Atisiğa tartqan Anayät

0
62 ret oqıldı

Sportqa kiçigidin zor iştiyaq bağliğan İlham Bilalov mäktäptä, andin Qazaq milliy tehnikiliq universitetida oquvatqan çağlirida ärkin küräş bilän şuğullanğan edi. Şu päytlärdä uniŋ qol yätküzgän utuq-muvappäqiyätlirimu az bolmiğan.

Mäşür SASİQOV,
«Uyğur avazi»

Ämgäkçiqazaq nahiyäsidin yetilip çiqqan kšpligän sportçilarniŋ ustazi häm mäşiqländürgüçisi Pähirdin Tohtievniŋ qolida tärbiyilängän İlham däsläp nahiyälik, keyiniräk vilayätlik vä җumhuriyätlik musabiqilärgä qatnişip, dayim mukapatliq orunlardin kšrünüp käldi. Vaqit štüp, ailisi bilän Almuta şähirigä kelip orunlaşqandin keyin Braziliyaniŋ djiu-djitsu sport türigä qiziqip qalidudä, «Top team Alatau» akademiyasidä mäşiqlinişkä başlaydu. Küräştin, umumän sporttin ubdan häviri bar İlham bu yärdimu ustazi Talğat Öteğuldin keyinki vaqitlarda ubdanla ammibaplaşqan bu türiniŋ qir-sirini çoŋqur üginidu.
U yeqinda Birläşkän Äräp Ämirliginiŋ Abu-Dabi şähiridä štkän duniya çempionatiğa qatnişip, 85 kilogramm salmaq däriҗisi boyiçä birinçi orunni yeŋivaldi. Älvättä, bu utuq talantliq sportçiğa asanliq bilän kälgini yoq. Yäni buniŋ tinimsiz vä nurğun tirişçanliqni täläp qilidiğan mäşiqlärniŋ mevisi ekänligi eniq. Şuŋlaşqa duniya miqiyasida qazanğan uşbu muvappäqiyätniŋ uniŋ üçün qädri bšläkçä.
Şuniŋ bilän billä bu musabiqiniŋ Bilalovlar ailisi üçün yänä bir alahidiligi şuki, «Atiğa qarap oğul šsär…» demäkçi, İlhamniŋ oğli Anayätmu sportni yeqin dost tutqanlardin. Umu ata izini besip, djiu-djitsu bilän şuğullinivatidu. Anayätmu şu musabiqigä qatnişip, bronza medaliniŋ sahibi ataldi. Qoş mukapat egisi atalğan ata-bala ğaliplarni utuği bilän qizğin täbrikligüçilär kšp boldi. Älvättä, ularniŋ arisida mäşiqländürgüçilirimu bar. Çünki şagirtiniŋ utuğiğa häm hoşalliğiğa ortaqlaşmaydiğan ustaz bolsunmu?! Uniŋ üstigä ata-bala novättiki utuğini näq şularğa beğişlaptu.

Bälüşüş

Javap qalduruŋ