«Nurlı bolaşaqtiki» — uyğur ussuli

0
56 ret oqıldı

Gšhärbüvi İSMAYİLҖANOVA,
«Uyğur avazi»

1-iyun' — Häliqara balilarni himayä qiliş küni mäyrimi Panfilov nahiyäsidä җumhuriyätlik «Nurlı bolaşaq» aktsiyasi dairisidä dağduğiliq nişanlandi.

Yarkänt şähiridiki märkiziy mäydanda štküzülgän täntänidä nahiyä hakimi Temirlan Bektasov balilarni mäyrimi bilän täbriklidi.
— Balilar — bizniŋ keläçigimiz. Biz ularniŋ keläçiginiŋ parlaq, salamätliginiŋ mustähkäm boluşini tiläymiz. Elimizdä mana şu keläçäk egiliri üçün «Balapan» dšlät programmisi dairisidä balilar bağçiliri eçilip, paaliyät elip berivatidu. Ändi Panfilov nahiyäsidä bu programma toluği bilän ämälgä aşuruldi. Yäni balilirini bağçiğa štküzüş üçün ilgärkidäk aylap, jillap novät kütüp turuş yoq. Yarkänt şähiri bilän barliq yeza okruglirida hškümätlik vä şähsiy tiҗarätçilär täripidin balilar bağçiliri eçilip, uniŋda yaş ğunçilirimizniŋ munasip tärbiyilinişi üçün toluq imkaniyät yaritilğan. Ändi nahiyädiki 49 mäktäptä balilirimiz süpätlik bilim elivatidu, — dedi hakim.
Şuniŋdin keyin Yarkänt şähiridiki mäktäplär «Nurlı bolaşaq» җumhuriyätlik aktsiyasi boyiçä hünärlirini namayiş qildi.
Täkitläş keräkki, aktsiyaniŋ mähsiti kšpmillätlik elimizdiki häliqlärniŋ sän°itini, urpi-adät, milliy oyunlirini namayiş qiliştin ibarät bolğanliqtin, bu küni nahiyädä istiqamät qilivatqan 40tin oşuq millätniŋ nahşa-ussul vä milliy oyunliri sähniläştürülgän qoyulumlar vä fleşmoblar namayiş qilindi.
Bu küni Qazaqstan maaripiniŋ älaçisi Ğalımjan Rısbaev başlap maŋğan Ämgäkçi ottura mäktiviniŋ muällimliri bilän oquğuçiliri uyğur milliy nahşa-ussullirini namayiş qildi. Bolupmu bir mäzgildä 200 oquğuçi uyğurniŋ «Ässalam», «Uyğur ismi» vää «Uyğur degän moşundaq» nahşiliriğa sähniläştürülgän topluq ussullirini juquri maharät bilän orunlidi.
Moşu yärdä Yarkänt şähiridiki Lunaçarskiy, Altınsarin, Җambul, 6-mäktäp, Ç.Välihanov, Krupskaya namidiki ottura mäktäpliri bilän taza uyğur tilidiki B.Nazim vä H.Һämraev namidiki mäktäpliri oquğuçiliriniŋmu juquri däriҗidä hünär kšrsätkänligini alahidä täkitläp štkümiz kelidu.
Balilar bu küni şundaqla sport oyunliri bilän asfal'tqa räsim siziş boyiçimu bayqaşlarğa qatnişiş pursitigä egä boldi.
Panfilov nahiyäsi.

Bälüşüş

Javap qalduruŋ