QazMU uçumkarliri jiğildi

0
98 ret oqıldı

Elimizdiki yetäkçi aliy oquş orni — äl-Farabi namidiki Qazaq milliy universiteti — qurulğininiŋ 85 jilliğini häm Uçumkarlar künini täntänilik nişanlap štti.

Ötkän häptidä mäzkür oquş ornini härhil jilliri tamamliğan ikki miŋdin oşuq uçumkar jiğilip, sabiq kursdaşliri, ustazliri bilän uçraşti. Uçumkarlarniŋ İİ forumi QazMUniŋ 85 jilliğiğa vä Uçumkarlar assotsiatsiyasiniŋ 25 jilliğiğa beğişlandi.
Mälumki, aliy oquş ornini tamamliğan Uçumkarlar assotsiatsiyasiniŋ rähbiri, ädliyä fakul'tetini 1981-jili tamamliğan, hazir Konstitutsiyalik keŋäşniŋ räisi Qayrat Mami. Uniŋ prezidiuminiŋ tärkivigä Oljas Suleymenov, Mırzatay Joldasbekov, Kenjeğali Sağadiev, Aqmaral Arıstanbekova, Armanjan Baytasov, Nurlan Smağulov ohşaş tonulğan şähslär kirgän. Forumğa şundaqla dšlät organliri bilän diplomatiyalik missiyalär häm QazMUniŋ elimizdiki vä çät ällärdiki şerikliriniŋ väkilliri, tiҗarätçilär, studentlar vä ustazlar qatnaşti.
Forumniŋ eçiliş täntänisidä Almuta şähiriniŋ hakimi Bauırjan Baybek Dšlät rähbiri Q.Toqaevniŋ täbriknamisini oqup bärdi. Şundaqla Parlament Senati apparatiniŋ rähbiri Serik Sadıqov, Parlament Mäҗlisiniŋ vitse-spikeri Gul'mira İsimbaeva, şair Oljas Suleymenov, İçki işlar vitse-ministri Raşid Jaqupov, Bilim vä pän ministrligi departamentiniŋ mudiri Adilet Toybaev, Astana Group kompaniyasiniŋ prezidenti Nurlan Smağulov šz täbriklirini yollidi. Şu küni metsenatlarniŋ Һšrmät tahtisi tonuşturulup, äl-Farabi häm Ö.Joldasbekovniŋ yadikarliqliriğa gülçämbärlär qoyuldi.
QazMU rektori, akademik Ğalım Mutanov šz sšzidä bu bilim därgahiniŋ elimizdiki äŋ çoŋ aliy oquş orni ekänligini, elimizdiki tonulğan säyasiy ärbaplar, tiҗarätçilär vä alimlarniŋ näq moşu universitetta bilim alğanliğini alahidä täkitlidi. Һazir QazMU duniya däriҗisidiki ilmiy universitetqa ayliniş aldida turidu. Däsläpki qetim häliqara QS reytingida duniyadiki 800 äŋ yahşi aliy oquş orni içidä 220-orunğa kštirilip, äŋ ilğar 250 universitet qatariğa kirdi. Qazaqstandiki aliy oquş orunliri arisida ekologiyalik äŋ taza 200 vä tehnologiyalik täräqqiy ätkän äŋ küçlük 50 universitet qatariğa kirgän birdin-bir aliy oquş orni, “Türk duniyasiniŋ äŋ yahşi universiteti” däp etirap qilinğan.
Forumda universitet bilän dayim ziç alaqida boluş bilän billä uniŋğa turaqliq hamiyliq qilip kelivatqan Asılbek Qojahmetovqa, Armanjan Baytasovqa, Abdrasil Jarmenovqa vä Zelina Katranovağa «Metsenat KazGU» sertifikatliri tapşuruldi. Ular šz sšzliridä biyil universitetni tamamlavatqan uçumkarlarğa utuq tilidi.
Forum dairisidä «Bizdin elita — Naşa elita» kitaviniŋ üç tomi tonuşturuldi.

Bälüşüş

Javap qalduruŋ