Nisahan vä «Miraҗihan»

0
127 ret oqıldı

1902-jili Kuçaniŋ Kona şähär baziridiki sän°ätkarlar ailisidä omaqqinä bir qiz duniyağa kšz açidu. Uniŋ ata-anisi namratliq vä täŋsizlik sävävidin jut arilap nahşa eytip, saz çelip jürüp җan baqidu. Һayati äynä şundaq särsanliqta štkän ana bemäzgil alämdin štidu. Ata eğir ağriqqa duçar bolup, orun tutup yetip qalğaçqa, ailiniŋ barliq eğirçiliği ändila 10 yaşqa kirgän Nisahanniŋ zimmisigä jüklinidu. U šsüp-yetilgändä, äl arisida «Nisahan җildir» nami bilän tonulidu. Kuça häliq nahşiliriniŋ bügünki ävlatqa yetip kelişigä säväp bolğan, uyğur häliq nahşiliriniŋ җävhärliridin biri «Miraҗihanni» ahaŋğa salğan näq şu Nisahan Abduvälidur.
Miraҗihan — XİX äsirniŋ başlirida hayat käçürgän real şähs. U Kuçaniŋ şärqiy täripigä җaylaşqan Yaqa yezisidiki addiy dehan ailisidä tuğulğan. Boyiğa yetip, residä bolğanda, Kuçaniŋ җänubidiki Çimän yezisidiki bir bay kişigä yatliq qilinidu. Şuniŋdin kšp vaqit štmäyla Miraҗihan iz-tizsiz yoqap ketidu. Uniŋ heçbir derigi yaki hät-uçuri bolmiğaçqa, anisi uniŋ därdidä qan jiğlap, ahiri pani duniya bilän mäŋgügä hoşlişidu. Aniniŋ qiziğa beğişlap yazğan qoşaqliriniŋ biri «Miraҗihan» Nisahan Abduväli täripidin ahaŋğa selinğandin keyin äl arisiğa tarqilip, mäşräp vä toy-tškünlärdä yaŋraşqa başlaydu.
Nisahan Abduväli päqät tonulğan sän°ätkarla ämäs, şundaqla bir qolida dap, yänä bir qolida dutar çelip, härqandaq nahşini babiğa yätküzüp orunlaydiğan talantliq iҗraçi vä mahir sazändä bolğan. U äl arisida tarqilip jürgän 300din oşuq Kuça häliq nahşisini toplap, rätkä kältürüp, keyinki ävlatqa täğdim qilidu.
Ömriniŋ ahiriğiçä qolidin dutar bilän dapni, eğizidin Kuça häliq nahşilirini çüşärmigän daŋliq sän°ätkar Nisahan Abduväli 1987-jili 21-fevral' küni 85 yeşida alämdin štidu.

Bälüşüş

Javap qalduruŋ