhozda ämgäk qilidu. Ular Zäynäphan, Rahathan, Rahiläm, Rustäm isimliq tšrt pärzänt sšyidu. Bügünki kündä qizi Zäynäphan bilän ikki nävrisi Tat'yana Anayätovaniŋ izini davamlaşturup kelivatidu.
Avatliqlar yeqinda ularni äsläp štüşti. Tonuydiğanlar šzliriniŋ äslimiliri bilän bšlüşti. Bügünki kündä Anayätovlar ävladiniŋ 12 nävrä, 26 çävrisi bova-momisiniŋ ibrätlik sšzlirini, mäşäqätlik ämgigini äskä elip, särgüzäştilik hayatidin hekayä qilişidu.
Eytmaqçi, bu qisqa maqalimiz qährimanliriniŋ täğdirini äslitidiğan yaki bolmisa uruştin keyinki teçliq hayat dävridä täğdir täqqazisi bilän tepişip qalğan bäynälmiläl aililärni härbir yezida uçritişqa bolidu. Һätta uyğurlarğa kelin bolğan šzgä millät väkilliriniŋ arisida uyğurçini bäzi ana tilini bilmäydiğan qerindaşlirimizğa qariğanda yahşiraq sšzläydiğanliğiniŋ guvaçisi bolup jürimiz. Biraq bu başqa mavzu. Lekin җimiki yahşiliqniŋ millätlärara dostluqtin başlinidiğanliği eniq. Äynä şundaq dostluq elimizda äzäldin beri qeliplaşqan ekän, uni kšzümizniŋ qariçuğidäk saqlaş, keläçäk ävlatqa amanät süpitidä tapşuruş – Һärbirimizniŋ muqäddäs borçidur.

Bälüşüş

Javap qalduruŋ