Toyğa barsaŋ, toyup bar…

0
59 ret oqıldı

Hälqimiz mehmandostluği, esil taam mädäniyiti, märt-sehiliği vä gšzäl ählaq-päziliti bilän duniyağa mäşhur. Adättä, uyğurlar šyigä qädäm täşrip qilğan mehmanniŋ kšŋlini elişni bähit hesaplap, dästihanğa šydä nemä bolsa, şuni ayimay tšküp, alahidä hšrmitini bildüridu. Nemätlär tizilğan, taamlar qoyulğan dästihanğa qol sozuvatqan mehmanniŋ çehridä illiq täbässümni, razimänlik yaki hšzürliniş alamätlirini kšrgändä, sahiphanniŋ kšŋli çäksiz şatliqqa tolidu. Moşuniŋ hämmisi än°äniviy aditimizgä, turmuş qaidimizgä siŋip kätkän. Şu säväptin äzäldinla mehmandarçiliq bizdä esil bir mädäniyät bolup şäkillängän.
Äpsus bügünki täräqqiyatqa ägişip, keyinki vaqitlarda ayrim adämlär mehmandarçiliq qaidiliri bilän hesaplaşmay, balilirinimu ägäştürüp berip, ortaq mehman boluşni adätkä aylandurmaqta. Ular mehmandarçiliq җäriyanida boluşiçä yäp-içip, qalaymiqan sšz-härikätlärdä bolup, balilarniŋ säbiy qälbigä sälbiy täsirini yätküzmäktä. Yäni җämiyitimizdä hotun-qizlar bilän uşşaq balilarniŋ aldida tetiqsiz, mänisiz gäplärni, sorundikilärniŋ käypini uçuridiğan orunsiz çaqçaqlarni qilidiğan, sahiphanğa qolaysiz täläplärni qoyup, hiҗalätçiliktä qalduridiğan, dästihan beşini ğevät soruniğa aylanduruvalidiğan adämlärniŋmu barliği eçinarliq.
Һazirqi turmuş säviyämiz šskän şaraitta, mehmandarçiliğimizniŋ türi kšpiyip kätti. Mundaq ähvalda, mehmandarçiliqniŋ rohiğa, yšnilişigä qarap, muamilä qilişimiz tolimu zšrür. Ägär dästihan ätrapini kiçiklitilgän bir җämiyätkä qiyas qilsaq, u yärdä hilmu-hil adämlärni uçritişqa bolidu. Ularniŋ tärbiyisi, müҗäz-hulqi çoqum bir-biridin päriqlinidu. Ählaq sapasi naçar kişilär sorun, vaqit tallimay qilidiğan paraŋliri, hayasiz qiliqliri bilän balilarğa naçar illätlärni juqturup qoyidu. Şuŋlaşqimu «Toyğa barsaŋ, toyup bar, bäş balaŋni qoyup bar» degän än°äniviy şiarimizğa päqät toydila ämäs, başqa mehmandarçiliqlardimu ämäl qilişimiz keräk.

Bälüşüş

Javap qalduruŋ