“Arzu” Avatta kontsert qoydi

0
54 ret oqıldı

Raşidäm RÄҺMANOVA,
«Uyğur avazi»

Yeqinda Häliqara festival'larniŋ laureati, biyil qurulğiniğa 60 jil bolğan Uyğur nahiyälik «Arzu» nahşa-ussul häliq ansambli Ämgäkçiqazaq nahiyäsiniŋ Çeläk, Bayseyit, Malivay häm Avat yezilirida gastrol'da bolup, sän°äthumar tamaşibinni bährimän qildi.
Ansambl'niŋ tarihiğa qisqiçä tohtalsaq, u 1959-jili Uyğur nahiyäsiniŋ Çoŋ Aqsu yezisidiki «Ämgäk» kolhozida häväskarlar šmigi retidä qurulup, ansambl' qisqa vaqitniŋ içidila nahiyä häm Almuta vilayiti dairisidä šz hünirini namayiş qildi. Moskva şähiridä štkän pütkülittipaqliq ämgäkçilär sän°ät festivalida Pol'şida štkän häliqara kšrüktä mukapatliq orunğa erişip, 1962-jili “häliq ansambli» degän märtivisini aldi.
Atap ketiş keräkki, bu yärdä ansambl'niŋ şu vaqittiki rähbiri, Özbäkstanniŋ hizmät kšrsätkän artisti Sultanmurat Räzämovniŋ äҗri kšp boldi. Älvättä, härqandaq sän°ätkarniŋ härtäräplimä paaliyät elip berişi üçün uniŋğa maddiy vä mäniviy yardäm haҗät. 1974-jili ansambl' Uyğur nahiyälik partiya komitetiniŋ birinçi kativi Һaşim Arzievniŋ qollap-quvätlişi bilän qayta täşkilländi. Şundaqla ansambl'ğa ismi kšpçilikkä yahşi mälum rähbär Ğupa Abdumanapovmu alahidä ğämhorluq kšrsätti. Ändi uniŋ repertuariniŋ yeŋilinişida märhum muzıkant, akademik Azitim Burhanovniŋ ämgigi häm ülüşi zor boldi.
Uniŋğa här jillarda Şamahun Nurumov, Yunus İmirov, Säydalim Amutov, Ul'yan Qurbanniyazov, Halimäm Şavaeva rähbärlik qildi. 1985 –1988-jillar ariliğida «Arzu» häliq talantliriniŋ pütkülittipaqliq festivaliğa qatnişip, ikki märtä «Kiçik altun» medali bilän mukapatlandi.
Eytmaqçi, ämgäkçiqazaqliq qerindaşlar üçün «Arzu» ansambli intayin mäzmunluq kontsert täyyarlap käptu. Avat Mädäniyät šyidä štkän kontsertni ansambl' «Özhal» muqami sänimi» bilän eçip, birdinla tamaşibinlarniŋ güldiras alqişiğa sazavär boldi.
Täkitläş lazimki, 60 jilliq tävälludini nişanlavatqan ansambl' täräqqiyatiğa 40 jildin oşuq hayatini särip qilip, talay sän°ätkarlarni tärbiyiligän Uyğur nahiyäsiniŋ Pähriy grajdini, nahşiçi häm muqamçi Qasimҗan Muhtärov, şundaqla uzun jillar mabaynida ansambl'niŋ iҗadiy rivaҗlinişiğa davamliq ülüş qoşup kelivatqan talantliq nahşiçi Svetlana Qurbanniyazova orunliğan nahşilarnimu tamaşibinlar davamliq alqişliri bilän qarşi aldi.
Ansambl'niŋ başqimu sän°ätkarliri täripidin iҗra qilinğan nahşa-saz, ävrişim ussullar, «Lotereya bileti» vä «Toydiki sazändilär» miniatyuriliri šz däriҗidä orunlinip, ämgäkçiqazaqliq tamaşibinlarğa juquri käypiyat beğişlap, hoşalliq dämliridin bähirliniş imkaniyitini yaratti.
Kontsert ahirida ansambl'niŋ rähbiri Gülmira Mähpirova yeza-yezilardin kälgän mehmanlarğa minnätdarliq izhar qilsa, җämiyätlik işlarniŋ aktivisti Üsänҗan Abdrahmanov, uşbu ansambl'niŋ sabiq rähbiri, Azat toluqsiz ottura mäktiviniŋ peşqädäm ustazi Yunus İmirov vä Avat Mädäniyät šyiniŋ mudiri Dolqunҗan Rozahunov «Arzuniŋ» gastrol'luq kontsertiğa juquri baha berip, sän°ätkarlarğa iҗadiy utuq tilidi.
Ämgäkçiqazaq nahiyäsi.

Bälüşüş

Javap qalduruŋ